Cavanşir Məmmədov (siyasətçi)

Cavanşir Məmmədov
Cavanşir Ağalı oğlu Məmmədov
Jdanov (Beyləqan) rayon Partiya Komitəsinin birinci katibi
1965 – 1978
Mirbəşir (Tərtər) rayon Partiya Komitəsinin birinci katibi
1978 – 1988
Azərbaycan Kommunist Partiyası Füzuli Rayon Komitəsinin birinci katibi
27 avqust 1988 – 1990
Əvvəlki	Əhməd Əhmədzadə
Şəxsi məlumatlar
Doğum tarixi	10 sentyabr 1930(1930-09-10)
Doğum yeri	Əhmədbəyli, Qaryagin rayonu, Azərbaycan SSR, ZSFSR, SSRİ
Vəfat tarixi	bilinmir
Partiya	Sovet İttifaqı Kommunist Partiyası (1956)
Təhsili	Azərbaycan Dövlət Pedaqoji İnstitutu (–1953), Azərbaycan Kənd Təsərrüfatı İnstitutu (–1968)
Fəaliyyəti	siyasətçi
Təltifləri

Cavanşir Məmmədov (10 sentyabr 1930, Əhmədbəyli, Qaryagin rayonu – bilinmir) — Jdanov rayonu Partiya Komitəsinin birinci katibi.

Həyatı

10 sentyabr 1930-cu il tarixində Füzuli rayonunun Əhmədbəyli kəndində anadan olmuşdur. 1953-cü ildə ADPU –nun tarix fakültəsini, 1968-ci ildə AKTA –nın aqronomluq fakültəsini, 1972-ci ildə isə Moskva ALİ Partiya Məktəbini bitirmişdir.

Cavanşir Məmmədov 1953–1954-cü illərdə Beyləqan rayon Komsomol Komitəsində təşkilat müdiri vəzifəsində çalışmış, 1954–1959-cu illərdə həmin qurumun ikinci və birinci katibləri vəzifəsinə yüksəlmişdir. 1959–1961-ci illərdə C. Məmmədov Azərbaycan SSR KP Beyləqan rayon Komitəsinin katibi vəzifəsində çalışmış, 1961–1963-cü illərdə Beyləqan rayon XDS İcraiyyə Komitəsinin sədri, 1963–1965-ci illərdə İmişli rayon İstehsalat Partiya Komitəsində katib, 1965–1978-ci illərdə Beyləqan rayon Partiya Komitəsinin birinci katibi, 1978–1988-ci illərdə Tərtər rayon Partiya Komitəsinin birinci katibi, 1988–1990-cı illərdə isə Füzuli rayon Partiya Komitəsinin birinci katibi vəzifələrin müvəffəqiyyətlə çalışmışdır. VII, VIII, IX, X, XI çağırış Azərbaycan Ali Sovetinə deputat seçilmişdir.

Mükafatları

4 dəfə "Qırmızı Əmək Bayrağı" (30.04.1966; 08.04.1971; 12.12.1973; 23.02.1981) və "Oktyabr inqilabı" (27.12.1976) ordenləri ilə təltif edilmişdir.