Cəbrayıl Hüseynov

Vikipediya, açıq ensiklopediya
Jump to navigation Jump to search
Cəbrayıl Hüseynov
C.A.Huseynov.jpg
Doğum tarixi 13 yanvar 1914(1914-01-13)
Vəfat tarixi 1969(1969)
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Elm sahəsi Kimya
İş yeri BDU Kimya-texnologiya kafedrası‎
Elmi dərəcəsi Kimya elmləri doktoru (1962)
Elmi adı Professor
Təhsili ADNA-nın Kimya-texnologiya fakültəsi‎
Mükafatları

Cəbrayıl Ələkbər oğlu Hüseynov - Kimya elmləri doktoru, professor

Həyatı[redaktə | əsas redaktə]

‎Cəbrayıl Hüseynov 13 yanvar 1914-cü ildə anadan olmuşdur. O, 1930-cu ildə Azərbaycan ‎Sənaye İnstitutunun (hazırda ADNA) Kimya-texnologiya fakültəsinə daxil ‎olmuş, 1935-ci ildə bitirmişdir.

Fəaliyyəti[redaktə | əsas redaktə]

Cəbrayıl Hüseynov 1950-ci ildə namizədlik, 1962-ci ildə doktorluq ‎dissertasiyasını müdafiə etmiş, professor elmi adı almışdır. O, çoxsaylı ‎proseslərin və sənayedə tətbiq olunan ixtiraların müəllifidir.

C.Ə.Hüseynov uzun illər Yeni ‎Bakı Neftayırma, Azərneftyağ, Sintetik kauçuk zavodlarında rəhbər vəzifələrdə ‎çalışmışdır. Onun əmək və elmi fəaliyyətinin əsas hissəsi Bakı neftayırma ‎zavodlarında Azərbaycan neftlərindən istehsal olunan sürtgü yağlarının istehsal ‎texnologiyasının təkmilləşdirilməsi və keyfiyyətinin yaxşılaşdırılmasına həsr ‎olunmuşdur.‎

‎C.Ə.Hüseynov 1961-1967-ci illərdə Bakı Dövlət Universitetinin Kimya fakültəsinin ‎dekanı, eyni zamanda “Kimya texnologiyası” kafedrasının müdiri vəzifəsində ‎çalışmışdır. Onun BDU-da neft texnologiyasına dair oxuduğu mühazirələr üç ‎hissədən ibarət dərslik halında dərc edilmişdir. Bu dərsliklər rumın və çin ‎dillərinə tərcümə edilmişdir. Cəbrayıl Hüseynov 7 monoqrafiya, 187 elmi əsər, 10 patentin ‎müəllifidir, 8 elmlər namizədi hazırlamışdır. ‎C.Ə.Hüseynov 1959-cu ildə Sumqayıt şəhərindən ‎Azərbaycan SSR Ali Sovetinə deputat seçilmiş, bir sıra medallarla təltif ‎edilmişdir.‎[1]

İstinadlar[redaktə | əsas redaktə]

  1. Bakı Dövlət Universitetinin professorları. - Bakı, 2014