Central Cee

Vikipediya, azad ensiklopediya
Naviqasiyaya keç Axtarışa keç
Central Cee
Central Cee 2023-cü ildə
Central Cee 2023-cü ildə
Ümumi məlumatlar
Doğum adı Oakley Neil H T Caesar-Su
Ləqəbi Central Cee[2]
Doğum tarixi 4 iyun 1998(1998-06-04) (26 yaş)
Doğum yeri
Vətəndaşlığı
Musiqiçi məlumatları
Fəaliyyəti repçi, mahnı yazarı[d]
Fəaliyyət illəri 2015-ci ildən
Janrlar UK drill[d][3], Britaniya hip-hopu, trep, pop rep[d]
Albom şirkətləri Alternative Distribution Alliance[d], Columbia Records[1]
centralcee.com
Vikianbarın loqosu Vikianbarda əlaqəli mediafayllar

Central Cee (4 iyun 1998, Shepherd's Bush[d], London, İngiltərə, Birləşmiş Krallıq[3]) — Birləşmiş Krallıq repçisi. "UK drill" janrındakı mahnılarına görə tanınır. 2020-ci ildə yayımladığı iki dənə sinqlı "Day in the Life" və "Loading" sayəsində diqqətləri öz üzərinə çəkib.[4] 2021-ci ildə çıxardığı debüt miksteypi "Wild West" UK Albums Chart-da ikinci pillədə qərarlaşıb.[5] Onun 2022-ci ildə təqdim etdiyi ikinci miksteypi "23" həmin hit-parada başçılıq edib.

Central Cee-nin 2022-ci ilin iyul ayında yayımladığı sinqlı "Doja" UK Singles Chart-da ikinci sıraya çatıb. Bu mahnı Spotify-da ən çox dinlənilən Britaniya rep mahnısı olmuşdur.[6][7] O, 2022-ci ilin oktyabrında "No More Leaks" adlı dördüncü mini-albomunu buraxıb.[8] 2023-cü ilin iyununda repçi Dave ilə birgə ifa etdiyi sinqlı "Sprinter"-i yayımlayıb. Sözügedən mahnı onun Birləşmiş Krallıqda bir nömrəyə çatan ilk mahnısı olub. Bu sinql eyni zamanda 10 həftə boyunca hit-paradda öz mövqeyini qorumuşdur.[9] Central Cee 2023-cü ildə Dave ilə hazırladığı kollaborativ miksteyp albomu olan "Split Decision"-ı təqdim edib, hansı ki, trek siyahısına həmin sinql da daxildir.[10]

Həyatı

[redaktə | mənbəni redaktə et]

4 iyun 1998-ci ildə Londonda anadan olub. Anası ingilis, atası mənşəcə çinlili-qayanalıdır.[11] Anası Reyçel 15 yaşında olarkən onun atası ilə tanış olmuş və valideynlərinin razı olmamasına baxmayaraq onunla münasibət qurmuşdur. Bununla, valideynləri ona maddi dəstək verməyi dayandırıblar. Central Cee yeddi yaşında ikən valideynləri ayrılıb. O, anası və iki balaca qardaşı ilə Londonun şəhərətrafı bölgəsi olan "Shepherd's Bush"-da yaşayıb. Bir ögey qardaşı da var.[12] Doğma qardaşı olan "Juke Caesar" onun "23" adlı miksteypində "Lil Bro" ləqəbi ilə mahnı oxuyub.[13] Central Cee uşaq ikən şeirlər və replər yazır və onları anası və ailənin sosial işçisinə göstərirdi.[14]

O, atasının evində qalarkən amerikan hip-hopu ilə tanış olmuşdur.[15] Belə ki, atası onu Londonda keçirilən Nottinq Hil karnavalına aparmışdı. Central Cee orada ilk dəfə Yamaykada yaranan reqqi və densholl janrındakı mahnılara qulaq asmışdı.[16] O, məktəb illərində səssiz olduğunu və çox vaxt kimsəyə qaynayıb-qarışmadığını deyir. Bəzən özünü "pis apardığı" vaxtlar da olub. O, iki yaş böyük olduğu "uk drill" repçisi Digga D ilə eyni məktəbdə oxuyub.[17][18] Təhsilini başa vurmadan 16 yaşında məktəbdən çıxıb.

