Düşmən (film, 2013)

Düşmən
ing. Enemy
Janr	müəmma filmi, triller filmi
Rejissor	Deni Vilnöv
Ssenari müəllifləri	Joze Saramaqo
Baş rollarda	Ceyk Cillenhol Melani Loran Sara Qadon[d]
Distribütor	Netflix
İlk baxış tarixi	11 iyun 2013, 22 may 2014
Müddət	90 dəq, 91 dəq
Gəlir	3.400.000 $
Ölkələr	Kanada  İspaniya  Fransa
Dil	ingilis dili
Rəng	rəngli[d]
Çəkiliş yeri	Toronto
IMDb	ID2316411
Vikianbarda əlaqəli mediafayllar

Düşmən (ing. Enemy) — Deni Vilnövün 2013-cü ildə neo-nuar və psixoloji triller janrlarında çəkdiyi film. Kino Joze Saramaqonun "Double" romanının əsasında ekranlaşdırılıb. Ceyk Cillenhol filmdə fiziki cəhətdən eyni, lakin şəxsiyyət baxımından müxtəlif olan iki kişi rolunu birdən canlandırır. Bu 2 şəxsin sevgilliləri rollarını Melani Loran və Sara Qadon almışdı. Film ilk dəfə 2013-cü ildə Toronto Beynəxalq Film Festivalında göstərilmişdir.

“Düşmən” 5 nominasiyada Kanada Film Mükafatını qazanmışdır: Ən yaxşı rejissor (D. Vilynov), İkinci plan qadın rolu (Sara Qadon), Operator işi (Nikolya Boldyuk), Montaj (Metyu Hannam), Orijinal musiqi (Denni Bensi, Sonder Yurriaans). Həmçinin film digər 5 kateqoriyaya namizəd göstərilmişdir: Ən yaxşı film, Uyğunlaşdırılmış ssenari (Havyer Qullon), Kişi rolu (Ceyk Cillenhol), Rəssam işi (Patris Vermett), Vizual effektlər.

Süjet

Adam Bell üzgün və dağınıq bir tarix professorudur. O, iş yoldaşlarının birinin tövsiyəsi ilə video prokatdan heç vaxt izləmədiyi komediya filmini alır. Film onun heç cür marağlandıra bilmir, lakin səhnələrin birində ona bənzəyən bir aktyoru görür. O, gördüklərindən heyrətlənir və nə olursa-olsun öz oxşarını tapmaq qərarına gəlir. Bənzər adamlar qarşılaşırlar və onların həyatları başdan ayağa dəyişir.

Rollarda

• Ceyk Cillenhol — Adam Bell/Entoni Kler
• Melani Loran — Meri
• Sara Gadon — Helen
• İzabella Rossellini — Adamın anası

Təhlil

Deni Vilnyov və Ceyk Cillenhol özləri də deyirdilər ki, şüuraltının necədə çətin bir şey olduğunu göstərən film çəkmək istəyirlər. Vilynov üçün Düşmən təkrarlıq haqqındadı: "Eyni səhvləri təkrar etmədən, necə yaşamaq olar?" sualına cavab.

Vilynov fiziki cəhətdən eyni personajlar ilə bağlı bildirmişdi ki: "Bilmirsən, bu iki başqa adamlardı, yada, bəlkə də, şüuraltı baxımdan bir insandı". Cillenhol müsahibələrin birində demişdir ki, Düşmən "Nikahda olan adam haqqındadı, onun arvadı hamilədir, və o, başqa qadınlarla da eşqbazlıq edir. O, ilk öncə öz kimliyini anlamalıdı ki, böyümüş insan kimi həyatına başlaya bilsin".

"Slate" jurnalının müxbiri Forrest Uikman fərz edir ki, "Hekayə xəbərsiz ola ola totalitar dövlətin altında yaşamaq haqqındadı" və əlavə edir ki, mərkəzi paradoks ondan ibarətdir ki, əsas personaj totalitar hökumətlər haqqında hətta mütəxəssis olmasına baxmayaraq, o, şəhərin büründüyü toru görmür, ta ki özü o tora düşənə qədər. Uikmana görə, film totalitar rejimlər yaratmaq meyli insan təbiətin bir hissəsi olduğunu və bu bizim içimzdən gəldiyini göstərir.

Tənqid

Düşmən əsasən müsbət rəylər almışdır və Rotten Tomatoes-da 86 rəy əsasında 75% reytinqinə malikdir, 10 ballıq sistem ilə orta hesabla 6.7 qiymətinə sahibdir. "Ümumilikdə müsbət rəylər" göstərməklə, Metacritic-də 26 rəy əsasında 100 balldan 61 ball almağa bacara bilmişdir. Film ümümlikdə 120 kinoteatrlarda göstərilmişdir və ölkə daxilində 1,008,726 $ qazanmışdır, beynəlxalq miqyasda qazancı 2,388,721 $ olmuşdur. Ümümlikdə isə kino 3,397,447$ toplamışdır.