Cozef Qordon-Levitt
| Cozef Qordon-Levitt | |
|---|---|
 | |
| Doğum tarixi | 17 fevral 1981 |
| Doğum yeri | Los-Anceles, ABŞ |
| Atası | Denis Levitt |
| Anası | Ceyn Qordon |
| Vətəndaşlığı | |
| Peşələri | Aktyor, rejissor, ssenarist, prodüser |
| Təhsili |
|
| Fəaliyyət illəri | 1988 - |
| IMDb | ID 0330687 |
 Vikianbarda əlaqəli mediafayllar | |
Cozef Qordon-Levitt (17 fevral 1981, Los-Anceles, ABŞ) - amerikan aktyor, rejissor, ssenarist, montajçı və prodüseri, eyni zamanda HitRECord onlayn istehsalat şirkətinin yaradıcısı və rəhbəri.
Həyatı[redaktə | əsas redaktə]
1981-ci ildə yəhudi əsilli aktivist-fəal bir ailədə dünyaya gələn Qordon-Levitt, valideynlərinin sol dünyagörüşü və feminist baxışları səbəbiylə həm atasının (Levitt) həm də anasının (Qordon) soyadını daşımaqdadır. Hələ uşaq yaşlarından aktyorluğa başlayıb, 2000-ci illərin əvvəllərində aktyorluğa təhsili üçün ara verib ancaq sonra təhsilini yarıda buraxaraq aktyorluğa qayıdıb. Gizli Dəri, Yayın 500 Günü, Kərpic, Gözətləmə, 50/50, İlmələyən kimi əsasən müstəqil filmlərlə populyarlaşsa da Linkoln, Başlanğıc, Qara cəngavər: Əfsanənin yüksəlişi, Gəzinti kimi Hollivud filmlərində də yer alıb.
Hazırda dünyada ən populyar gənc aktyorlardan biri hesab edilən Qordon-Levitt, 2010-cu ildə onlayn vebsayt HitRECordsun əsasını qoydu. Portal, gənc və tanınmamış yazıçılar, rəssamlar, rejissorlar, şairlər və s. bütün növ sənətkarların azad şəkildə öz sənətlərini yaymaları, tanış olmaları və tanınmaları üçün nəzərdə tutulub. Aktyorun özü də gənc sənətkarlara yaxın dəstək olur, qısa filmlərin çəkilməsinə, və gənc yazarların əsərlərinin çap edilməsinə yaxın kömək göstərir. Layihəni televizor sahəsinə HitRECords on TV adı ilə daşıyan aktyor, bununla ABŞ televiziyasının ən prestijli mükafatı olan Emmiyə layiq görüldü. Bu günə kimi 4 dəfər Saturn, 2 dəfə Qızıl Qlobusa namizəd göstərilən aktyor Çenninq Tatum, Conni Depp, Leonardo DiKaprio və Robert Dauni (kiçik) ilə birlikdə 2010-cu ildə Xalqın Seçimləri Mükafatlarında "Xalqın Ən Sevdiyi Aktyor" kateqoriyasında namizəd idi.
Filmoqrafiya[redaktə | əsas redaktə]
 | Aktyor haqqında olan bu məqalə qaralama halındadır. Məqaləni redaktə edərək Vikipediyanı zənginləşdirin. |
Həmçinin bax[redaktə | əsas redaktə]
- Cozef Qordon Levitt (ing.) Internet Movie Database saytında