14 yaşında ikən anası onu evdən qovmuş və o, səbəbdən bir müddət sevgilisinin evində yaşamalı olmuşdur. Həmin dönəmlərdə dostlarından biri onu yanına alaraq səsyazma studiyasına aparmışdı.[19] Central Cee studiyadakı musiqiçiləri görmüş və həvəsə gələrək mahnı yazmağa başlamışdır.

Central Cee işlə məşğul olmaq niyyəti ilə ayaqqabı mağazasında işə düzəlmişdi. Onun əvvəlcə işdən nə qədər maaş veriləcəyinə dair məlumatı olmayıb. O, üç həftə işlədikdən sonra nə qədər maaş alacağı barədə məlumat alıb. Ancaq ona veriləcək maaşın "sərf etmədiyini" düşünərək işini yarıda qoyaraq ayrılıb.[20] Deyir ki, pul qazanmaqdan ötrü narkotik satmalı olub: "Bilirsiniz necədir, insanların əksəriyyəti, on nəfərdən ən azı doqquzu mənim vəziyyətimə düşəndə bu cür işlərə baş vurmaqdan başqa seçimi qalmır, bildiyimi deyirəm. Bu velosiped sürməyi öyrənmək kimidir, həyatda hamının qarşılaşacağı şeylərdən biridir. Çətin olsa da, üstəsindən gəlməyi bacarmalısan."[21]

Şəxsi həyatı

[redaktə | mənbəni redaktə et]

O, "Pretty Lonesome" podkestinin müəllifi olan kuir internet ulduzu Madeline Argy ilə 2022-ci ilin iyulundan 2023-cü ilin sonlarına qədər romantik münasibətdə olub. O, "Doja" mahnısının sözlərində deyir: "How can I be homophobic? My bitch is gay."[22]

2024-cü ilin iyulunda Central Cee Ice Spice ilə birgə oxuğu "Did It First" adlı sinql çıxardıb. Sözügedən mahnı partnyorlara xəyanət etmək haqqında idi. Hansı ki, musiqi videosu da mübahisəli kimi qiymətləndirilir. Bu, iyul ayında TikTok-da geniş müzakirələrə səbəb olmuşdur. Madeline deyir ki, onların etdikləri "marketinq strategiyasından başqa bir şey deyil, gündəmə gəlməkdən ötrüdür".[23] Xatırladaq ki, müğənni Ice Spice "Y2K!" adlanan debüt studiya albomunu 26 iyul tarixində təqdim edib.

Diskoqrafiya

[redaktə | mənbəni redaktə et]
border=none Əsas məqalə: Central Cee diskoqrafiyası

Albomlar

  • Can't Rush Greatness (TBA)[24]

