Doktor Haus (teleserial, 2004)

Vikipediya, azad ensiklopediya
Naviqasiyaya keçin Axtarışa keçin
Doktor Haus
House, M.D.
Loqonun şəkli
Janr Dram
Rejissor
Yaradıcısı Devid Şor
Rollarda Hyu Lori
Liza Edelşteyn
Omar Eps
Robert Şon Lenard
Cennifer Morrison
Cesi Spenser
Piter Yakobson
Kal Penn
Oliviya Vayld
Ember Temblin
Bəstəkar Ceyson Derlatka
Con Erlix
İstehsalçı ölkə Amerika Birləşmiş Ştatları
İl 2004 - 2012
Dil İngilis dili
İlk çıxış tarixi 3 noyabr 2004
Rəng Rəngli
Mövsüm sayı 8
Seriya sayı 177
Seriya vaxtı 42 dəqiqə
Davametmə müddəti 43 dəq.
Telekanal Fox
IMDb ID0412142
fox.com/house/
Vikianbarın loqosu Vikianbarda əlaqəli mediafayllar

Haus (ing. House M. D.) — tibbi dram janrında 16 noyabr 2004 – 21 may 2012-ci il tarixləri arasında 8 sezon yayımlanan ABŞ serialı. Serialın baş qəhrəmanı ağrıkəsici dərman aludəçisi olmasına baxmayaraq Nyu-Cersidəki Prinston-Pleynsboro Tədris Xəstəxanasında diaqnostiklər qrupuna rəhbərlik edən qeyri-ənənəvi, insanları sevməyən tibb dahisi doktor Qreqori Hausdur (Hyu Lori). Serialın əsas ideya müəllifi Pol Attanasiodur. Serialın yaradıcısı kimi tanınan Devid Şor isə əsasən baş qəhrəmanın konsepsiyasına cavabdeh olub.

Serialın icraçı prodüserləri Devid Şor, Pol Attanasio və onun həmkarı Keyti Yakobs, həmçinin Brayan Sinqer olub. Serial əsasən Los-Ancelesdə, "Century City"-də lentə alınıb və ABŞ-dakı ən yüksək reytinqli seriallardan biri olmuşdur.

Serial boyunca Haus tez-tez öz diaqnostika komandası da daxil olmaqla həkim həmkarları ilə mübahisələrdə olur, çünki onun pasiyentlərinin xəstəlikləri haqqında hipotezləri əsasən incə və ya mübahisəli detallara əsaslanır. Xəstəxana qaydalarına əməl etməməsi onu tez-tez onun müdiri, xəstəxana administratoru və tibbi dekan Liza Kaddi (Liza Edelşteyn) ilə münaqişələrə sürükləyir. Hausun yeganə dostu isə xəstəxananın onkologiya departamentinin rəhbəri Ceyms Vilsondur (Robert Şon Lenard).

Serialın ilk üç sezonu boyunca Hausun diaqnostika komandasının üzvləri Robert Çeyz (Cesi Spenser), Ellison Kameron (Cennifer Morrison) və Erik Forman (Omar Eps) olur. Üçüncü sezonun sonunda bu komanda dağılır, lakin Erik Forman yenidən Hausun komandasına qoşulur. Bundan əlavə, Haus komandaya üç yeni üzv seçir: Remi Hadli (Oliviya Vayld), Kris Taub (Piter Yakobson) və Lorens Katner (Kal Penn). Katner 5-ci sezonun sonunda ölür, 6-cı sezonda isə Çeyz yenidən komandaya qoşulur. Remi Hadli 7-ci sezonun əksər hissəsi boyunca komandada olmur və onun yerini tibb tələbəsi Marta Masters (Ember Temblin) doldurur. 8-ci sezondan əvvəl Liza Kaddi və Marta Masters xəstəxananın tərk edir. Belə olduqda Forman Kaddini tibb dekanı olaraq əvəz edir və Cesika Adams (Odett Ennabl) və Çi Park (Çarlin Yi) Hausun komandasına qoşulur.

Haus 2-ci sezonundan 4-cü sezonuna qədər ABŞ-ın top 10 serialları arasında olmuşdur. Serial həmçinin 66 ölkədə izlənmiş və 2008-ci ildə dünyada ən çox baxılan televiziya serialı olmuşdur.[2] Serial 5 Emmi mükafatı, 2 "Qızıl Qlobus" mükafatı və 9 "Xalqın Seçimi" mükafatına layiq görülmüşdür. 8 fevral 2012-ci ildə Fox serialın 8-ci sezonunun final sezon olacağını açıqlamışdı.[3] Serialın final seriyası isə 21 may 2012-ci ildə yayımlandı.

İstinadlar[redaktə | mənbəni redaktə et]

  1. 1,0 1,1 1,2 1,3 Česko-Slovenská filmová databáze (çeş.). 2001.
  2. Eurodata TV Worldwide, Agence France Presse. "'House' is the world's most popular TV show". June 12, 2009. April 1, 2012 tarixində orijinalından arxivləşdirilib. İstifadə tarixi: March 21, 2012.
  3. Seidman, Robert. "Current Season to Be The Last for 'House'". TV by the Numbers. February 8, 2012. February 10, 2012 tarixində orijinalından arxivləşdirilib. İstifadə tarixi: February 8, 2012.

Xarici keçidlər[redaktə | mənbəni redaktə et]