Donetsk Mədəniyyət və İstirahət parkı

Vikipediya, azad ensiklopediya
Jump to navigation Jump to search
Donetsk Mədəniyyət və İstirahət parkı
ukr. Парк культури і відпочинку міста Донецька
«Yunost» Gənclik və İdman Sarayı
«Yunost» Gənclik və İdman Sarayı
Məlumatlar
Yerləşməsi Ukrayna, Donetsk
Koordinatları 48°01′25″ şm. e. 37°48′55″ ş. u.
Yaradılıb 1956
Saytı donbass-arena.com/en/
Vikianbarın loqosu Vikianbarda əlaqəli mediafayllar

Lenin Komsomolu adına Donetsk Mədəniyyət və İstirahət parkı (ukr. Парк культури і відпочинку ім. Ленінського комсомолу) — Ukraynanın Donetsk vilayətinin eyniadlı şəhərində yerləşən park. Parkın tikilməsi ilə bağlı qərar 1952-ci ildə qəbul edilmişdir. Bunun səbəbi Şerbakov adına Mədəniyyət və İstirahət Mərkəzinin şəhərin ehtiyaclarını müstəqil şəkildə yerinə yetirə bilməməsi idi. Layihədə park ərazisinin 180 hektar olması planlaşdırılmışdı. Layihəyə Məşhur İnsanlar Xiyabanı, bir hovuz və 3,500 nəfərlik bir yaşıl teatrı daxil idi.[1]

1955-ci ilin oktyabr ayında Stalin Rayon Sovetinin icra komitəsi "1955–1964-cü illərdə Stalin rayonunun şəhər və işçi yaşayış məntəqələrində yaşıl zonalarının yaradılması və inkişafı üzrə on illik plan haqqında" qərar qəbul etdi. 1956-cı ildə park rəsmi olaraq qurulmuşdur. Ərazinin bir hissəsi başqa layihələr üçün qorunduğundan orijinal plana dəyişikliklər edildi.

Park 18 iyun 1956-cı il tarixi yazıçının vəfatının 20-ci ildönümü olduğundan Maksim Qorkinin adını alır. 25 oktyabr 1958-ci ilKomsomolun qırx illiyinə həsr olunmuş bir xiyaban quruldu. Buna görə də, parkın adı "Komsomolun 40 illik yubileyi adına park" olaraq dəyişdirilir. 1972-ci ilin may ayında Donetsk Şəhər Sovetinin İcraiyyə Komitəsi parkın adını «Lenin Komsomolu adına Donetsk Mədəniyyət və istirahət parkı» olaraq dəyişmək haqqında qərar qəbul etdi.[2]

1961-ci ilKalmius çayında su anbarı yaradılmışdır. Anbarın sahilində bir qayıq kirayə stansiyası var.

Qalereya[redaktə | mənbəni redaktə et]

İstinadlar[redaktə | mənbəni redaktə et]

  1. "Shakhtar" (ingilis).
  2. "Интернет Донбасс Донецкий Регион Парк им. Ленинского комсомола". internet.dn.ua. 2012-09-22 tarixində orijinalından arxivləşdirilib. İstifadə tarixi: 2018-06-02.

Xarici keçidlər[redaktə | mənbəni redaktə et]