Dekster

Vikipediya saytından
Naviqasiyaya keç Axtarışa keç
Dekster
ing. Dexter
Loqonun şəkli
Janr Psixoloji triller
İlk baxış tarixləri 11 yanvar 2007, 10 iyul 2007
Rejissor
  • Robert Liberman[d]
Yaradıcısı Ceyms Manos Cr.[d]
Rollarda
  • Maykl Si Holl[d]
Bəstəkar
İstehsalçı ölkə
İl

1 oktyabr 2006 –

22 sentyabr 2013
Dil ingilis dili[2]
Mövsüm sayı 8
Seriya sayı 96
Davametmə müddəti 47–58 dəq.
IMDb ID0773262
sho.com/dexter
Vikianbarın loqosu Vikianbarda əlaqəli mediafayllar

Dekster (ing. Dexter) — ABŞ cinayət-drama teleserialı. Serial 2006-cı ildən 2013-cü ilə qədər Showtime kanalında yayımlanmışdır.[3] Serial Mayami polis şöbəsində qan ləkəsi üzrə kriminalistika eksperti kimi çalışan, eyni zamanda seriyalı qatil kimi gizli həyat sürən Dekster Morqandan (Maykl Si Holl) bəhs edir. Deksterin qurbanları yalnız ədalətdən yayınan qatillərdir. Serialın ilk mövsümü Ceff Lindzinin müəllifi olduğu "Deksterin qaranlıq yuxuları" adlı roman əsasında çəkilmişdir. Roman Ceyms Manos Cr. tərəfindən ekranlaşdırılıb.[4] Serialın sonrakı mövsümləri Lindzinin kitablarına əsaslanmır.

Serialda rol alan aktyorlar Maykl Si Holl və Con Litqou göstərdiyi performanslarına görə "Qızıl Qlobus" da daxil olmaqla bir sıra mükafatlara layiq görülmüşdür. Serialın 13 dekabr 2009-cu ildə yayımlanan dördüncü mövsümünün final epizodu nə az nə çox düz 2,6 milyon insan tərəfindən izlənmişdir. Bu o dövrdə Showtime şəbəkəsi üçün rekord say idi.[5][6]

Showtime 2013-cü ilin aprelində "Dekster" serialının səkkizinci mövsümlə yekunlaşacağını bildirdi. "Dekster"in final epizodu 22 sentyabr 2013-cü ildə efirə çıxdı.[7][8][9]

Showtime yeddi ildən sonra 2020-ci ilin oktyabr ayında "Dekster" serialının "Dexter: New Blood" adlı yeni məhdud seriya ilə geri dönəcəyini açıqladı. Bu yeni serialda Maykl Si Hollun öz rolunu yenidən ifa edəcəyi də məlum oldu. Klayd Fillips tərəfindən yaradılan bu serial 7 noyabr 2021-ci ildən 9 yanvar 2022-ci ilə qədər davam etmişdir.[10][11] Yaradıcılar həmçinin gələcəkdə serialın daha bir sezonunun olacağını dedilər. 2023-cü ilin yanvarında "Dexter: Origins" adlı yeni serialın çəkildiyi elan edildi. Bu serial Mayami polis şöbəsində yenicə işləməyə başlamış Deksterin daha gənc versiyasından bəhs edəcək.[12][13][14]

Üç yaşında anasının ölümünə şahid olub sahibsiz qalan Dekster, Harri Morqan adlı polis əməkdaşı tərəfindən övladlığa götürülmüşdür. Harri Deksterin böyüdükcə normal uşaq olmadığını və onun aldığı ağır travma səbəbindən psixopatlaşdığını görməyə başlamışdı. Dekster lap kiçik yaşlarından qan tökməyə və can almağa heyran idi. Harri ona doğru tərbiyə verərək, onu yalnız qanundan yayınan qatilləri öldürməyə təşviq etmişdir. Dekster böyüyəndə Mayami Metro Polis Departamentində qan ləkəsi analitiki kimi işə düzəlir. O, cinayət əməllərini həyata keçirərkən heç bir sübut buraxmamaq üçün xüsusi ehtiyat tədbirləri görür. O, hədəf aldığı qurbanları plastiklə bürünmüş otaqlarda öldürür. Dekster cəsədlərdən qurtulmaq üçün onları doğrayır, zibil torbalarına yerləşdirdirir və aparıb Atlantik okeanın ortasına tullayır. Dekster serial boyunca əsl üzünü gizli saxlayır və kənardan normal insan kimi görünməyə çalışır.

  1. 1 2 fernsehserien.de (alm.).
  2. http://www.imdb.com/title/tt0773262/?ref_=nm_knf_i1.
  3. Andy Ruddock. "Vale Dexter, the serial killer who changed the face of TV violence". The Conversation Australia. September 21, 2013. September 22, 2013 tarixində arxivləşdirilib. İstifadə tarixi: September 23, 2013.
  4. Dexter (Crime, Drama, Mystery), Showtime Networks, John Goldwyn Productions, The Colleton Company, 2006-10-01, September 21, 2021 tarixində arxivləşdirilib, İstifadə tarixi: 2021-09-23
  5. Hibberd, James. ""Dexter" Season Finale Slashes Records". ABC News. December 14, 2009.
  6. Weprin, Alex. "Cable Ratings: "Dexter" Draws Record Rating For Showtime". Broadcasting & Cable. December 8, 2009.
  7. Ausiello, Michael. "Dexter's Done: Showtime Confirms Season 8 Will Be Long-Running Drama's Last". TVLine. April 18, 2013. June 21, 2017 tarixində arxivləşdirilib. İstifadə tarixi: June 26, 2013.
  8. "'Ray Donovan' Delivers Showtime's Highest-Rated Original Series Premiere Ever + 'Dexter' Breaks Premiere Viewership Records". TV by the Numbers. iyul 6, 2013 tarixində orijinalından arxivləşdirilib.
  9. David Hinckley. "'Dexter' series finale draws in record 2.8 million viewers". New York Daily News. September 23, 2013. March 23, 2016 tarixində arxivləşdirilib. İstifadə tarixi: September 26, 2013.
  10. Goldberg, Lesley. "'Dexter,' 'Billions' Spinoffs in the Works as Showtime Doubles Down on Franchise Plan". The Hollywood Reporter. February 6, 2023. February 6, 2023 tarixində arxivləşdirilib. İstifadə tarixi: February 7, 2023.
  11. Squires, John. ""Dexter: Origins" – Prequel Series Ordered by Showtime Plus "Dexter: New Blood" Will Continue". Bloody Disgusting. February 6, 2023. February 6, 2023 tarixində arxivləşdirilib. İstifadə tarixi: February 7, 2023.
  12. Ausiello, Michael. "Dexter: Origins Prequel Spinoff Ordered to Series — Find Out What Age Dexter Will Be When Story Begins". TVLine (ingilis). 2023-02-06. 2023-02-07 tarixində arxivləşdirilib. İstifadə tarixi: 2023-02-07.
  13. "Dexter Spin-Offs Announced Including New Blood Sequel, Origins Series, And Trinity Killer Prequel". Empire. 2023-03-13 tarixində arxivləşdirilib. İstifadə tarixi: 2023-02-07.
  14. Goldberg, Lesley. "'Dexter,' 'Billions' Spinoffs in the Works as Showtime Doubles Down on Franchise Plan". The Hollywood Reporter (ingilis). 2023-02-06. 2023-02-06 tarixində arxivləşdirilib. İstifadə tarixi: 2023-02-07.