Cenqa

Cenqa
Oyunçular	Minimum:1 Maksimum:8
Sayt	jenga.com
Vikianbarda əlaqəli mediafayllar

Cenqa — Lesli Skot tərəfindən yaradılmış oyundur. Hasbro və Milton Bredly Company tərəfindən satışı həyata keçirilir.

Etimalogiyası

"Jenga" sözü Suahili dilindəki "kujenga" sözündən götürülüb və "tikmək, inşa etmək" mənasını verir. Leslie Skot bu adı seçərkən amerikalılara tanış olmayan bir söz istəməsi ilə bağlı olub — o, öz köklərinə istinad edərək Suahili sözündən istifadə edib.

Oyunun yaranma tarixçəsi

Oyun 1970-ci illərin əvvəlində Qanada (Qana), Leslie Skotun ailəsi ilə yaşadığı zaman yaranıb. Ailə uşaqlarının taxta bloklarından istifadə edərək qüllə tikmə oyunu oynayırdı, sonradan bu bloklar Takoradi şəhərindəki (Qana) bir dəyirmandan sifariş edilib. Skot ilk 100 oyun dəstini Yorkşirdəki Camphill icması (öyrənmə çətinliyi olan insanlar üçün icma) tərəfindən hazırlatdırıb.

Oyunun qaydaları

54 taxta blokdan ibarətdir. Hər mərtəbə 3 blok olmaqla 18 mərtəbəli bir qüllə düzəldilir. Bununla belə, əgər ilk üç blok şimaldan cənuba düzülübsə, yuxarıdakı üç blok şərq-qərb sxemi ilə düzülməlidir. Oyun iştirakçıları növbə ilə bu 18 mərtəbəli qüllədən bir blok çəkir və qüllənin üstünə yenidən başlanğıcdakı kimi düzməyə başlayırlar. İştirakçılar toxunduqları bloku tək əlləri ilə çəkmək məcburiyyətindədirlər. Qüllə yıxılmadan əvvəl son bloku kim çəkibsə, oyunu o şəxs uduzur. Yenidən oynamaq istəsəniz, blokları yığmaq və onları bir qüllə etmək vəzifəsi əvvəlki oyunu uduzan şəxsə düşür.