Borşevikyarpaq ağəsmə
| Borşevikyarpaq ağəsmə | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Dəstə: Fəsilə: Yarımfəsilə: Triba: Cins: Növ: Borşevikyarpaq ağəsmə |
||||||||||
| Beynəlxalq elmi adı | ||||||||||
| ||||||||||
Borşevikyarpaq ağəsmə (lat. Clematis heracleifolia) — bitkilər aləminin qaymaqçiçəklilər dəstəsinin qaymaqçiçəyikimilər fəsiləsinin ağəsmə cinsinə aid bitki növü.
Təbii yayılması
[redaktə | mənbəni redaktə et]Şərqi Çində, Koreyada təbii halda yayılmışdır. 1837-ci ildən mədəni şəraitdə Avropada dekorativ bağ bitkisi kimi becərilir.
Botaniki təsviri
[redaktə | mənbəni redaktə et]Hündürlüyü təxminən 1 metr olan, düz, alt hissəsində oduncaqlaşmış, cod zoğları olan çoxillik bitkidir. Gövdələri düz dayanan, ancaq bünövrəsində çox və ya az oduncaqlaşmış, yumru, seyrək tükcüklü, zərifdir. Yarpaqları iri, dərili, üç-lələkvari, uzunluğu 15 sm-dəkdir. Çiçəklərin diametri təxminən 2,5 sm, 4 ədəd, parlaq mavi, ətirli, kənarları kəsikli ləçəkləri sünbülçiçək formalıdır. Avqust-sentyabrda çiçəkləyir. Toxumları 0,5-3 ay müddətində cücərir. Səpindən sonra ikinci il çiçəkləyir.
Ekologiyası
[redaktə | mənbəni redaktə et]Mənfi 350C-dək şaxtaya davamlıdır. Uzun vegetasiya dövrü ilə fərqlənir (isti-mülayim zonada əsasən noyabradək), zoğları ona görə çox vaxt yetişmir. Kölgəli yerlərdə yaz soyuqları qurtardıqdan sonra açıq torpağa əkilir.
Azərbaycanda yayılması
[redaktə | mənbəni redaktə et]Azərbaycanda dekorativ bitki kimi mədəni şəraitdə becərilir.
İstifadəsi
[redaktə | mənbəni redaktə et]Dekorativ bitki kimi yaşıllaşdırmada istifadə olunur. Gül gərdisində və ya kolların arasında əkilmək üçün istifadə edilir. Tək və qrup halında mədəni şəraitdə becərilir.