Cevriss Emane

Vikipediya, azad ensiklopediya
Jump to navigation Jump to search
Cevriss Emane
fr. Gévrise Émane
Gevrise.jpg
Şəxsi məlumatlar
Tam adı Cevriss Emane
Vətəndaşlığı Fransız
Doğum tarixi 27 iyul 1982(1982-07-27) (38 yaş)
Doğum yeri Yaunde, Kamerun
Boyu 1.60 sm
Çəkisi 70 kq
İdman növü Cüdo
Ağırlıq dərəcəsi 70 kq
Rəsmi saytı​ (fr.)


Cevriss Emane (fr. Gévrise Émane 27 iyul 1982, Yaunde, Kamerun) — Kamerun əsilli Fransalı cüdoçu. 2012-ci il London Yay Olimpiya Oyunlarının bürünc mükafatçısı, üçqat dünya, beşqat Avropa çempionu.[1] Karyerası ərzində 63 və 70 kiloqramadək çəki dərəcələrində çıxış edib. 2013-cü ildə Fransa dövləti tərəfindən "Xidmətlərə görə" ordeni ilə təltif olunub.[2]

Cüdo karyerası[redaktə | əsas redaktə]

Emane 2005-ci ildə Misirin paytaxtı Qahirə şəhərində keçirilmiş dünya çempionatında (70 kq-a qədər çəki dərəcəsində) gümüş medal qazanıb,[3] bu medal idmançının peşəkar səviyyədə qazandığı ilk uğur sayılır. 2006-cı ildə Finlandiyanın Tampere şəhərində təşkil olunmuş Avropa çempionatının finalında Almaniya cüdoçusu Hayde Vollert üzərində təmiz qələbə (ippon) qazanaraq ilk dəfə Avropa çempionu titulunu qazanıb.[4]

Emane dünya çempionu titulunu ilk dəfə 2007-ci ildə Rio-de-Janeyroda keçirilmiş cüdo üzrə dünya çempionatında qazanıb. O, həlledici görüşdə amerikalı Ronda Rauzini xal hesabı ilə məğlub edib.[5]

2008-ci ildə Pekin Yay Olimpiya Oyunlarında ölkəsini 70 kq-a qədər çəki dərəcəsində təmsil edib. İlk görüşündəcə ispaniyalı Leye İqlesiasa məğlub olaraq mübarizəni dayandırıb.

2011-ci ildə Fransanın paytaxtı Paris şəhərində keçirilmiş dünya çempionatında ikinci dəfə dünya çempionu adını qazanıb. O, 63 kiloqram çəki dərəcəsinin final görüşündə yaponiyalı ikiqat dünya çempionu Yosie Uenoya qalib gəlib.[6]

2012-ci ildə Londonda keçirilən Yay Olimpiya Oyunlarında iştirak etmiş və 63 kq çəki dərəcəsində bürünc medal qazanmışdır.[7]

İstinadlar[redaktə | əsas redaktə]

  1. "5GÉVRISE EMANE". Lequipe.fr. İstifadə tarixi: 21 Oktyabr 2016.
  2. Décret du 31 décembre 2012 portant promotion et nomination
  3. "WORLD CHAMPIONSHIPS CAIRO - EVENT". Judoinside.com. İstifadə tarixi: 21 Oktyabr 2016.
  4. "EUROPEAN CHAMPIONSHIPS TAMPERE - EVENT". Judoinside.com. İstifadə tarixi: 21 Oktyabr 2016.
  5. "WORLD CHAMPIONSHIPS RIO DE JANEIRO - EVENT". Judoinside.com. İstifadə tarixi: 21 Oktyabr 2016.
  6. "France crowd explodes with title for Gevrise Emane". www.eju.net. İstifadə tarixi: 2011-09-03.
  7. "57 63KG HALFMIDDLEWEIGHT WOMEN". Olympic.org. İstifadə tarixi: 21 Oktyabr 2016.

Xarici keçidlər[redaktə | əsas redaktə]