Brendan Freyzer

Brendan Freyzer
Brendan Fraser
Doğum adı	Brendan James Frasier
Doğum tarixi	3 dekabr 1968
Doğum yeri	İndianapolis, İndiana ABŞ
Vətəndaşlığı	ABŞ Kanada
Fəaliyyəti	aktyor
Fəaliyyət illəri	1988-ci ildən
Mükafatları
IMDb	ID0000409
brendanfraser.com
Vikianbarda əlaqəli mediafayllar

Brendan Freyzer (ing. Brendan Fraser; 3 dekabr 1968, İndianapolis, İndiana) — Kanada əsilli ABŞ aktyoru, "Oskar" mükafatı laureatı (2023).

Həyatı

Brendan Freyzer 1963-cü ildə ABŞ-nin İndiana ştatında Kanada əsilli ailədə dünyaya gəlmişdir. Brendan ailədə 4 qardaşdan ən kiçiyidir. Ailəsi ilə birlikdə Niderlandda, İsveçrədə, eləcə də Romada, Londonda və ABŞ-nin başqa şəhərlərində yaşamışdır. Atası daha çox Kanadada işləmişdir. Brendan 12 yaşından London teatrlarında kiçik səhnələrdə çıxış edir. Brendan Freyzer peşəkar film karyerasına 1991-ci ildən başlayır. 2001-ci ildə London teatrı səhnəsində yenidən iştirak edir.

1998-ci ildə Freyzer Afton Smit adlı qızla evlənir. Qız ondan yaşca 1 il böyük olur. Onların üç uşaqları var: Qriffin Artur (2002), Holden Fletçer (2004) və Leland (2006). Brendan və Afton rəsmi olaraq 2007-ci ildə ayrılırlar.

Freyzer təcrübəli həvəskar fotoqraf və oxatandır. Həmçinin, o xeyriyyəçidir. Freyzer ailəsi Kanada əsilli olduğu üçün fransız dilində sərbəst danışa bilir. Brendan Freyzerin boyu 1.91 m-dir.

Sağlamlığı

2018-ci ildə Freyzer açıq şəkildə bildirmişdir ki, komediya və savaş filmlərində oynadığı rollarda etdiyi tryuk və manevrlərə qoyulan fiziki tələblər onu, yeddi il ərzində, diz oynağının qismən dəyişdirilməsi, laminektomiya və səs tellərində əməliyyat da daxil bir neçə cərrahi əməliyyat keçirməsinə məcbur etmişdir.

Seksual təcavüzdə Filip Berke qarşı ittihamı

2018-ci ildə Freyzer açıq şəkildə elan edir ki, 2003-cu ildə nahar yeməyi ziyafətində o zamanlar, "Qızıl Qlobus" mükafatına səs verənlər arasında olan "Hollivud xarici mətbuat assosiasiyasi"(HFPA) qeyri-kommersiya təşkilatının prezidenti Filip Berk tərəfindən seksual təcavüzə məruz qalmışdır. Berk Freyzerin bu sözlərini "tam uydurma" adlandırır, ancaq 2014-cü ildə öz xatirələrində boynuna alır ki, Freyzeri "zarafatla" əlləşdirib. Boşanma, anasının vəfatı, sağlamliğı ilə bağlı problemlər və iddia edilən hücumun ictimaiyyət tərəfindən qəbul edilməsi Freyzeri dərin depressiyaya salır və bu onun karyerasında fasiləyə gətirib çıxarır.

Seçilmiş filmoqrafiya

İl	Film
1991	İt mümarizəsi
1992	Ensinolu adam
1994	Boş başlılar
1997	Cunqliyalı Corc
1999	Mumiya
2001	Mumiya qayıdır
2008	Mumiya: Əjdaha İmperatorunun Qəbri
2008	Yerin mərkəzinə səyahət
2022	Balina

Xarici keçidlər

• Brendan Freyzer — IMDb səhifəsi