Miksteyplər

İstinadlar

[redaktə | mənbəni redaktə et]
  1. ↑ 1 2 https://www.columbiarecords.com/artists/central-cee/.
  2. ↑ Central Cee // AllMusic (ing.). 1991.
  3. ↑ 1 2 3 Williams K. Central Cee: Big Sean-endorsed west London rapper whose career finally thrived during lockdown (brit. ing.). // New Musical Express / red. (not translated to en-gb) 2021. ISSN 0028-6362
  4. ↑ Scott, Jimi. "How Central Cee finally achieved greatness". GRM Daily (ingilis). 10 March 2021. 7 January 2023 tarixində arxivləşdirilib. İstifadə tarixi: 11 January 2023.
  5. ↑ Peaks in the UK:
  6. ↑ Wynter, Courtney. "Central Cee's "Doja" Debuts At Number 2 In UK Singles Chart". GRM Daily (ingilis). 29 July 2022. 9 June 2023 tarixində arxivləşdirilib. İstifadə tarixi: 9 June 2023.
  7. ↑ Keith, James. "Central Cee Makes UK Chart History, Shouts Out Giggs,Skepta, Krept and Konan and D-Block Europe For Early Influence". Complex (ingilis). 2023-07-13 tarixində arxivləşdirilib. İstifadə tarixi: 2023-07-12.
  8. ↑ Keith, James. "Central Cee Drops Surprise 'No More Leaks' EP, Leads With "One Up" Video". Complex (ingilis). 9 June 2023 tarixində arxivləşdirilib. İstifadə tarixi: 9 June 2023.
  9. ↑ Brandle, Lars. "Dave and Central Cee's 'Sprinter' Snags U.K. Chart Record". Billboard (ingilis). 2023-08-07. 2023-08-18 tarixində arxivləşdirilib. İstifadə tarixi: 2023-08-18.
  10. ↑ "Dave & Central Cee make record-breaking debut at Number 1 with Sprinter". www.officialcharts.com (ingilis). 9 June 2023 tarixində arxivləşdirilib. İstifadə tarixi: 9 June 2023.
  11. ↑ "Central Cee, The UK's Emperor Of Rap, Clears Up Your Misconceptions". British Vogue (ingilis). 2023-03-23. 2023-07-19 tarixində arxivləşdirilib. İstifadə tarixi: 2023-07-19. “My dad’s Guyanese and Chinese, and my mum’s English,” he says, hesitating before he answers.
  12. ↑ "Central Cee Interview: "I Don't Want To Be Boxed In As A Drill Rapper"". Complex. 12 March 2021 tarixində arxivləşdirilib. İstifadə tarixi: 13 February 2023.
  13. ↑ Ihaza, Jeff. "Central Cee on U.K. Drill's Global Audience: 'It's Up to Us to Keep it Alive'". Rolling Stone (ingilis). 10 May 2022. 3 January 2023 tarixində arxivləşdirilib. İstifadə tarixi: 5 February 2023.
  14. ↑ "Where Is Central Cee?". Highsnobiety (ingilis). 2023-03-14. İstifadə tarixi: 2024-06-11.
  15. ↑ "Central Cee: Big Sean-endorsed West London rapper whose career finally thrived during lockdown". NME (ingilis). 17 March 2021. 29 January 2023 tarixində arxivləşdirilib. İstifadə tarixi: 12 August 2024.
  16. ↑ "Central Cee interview: "Cench" on his mixtape, 23". The Face (ingilis). 17 February 2022. 13 February 2023 tarixində arxivləşdirilib. İstifadə tarixi: 13 February 2023.
  17. ↑ Digga D went School with Central Cee and says he's Cappin/Lying!! (ingilis), 24 May 2021 tarixində arxivləşdirilib, İstifadə tarixi: 24 May 2021
  18. ↑ Cline, Georgette. "Central Cee - 2023 XXL Freshman Interview and ABCs". XXL Mag (ingilis). 2023-07-07. 2023-07-09 tarixində arxivləşdirilib. İstifadə tarixi: 2023-07-09.
  19. ↑ "Where Is Central Cee?". Highsnobiety (ingilis). 2023-03-14. İstifadə tarixi: 2024-06-11.
  20. ↑ "Central Cee: The Party-Starting Rapper Injecting Fun into Drill". www.vice.com (ingilis). 15 March 2021. 24 May 2021 tarixində arxivləşdirilib. İstifadə tarixi: 24 May 2021.
  21. ↑ Pearce, Sheldon. "Central Cee, the UK's biggest rap star: 'I have survivor's guilt. I don't feel I deserve this'". The Guardian (ingilis). 7 April 2023. ISSN 0261-3077. İstifadə tarixi: 14 April 2023.
  22. ↑ Stroude, Will. "Central Cee denounces homophobia as he explains 'somewhat controversial' 'Doja' lyric". Attitude (ingilis). 2022-09-01. 2024-02-27 tarixində arxivləşdirilib. İstifadə tarixi: 2024-08-12.
  23. ↑ Ross, Charley. "Madeline Argy has opened up about those Central Cee and Ice Spice cheating rumours". Glamour UK (ingilis). 2024-07-16. 2024-08-04 tarixində arxivləşdirilib. İstifadə tarixi: 2024-08-12.
  24. ↑ "Arxivlənmiş surət". 2024-07-30 tarixində arxivləşdirilib. İstifadə tarixi: 2024-08-11.

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Central_Cee&oldid=7735017"