Coş Hartnett

Coş Hartnett
ing. Josh Hartnett
Doğum tarixi	21 iyul 1978
Doğum yeri	San-Fransisko, Kaliforniya, ABŞ
Uşağı	3
Fəaliyyəti	aktyor, prodüser
Fəaliyyət illəri	1997-indiyədək
Təhsili	SUNY Purchase[d]
IMDb	ID0001326
joshhartnett.com
Vikianbarda əlaqəli mediafayllar

Coş Hartnett (ing. Josh Hartnett, 21 iyul, 1978, Minnesota, ABŞ) — amerikalı aktyor və prodüser.

Həyatı

İrland mənşəli Amerika aktyoru Coşua Daniel Hartnett 21 iyul 1978-ci ildə San-Fransisko şəhərinin Minnesota ştatındakı Sent-Pol şəhərində, hippi fəlsəfəsi və mədəniyyətinə pərəstiş edən bir ailədə dünyaya göz açıb. Yeniyetməlik illərində Coş futbolla ciddi maraqlanır və bu idman növünə vaxt sərf edirdi. Lakin sol dizindən aldığı zədə onun futbol xəyallarına son qoyur. 1996-cı ildə Minneapolis şəhərində məktəbi bitirən Coş, Nyu-York ştatındakı Perçes Universitetinə daxil olur. Ancaq bir il sonra Coş təhsilini yarımçıq qoymalı olur.

Karyera

1997-ci ildə onun televiziyadakı karyerası başlayır. Coş Hartnettə teleseriala çəkilməyi təklif edirlər. Aktyor kimi ilk rolu aviaşirkətdə kuryer obrazı olub. 1998-ci ildə böyük ekrandakı ilk ən uğurlu layihəsində iştirak edənədək Coş əsasən reklam çarxlarına çəkilir. 1999-cu ildə o, "Hellovin: 20 il sonra" (1998) filmində yaratdığı Con Teyt obrazına görə MTV kanalından "Kişi obrazlar arasından ilin sıçrayışı", 2002-ci ildə isə həmin kanaldan "Pyörl-Harbor" (2001) filmində canlandırdığı kapitan Denni Uoker xarakterinə görə "Ən yaxşı kişi rolu" nominasiyası üzrə mükafatlar qazanır. 2001-ci ildə çəkildiyi daha bir ekran əsəri - "Qara qırğının enişi" filmindəki serjant Mett Eversmann obrazı da aktyorun məşhurlaşmasında az rol oynamır. Coş Hartnett musiqinin caz və blüz cərəyanlarının vurğunudur. Eyni zamanda o, təsviri incəsəntlə də maraqlanır. Vegetarian həyatı yaşayan Coş yoqa ilə məşğul olur. Onun sevimli yazıçısı Fyodor Dostoyevskidir. Coş Hartnett və Elden Henson "Roulette Entertainmant" adlanan müştərək studiya qurublar. Son zamanlaradək aktyorun Skarlet Yohanssonla görüşdüyü bildirilirdi. Onlar "Qara səhləb çiçəyi" (2006) filminin çəkilişləri zamanı tanış olublar. Ancaq bəzi mənbələrə görə, indi Coş Hartnett müğənni Rihanna ilə görüşür.

Filmoqrafiya

İl	Azərbaycanca adı	Orijinal adı	Rol
1998	Hellovin: 20 ildən sonra	Halloween: 20 Years Later	Con Teyt
1998	Fakültə	The Faculty	Zik Tayler
1999	Bakirə intihar edənlər	The Virgin Suicides	Trip Fonteyn
2001	Şəhər və kənd	Town & Country	Tom Stoddard
2001	Pyörl-Harbor	Pearl Harbor	kapitan Denni Uoker
2002	40 gün və 40 gecə	40 Days and 40 Nights	Mett Sallivan
2005	Günahlar şəhəri	Sin City	insan
2006	Slevinin xoşbəxt rəqəmi	Lucky Number Slevin	Slevin Kelevra
2006	Qara səhləb çiçəyi	The Black Dahlia	Baki
2007	Gecənin 30 günü	30 Days of Night	Eben Oleson
2008	Avqust	August	Tom Sterlinq
2009	Mən yağışla gələcəyəm	I Come with the Rain	Klayn
2010	Qız bara girir	Girl Walks Into a Bar	Sem
2013	Özünəməxsusluq	Singularity	Ceyms Stüart
2017	6 fut dərinlikdə

İstinadlar

.

Xarici keçidlər

• Coş Hartnett — IMDb səhifəsi