Bulud Qasımov
| Bulud Qasımov | |
|---|---|
 | |
| Doğum tarixi | 1 iyul 1947 (79 yaş) |
| Doğum yeri | |
| Fəaliyyəti | rəssam, yazıçı, jurnalist |
| Təhsili | |
| Janr | karikatur |
 Vikianbarda əlaqəli mediafayllar | |
Bulud Əliş oğlu Qasımov (1 iyul 1947, Nərimankənd, Gədəbəy rayonu) — yazıçı və karikaturaçı rəssam, Azərbaycan Karikaturaçı Rəssamlar Birliyinin üzvü (2006)[1]
Həyatı
[redaktə | vikimətni redaktə et]Bulud Qasımov 1 iyul 1947-ci ildə Gədəbəy rayonunun Nərimankənd kəndində anadan olub. 1966-cı ildə Nərimankənd orta məktəbini, 1968-ci ildə isə Texniki Rəssamlıq Məktəbini saxsı qablar üzrə rəssam ixtisası üzrə bitirmişdir. 1968–1970-ci illərdə Qara dəniz sahilindəki Gəlincik şəhərində sovet ordusu sıralarında rəssam kimi xidmət etmişdir.
1972–1977-ci illərdə Bakı Dövlət Universitetinin Jurnalistika fakültəsində ali təhsil almışdır. 1978-ci ildən "Sovet kəndi" qəzetində çalışmağa başlamışdır.[2]
1980-ci ildən karikaturaçı rəssam kimi respublika mətbuatında fəal çalışmağa başlayıb. 1981-ci ildən "Kirpi" satirik jurnalı ilə əməkdaşlıq etmişdir.[3]
Bulud Qasımov 1987-ci ildən 2012-ci ilə qədər Bakı şəhəri Zakir Yusifov adına 194 saylı tam orta məktəbində təsviri-incəsənət müəllimi işləmişdir.
2005-ci ildən "Mozalan" satirik jurnalının bədii redaktoru və baş rəssamı işləmişdir.[4] "Molla Nəsrəddin XXI əsrdə" jurnalında rəssam işləyir.
Bulud Qasımov Azərbaycan dövrü mətbuatında o cümlədən "Sovet kəndi", "Kommunist", "Ədəbəyyat və incəsənət", "Mədəniyyət", "Dan ulduzu", "Bütöv Azərbaycan", "Kaspi", "Kredo", "Savalan", "Güzgü" qəzetlərində "Kirpi", "Mozalan", "Günəş", "Bahar", "Molla Nəsrəddin XXI əsrdə" jurnallarında çalışmışdır.[5][6]
2006-cı ildən Azərbaycan "Karikaturaçı Rəssamlar Birliyi"nin üzvüdür. Həmçinin FECO (Beynəlxalq Karikaturaçılar Təşkilatları Federasiyası) Azərbaycan qrupunun üzvüdür.[7]
Bir çox respublika, Beynəlxalq sərgilərində və müsabiqələrində iştirak edib.[8]
Bulud Qasımov Türkiyədə keçirilən "Aydın Doğan Uluslararası Karikatür Yarışması"nda hər il iştirak edir və əsərləri orada sərgilənir.[9]
Ailəsi
[redaktə | vikimətni redaktə et]Bulud Qasımovun atasının adı Əliş, anasının adı Qızxanımdır. 3 oğlu, 2 qızı var.
Kitabları
[redaktə | vikimətni redaktə et]- Rəssam Bulud Qasımov — Məni tanıyanlar. Bakı, "Dünya nəşriyyatı", 1998. 48 səh. 1000 tiraj.
- Bulud Əlişoğlu. "Şəhid yuxusu", Bakı, "Adiloğlu", 2007. 120 səh. 500 tiraj.
- Bulud Əlişoğlu. "İmana inam" (bir ömrün salnaməsi), Bakı, "Qismət", 2012. 112 səh.
Haqqında deyilənlər
[redaktə | vikimətni redaktə et]Portretin əsas xarakterik cizgisini tapmaq rəssam Buludun məharətidir. Tofiq Mahmud, şair
İstinadlar
[redaktə | vikimətni redaktə et]- ↑ "Mədəniyyət xadimləri: Bulud Qasımov" (az.). mct.gov.az. 2007. 4 iyul 2023 tarixində arxivləşdirilib. İstifadə tarixi: 18 may 2015.
- ↑ "Mədəniyyət" qəzeti, 1997-ci il.
- ↑ Bayram Hacızadə, "Azərbaycanın karikaturaçı rəssamları", Bakı, "Çaşıoğlu", 2001. səh.92
- ↑ Bayram Hacızadə, "Müasir Azərbaycan karikaturası", Bakı, "Şərq-Qərb", 2007. səh.60
- ↑ "Jurnalist" qəzeti, 1986-cı il.
- ↑ "Femida" qəzeti, 1997-ci il.
- ↑ "Karikaturaçılar: Bulud Qasımov (1947)" (az.). azerbaijans.com. 2011. 19 dekabr 2021 tarixində arxivləşdirilib. İstifadə tarixi: 13 may 2015.
- ↑ FECONEWS MAGAZINE, № 44. səh.5
- ↑ "Bulud ELISOGLU QASIMOV GALERİSİ" (türk). sanalmuze.aydindoganvakfi.org.tr. 2009. 8 mart 2016 tarixində orijinalından arxivləşdirilib. İstifadə tarixi: 18 may 2015.
Xarici keçidlər
[redaktə | vikimətni redaktə et]
- Bulud Qasımov(karikatura) [ölü keçid] — kirpiaz.com saytı
- azercartoon.com saytı Arxivləşdirilib 2008-08-07 at the Wayback Machine
- "Molla Nəsrəddin" jurnalının 101 illiyi münasibətilə tədbir keçirilib [ölü keçid] — az.apa.az saytı