Daqo (xalq)

Vikipediya, azad ensiklopediya
Jump to navigation Jump to search

Daqo, dacu, daquSudanda (Kordofan əyalətinin cənub qərbində və Darfur regionunun bir hissəsində) yaşayan xalq. Çadda 140 min nəfərdən, Sudanda 100 min nəfərdən artıq daqolu yaşayır. Onlar Nil-Saxara makro dil ailəsinin şərqi Sudan alt dil ailəsinin dacu kir-abbay dil ailəsinə daxil olan daqo (dacu) dilində danışırlar. Daqolar arasında ərəb dili də geniş yayılmışdır. Dini inamlarına görə onlar sünni müsəlmandırlar.

Mənşəyi[redaktə | əsas redaktə]

Daqo xalqı XVII-XVIII əsrlərdə təşəkkül tapmışdır, məhz bu dövrdə bu xalq ilk dövlətini yaratmış və Darfur sultanlığının tərkibinə daxil olmuşdur.

Təsərrüfat fəaliyyəti və məişət ənənələri[redaktə | əsas redaktə]

Daqoların əsas məşğuliyyəti heyvandarlıq (xüsusilə iribuynuzlu mal-qara və dəvəçilik), həmçinin dəmyə və suvarma əkinçilikdir. Onların məişətlərində süddən və tərəvəzdən hazırlanan yeməklər əsas yer tutur.

Sosial münasibətlər[redaktə | əsas redaktə]

Daqolar yığcam və böyük ailələr formasında icmalar halında təmsil olunurlar.

Mənbə[redaktə | əsas redaktə]

  • Андрианов Б. В. Даго // Народы и религии мира / Глав. ред. В. А. Тишков. М.: Большая Российская Энциклопедия, 1999. С.154.

Xarici keçid[redaktə | əsas redaktə]