David Məmmədov
| David Məmmədov | |
|---|---|
| David Niyazi oğlu Məmmədov | |
 | |
| Doğum tarixi | |
| Doğum yeri | Kürdəmir, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Təhsili | |
| Fəaliyyəti | siyasətçi |
| Partiyası | |
| Mükafatları |
 |
David Niyazi oğlu Məmmədov — Azərbaycanın əməkdar mühəndisi (2005), Azərbaycan Respublikası Dövlət Neft Şirkətinin emal üzrə vitse-prezidenti (2005–2021).[1]
Həyatı və fəaliyyəti[redaktə | mənbəni redaktə et]
David Məmmədov 1955-ci ildə Kürdəmir şəhərində anadan olmuşdur. 1980-ci ildə M.Əzizbəyov adına Neft və Kimya İnstitutunu (Azərbaycan Dövlət Neft Akademiyası) "Neftin və qazın kimya texnologiyası" ixtisası üzrə bitirmişdir.
Əmək fəaliyyətinə 1976-cı ildə Vladimir İliç adına Yeni Bakı neft emalı zavodunda başlamışdır. 1994-cü ilədək Yeni Bakı neft emalı zavodunun operatoru, qurğu rəisi, sex rəisinin müavini, sex rəisi, şöbə rəisi vəzifələrində işləmişdir. 1994–2005-ci illərdə "Azərneftyanacaq" İB-nin baş direktorunun birinci müavini-baş mühəndis, Heydər Əliyev adına Bakı neft emalı zavodunun baş mühəndisi olmuşdur.
2005–2021-ci illərdə Azərbaycan Respublikası Dövlət Neft Şirkətinin emal üzrə vitse-prezidenti vəzifəsində çalışmışdır.
2005-ci ildə "Azərbaycan Respublikasının əməkdar mühəndisi" fəxri adına layiq görülmüş, 2010-cu ildə "Tərəqqi" medalı ilə təltif edilmişdir. Yeni Azərbaycan Partiyasının üzvüdür.
İstinadlar[redaktə | mənbəni redaktə et]
- ↑ "David Məmmədov Dövlət Neft Şirkətinin emal üzrə vitse-prezidenti vəzifəsindən azad edilib" (az.). Milli.az. 2021-07-24 tarixində arxivləşdirilib. İstifadə tarixi: 19 iyul 2021.