Columbia Pictures

Vikipediya, açıq ensiklopediya
Keçid et: naviqasiya, axtar

Columbia Pictures—Hollivudun 6 böyük film studiyasından biri.

Şirkət haqqında[redaktə]

“Columbia Pictures” Hollivudun 6 böyük film studiyasından biridir. Studiyanın əsası 1919-cu ildə “Cohn-Brandt-Cohn Film Sales” adı ilə Cek Koyn, Harri Koyn və Cob Bren tərəfindən qoyulmuşdur. Studiyanın ilk filmi 1922-ci ildə ekranlara çıxdı. “Columbia Pictures” adını isə 1924-cü ildə qəbul etdi. Yarandığı ilk illərdə kiçik işlər görən studiya 1920-ci illərin sonlarında böyüməyə başladı. Məşhur rejissor Frenk Kapra ilə əməkdaşlıq da buna təkan verdi. Studiya komediya filmləri istehsal edən ən uğurlu şirkətlərdən birinə çevrildi. 30-cu illərin sonunda studiyanın müqavilə imzaladığı iki əsas ulduz Cin Artur və Keri Qrant idi. 50-ci illərə doğru Rita Heyvors, Rozalin Rassel, Qlenn Ford, Uilliam Holden və başqaları studiya ilə əməkdaşlığa başladı. 1982-ci ildə şirkət “Coca Cola” kompaniyasının, 1989-cu ildə isə “Sony” şirkətinin tərkibinə daxil oldu.

Studiyanın “Ən Yaxşı Film” Kateqoriyasında Oskar alan filmləri[redaktə]

  • “It Happened One Night” (O Bir Gecə Baş Verdi) – 1934
  • “You Can't Take It with You” (Onu Özünlə Götürə Bilməzsən) – 1938
  • “From Here to Eternity” (Buradan Əbədiyyətədək) – 1954
  • “The Bridge on the River Kwai” (Kvay Çayı Üzərində Körpü) – 1957
  • “Lawrence of Arabia” (Ərəbistanlı Lourens) – 1962
  • “A Man for All Seasons” (Bütün Fəsillərin İnsanı) – 1966
  • “Oliver!” (Oliver) – 1968
  • “Kramer vs. Kramer” (Kramer Kramerə Qarşı) – 1979
  • “Gandhi” (Qandi) – 1982
  • “The Last Emperor” (Sonuncu İmperator) – 1987

Filmoqrafiya[redaktə]

  1. Kolleksiyaçı (film, 1965)
  2. İnadkarın ram edilməsi (film, 1967)
  3. Məzəli qız (film, 1968)
  4. Makkennanın qızılı (film, 1969)
  5. Emmanuel (film, 1974)
  6. Leon (film, 1994)
  7. Şouşenkdən qaçış (film, 1994)
  8. Hörümçək-adam (film, 2002)
  9. Terminator 3: Maşınların üsyanı (film, 2003)
  10. Geyşanın memuarları (film, 2005)
  11. Da Vinçi şifrəsi (film, 2006)
  12. Boleyn qızı (film, 2008)
  13. Güzgülər (film, 2008)
  14. Mərhəmət kvantı (film, 2008)
  15. 2012 (film, 2009)
  16. Hatiko, bir itin taleyi (film, 2009)
  17. Karateçi uşaq (film, 2010)