Daryuş İqbali

Vikipediya, azad ensiklopediya
Jump to navigation Jump to search
Daryuş İqbali
Dariush concert Kuala lumpur 2009.jpg
Sənətçi məlumatları
Doğum tarixi 4 fevral 1951 (1951-02-04) (68 yaş)
Doğum yeri
Vətəndaşlığı
Peşəsi Müğənni
Üslub pop-musiqi
Musiqi aləti vokal
Fəaliyyət illəri 1970–indiyə kimi
dariusheghbali.com
Commons-logo.svg Vikianbarda əlaqəli mediafayllar

Daryuş İqbali - Müğənni

Həyatı[redaktə | əsas redaktə]

1951-ci il fevralın 4-də İranın Şərqi Azərbaycan əyalətinin Miyana şəhərində mülkədar ailəsində anadan olub. Uşaqlıq illərini həmin şəhərdə keçirən Daryuş 9 yaşındaykən məktəbdə musiqi və tamaşa proqramlarında iştirak edib.

Orta təhsilini Tehranda davam etdirən müğənni 1971-ci ildən musiqi ilə ciddi şəkildə məşğul olmağa başlayıb. Həmin il o, «Be mən nəqu ke duset darəm» («Demə ki, sevirəm səni») mahnısı ilə məşhurlaşıb.

1975-ci ildə o, mahnılarında şah rejimini hədəfə aldığı üçün 9 ay həbsdə olub. İran mətbuatı ölkənin keçmiş təhlükəsizlik idarəsinin (SAVAK) diktəsi ilə həbsi Daryuşun «narkoman olmasıyla» əlaqələndirib. Sonralar təhlükəsizlik qüvvələri müğənninin siyasi məzmun daşıyan «Cəngəl» («Meşə»), «Pəriya», «Rəhai» («Qurtuluş») mahnılarına görə tutulduğunu etiraf edib.

İran İslam Respublikası bərqərar olmazdan (1979-cu il) az əvvəl ölkəni tərk edən müğənni əvvəlcə Böyük Britaniyada, bir müddət sonra isə ABŞ-da məskunlaşıb və musiqi fəaliyyətini davam etdirib.

Xaricdə yaşadığı son 30 ildə müğənni dəfələrlə dünyanın müxtəlif ölkələrində, o cümlədən də ABŞ, İngiltərə, Almaniya, Yaponiya və Kanadada çoxlu konsertlər verib.

Daryuş İran inqilabından əvvəl bir müddət narkotik maddələrə qurşandığına etiraf etsə də, sonralar narkomanlıqdan qurtardığını, bu bəlaya qarşı ictimai fəaliyyət aparıb. Bu fəaliyyətinə görə, bir neçə beynəlxalq mükafata da layiq görülüb.

Bu günə qədər çıxmış 25 albomda 200-dən çox mahnısı toplanan müğənni bir neçə bədii filmə də çəkilib.[1]

İstinad[redaktə | əsas redaktə]

Xarici keçidlər[redaktə | əsas redaktə]