Dərviş Cavanşir

Vikipediya, açıq ensiklopediya
Jump to navigation Jump to search
Picto infobox auteur.png
Dərviş Cavanşir
Cavanşir Musa oğlu Məmmədov
Fotoqrafiya
Təxəllüsü EL OĞLU
Doğum tarixi 9 yanvar 1954 (1954-01-09) (64 yaş)
Doğum yeri Əliabad, Naxçıvan MR
Vəfatı 15 dekabr 2014 (60 yaşında)
Vəfat yeri Baki şəhəri
Vəfat səbəbi Ürək çatışmamazlığı
Atası Musa bəy
Anası Səbayel xanim
Həyat yoldaşı Qubatel Məmmədova
Uşağı 2 Qız övladi var
Vətəndaşlıq Flag of Azerbaijan.svg Azərbaycan
PeşəsiYazıçı
MilliyyətiAzərbaycanlı
TəhsiliAzərbaycan Dövlət Universiteti
Fəaliyyətişair,yazıçı
İlk əsəriƏlincə şeiri "Şərq qapısı"qəzetində dərc olunub.

Məmmədov Cavanşir Musa oğlu (Dərviş Cavanşir) — şair, nasir, publisist, 1990-cı ildən Azərbaycan Yazıçılar Birliyinin üzvü, Jurnalistlər Birliyinin üzvü (1996).

Həyatı[redaktə | əsas redaktə]

Dərviş Cavanşir 1954-cü il yanvarın 9-da Azərbaycanın Naxçıvan Muxtar Respublikasının Əliabad kəndində anadan olmuşdur. Burada kənd məktəbində ibtidai, Naxçıvan şəhərinin 1 saylı məktəbində orta təhsil almışdır (1960-1970). Əmək fəaliyyətinə tikinti sahəsində fəhləliklə başlamışdır (1970-1973). Ordu sıralarında xidmət etmişdir (1973-1975). Azərbaycan Dövlət Universitetinin filologiya fakültəsində təhsilini davam etdirmişdir (1976-1982). Azreklam agentliyində qəzet və jurnal üzrə redaktor (1982-1985), kənd təsərrüfatı elmi xəbərləri jurnalında korrektor (1985-1986), "Yazıçı" nəşriyyatında redaktor (1986-1988), Azərbaycan Assosiasiyasında ədəbi-mədəni əlaqələr üzrə müavin (1989-1992), "Aydınlıq" qəzetində şöbə müdiri (1992-1995), "Xalq qəzeti"ndə baş müxbir (1995-1998) vəzifələrində çalışmışdır. Hazırda "Ulus" qəzetinin əməkdaşıdır.

Bədii yaradıcılığa XX əsrin 60-cı illərindən başlamışdır. İlk mətbu şeiri "Şərq qapısı" qəzetində dərc olunmuşdur. Dövri mətbuatda şeirləri, hekayələri və publisist yazıları vaxtaşırı işıq üzü görür. İlk dövrlərdə ədəbi-publisistik əsərləri və şeirləri Cavanşir Eloğlu imzası ilə, 1992-ci ildən isə Dərviş Cavanşir imzası ilə çap olunmuşdur.

Təhsili[redaktə | əsas redaktə]

1960-1970-ci illərdə kənd məktəbində ibtidai, Naxçıvan şəhər Ü.Hacıbəyov adına 1 saylı orta məktəbində isə orta təhsilini alıb.  Əmək fəaliyyətinə tikinti sahəsində fəhləliklə başlayıb.

1973-cü ildə hərbi xidmətə cağırılır,  xidmətini başa vurduqdan bir il sonra Azərbaycan Dövlət Universitetinin filologiya fakültəsində  təhsilini davam etdirir.

Əsərləri[redaktə | əsas redaktə]

İlk  şeiri "Şərq qapısı" qəzetində dərc olunur. Keçən  əsrin 70-ci illərindən ədəbiyyata gələn gənc şairin 1981-ci ildə  “Gözümün ilk ovu”adli ilk kitabı çapdan çıxır və geniş oxucu kütləsinin maraq dairəsinə səbəb olur.

Ardıcıl olaraq Azreklam agentliyində qəzet ve jurnal üzrə redaktor,kənd təsərrufati elmi xəbərləri jurnalında korrektor,”Yazıçı”nəşriyyatında redaktor, Azərbaycan assosasiyasında  ədəbi-mədəni əlaqələr üzrə müavin,”Aydınlıq” qəzetində şöbə müdiri,”Meydan” qəzetində korrektor,"Xalq qəzeti"ndə  baş müxbir vəzifələrində çalışmışdır.Eyni zamanda ədəbi dərgilərdə şeirləri çapdan çıxır.     1989-cu ildə  “Ömrümüzdə yanan ocaq”adlı ikinci kitabı işıq üzü  görür.1990-cı ildən Azərbaycan Yazıçılar birliyinin, 1996-cı ildən isə Azərbaycan Jurnalistlər birliyinin üzvü  seçilmisdir.  1996 - cı ildə "Mən qəribin qardaşıyam” adlı 3-cü kitabı çapdan çıxır. Sonrakı illərdə“İki sahil”,”Ulus” qəzetləri ilə əməkdaşlıq edir.  Ədəbi-publisistik əsərlərinin yer aldığı “Durnalar qərib olmur”adlı kitabı 2000- ci ildə işıq üzü görür. "Haqdan yanan bir çırağam”,”Hörün məni divarlara”adlı şeirlər kitabından sonra, 2013-cü ildə ilk nəşr kitabı “Qiblə yeli “adı ilə nəşr olunur. 

Dərviş Cavanşirin   2014-cü ildə İran islam Respublikasında fars əlifbası ilə çap olunmus “Hörün məni divarlara” adlı kitabı, cənublu soydaşlarımız tərəfindən  maraqla qarşılanır və bu gün də sevə-sevə oxunur.  

Vəfatı[redaktə | əsas redaktə]

Dərviş Cavanşir 2014-cü il  dekabrın 14-də  ürək çatışmamazlığından vəfat etmişdir.

Ailəsi[redaktə | əsas redaktə]

Xanımı: Məmmədova Qubatel

Övladları: Məmmədli Aysu, Məmmədli Səbayel