Cabbar Əsgərzadə

Vikipediya, açıq ensiklopediya
(Cabbar Bağçaban səhifəsindən istiqamətləndirilmişdir)
Keçid et: naviqasiya, axtar
Mirzə Cabbar Əsgərzadə
Əsgərzadə Mirzə Cabbar Əsgər oğlu
Şəkil yoxdur.jpg
Doğum tarixi: 1886(1886-Şablondakı doğum və ya ölüm tarixində texniki yanlışlıq var!-00)
Doğum yeri: İrəvan
Vəfat tarixi: 25 noyabr 1966(1966-11-25)
Vəfat yeri: Tehran, İran
Uşağı: Səmin Bağçaban

Mirzə Cabbar Əsgər oğlu Əsgərzadə Bağçaban (1885-1966) — tanınmış Azərbaycan pedaqoqu. İranda ilk dəfə uşaq bağçası və lal-karlar məktəbin təsisçisi, Iranda ilk uşaq kitabının müəllifi və naşiri, həmçinin, farsca işarə dilinin ixtiraçısıdır.[1]

Həyatı[redaktə | əsas redaktə]

Cabbar Əsgərzadə Aciz 1885-ci ildə İrəvanda anadan olmuş, ilk təhsilini mollaxanada almışdır. Atası Əsgər İrəvanda memarlıq və qənnadiliklə məşğulluğu ilə tanınmış, Cabbar da gənc yaşlarında bu peşələrə yiyələnmişdi. Erməni daşnaklarının törətdiyi dəhşətli hadisələr dövründə valideynlərini itirmiş, 1918-ci ildə minlərlə soydaşı kimi Cabbar Əsgərzadə İrəvanı tərk etmişdir. O, İrana, babası Rzanın yanına köçmüş, burada Əbülqasım Füyüzatın yanında Təbrizdə işləmiş, açılan uşaq bağçasında çalışmış və uşaq evində gördüyü yaxşı işlərə görə Cabbar Bağçaban ləğəbi daşımışdır. Lal və kar uşaqlar üçün məktəb açmış, 1927-ci ildə Tehranda həbs edilmişdir.

Lakin Füyüzat fars əyalətinin Maarif rəisi işləyərkən bu xəbəri eşidir və Şirazda yeni təşkil edilən uşaq evində işləməyə gətirmişdir.

Cabbar Əsgərzadə 1933-1935-ci illərdə Tehranda açdığı karlar və lallar məktəbində işləyir, fiziki cəhətdən qüsurlu olan uşaqlara kömək edən bir cihaz düzəldir [181]. Pedaqoji fəaliyyətlə məşğul olan Cabbar Əsgərzadə 1943-cü ildə müəllimlər üçün məcmuə nəşr etdirir. O, 1966-cı ildə Tehranda vəfat edir.

Fəaliyyətli[redaktə | əsas redaktə]

"Molla Nəsrəddin", "Zənbur", "Kəlniyyət", "Məzəli", "Babayi-əmir" adlı satirik jurnallarda "Anaş qurbağa" "Məhkəmə pişiyi" , "Noxtasız", "Qurbağa", "Hacı leylək" imzalarıilə çıxış etmişdir. Ermənistanda azərbaycan mətbuatının ilki olan "Lər-lək"in dili, üslubu, ifadə tərzi, onun səhifələrində verilən bədii yazılar, şeir və felyetonların həyat həqiqətlərinə əsaslanması onun oxucularının maraq dairəsinin genişlənməsində mühüm rol oynamışdır. Onun mühərriri və naşiri, məharətli satirik şair Cabbar Əsgərzadə ədəbiyyat və mətbuat tariximizin formalaşmasında əvəzsiz xidmətləri olan şəxsiyyətlərdəndir.

Bu qələm sahibinin xalqın maariflənməsi və azadlığı yolunda həyata keçirmək istədiyi işlər onu bir naşir, müxbir, mühərrir, naşir və şair kimi oxucuların sevimlisi etmişdir.

Mənbə[redaktə | əsas redaktə]

  • Ziyəddin Məhərrəmov. "İrəvanda məktəbdarlıq və maarifçilik (1800-1920-ci illərdə ədəbi-mədəni mühit)".

İstinadlar[redaktə | əsas redaktə]