Cənubi Afrika Həmkarlar İttifaqları Konqresi
Cənubi Afrika Həmkarlar İttifaqları Konqresi (ing. Congress of South African Trade Unions) — Cənubi Afrikanın ən irimiqyaslı və aparıcı həmkarlar ittifaqı təşkilatlarından biri. Baş qərargahı Yohannesburqda yerləşir.
Tarixi[redaktə | mənbəni redaktə et]
Konqres 1 dekabr 1985-ci ildə bir neçə təşkilat və federasiyanın birləşməsi nəticəsində yaranmışdır.
Tərkibi[redaktə | mənbəni redaktə et]
Yarandığı vaxt qısa zaman ərzində tərkibinə 33 təşkilat və yarım milyon üzv cəmləşmişdir.
Hazırda təşkilatın tabeçiliyində 21 həmkarlar ittifaqı təşkilatı fəaliyyət göstərir. Konqres 1,8 milyon üzvü özündə cəmləşdirir.
Fəaliyyəti[redaktə | mənbəni redaktə et]
Təşkilat yarandığı ilk gündən ona üzv olan işçilərin hüquqlarını qorumaq istiqamətində əlindən gələni əsirgəməyib. Dəfələrlə təşkilatın təşəbbüsü ilə irimiqyaslı nümayiş, tətil, etiraz aksiyaları keçirilib. Etirazlara əsas səbəb isə işçilərin maaşlarının qaldırılmaması, iş şəraitinin yaxşılaşdırılması yönündə heç bir addım atılmaması, iş saatının uzadılması olub. Demək olar ki, əksər hallarda konqresin tələbləri yerinə yetirilib.
Rəhbərləri[redaktə | mənbəni redaktə et]
Təşkilatın ilk prezidenti İlayca Bereyi olub. O, 1991-ci ilədək quruma rəhbərlik edib.
Hazırda təşkilata Sidumo Dlamini rəhbərlik edir.
Mənbə[redaktə | mənbəni redaktə et]
- Afaq HÜSEYNOVA. Cənubi Afrika Həmkarlar İttifaqları[ölü keçid]. "Ülfət" qəzeti, 5 oktyabr 2012-ci il. (az.)
Xarici keçidlər[redaktə | mənbəni redaktə et]
- cosatu.org.za — Cənubi Afrika Həmkarlar İttifaqları Konqresinin rəsmi saytı