Edvard Andrade

Vikipediya, açıq ensiklopediya
Jump to navigation Jump to search
Edvard Andrade
Edvard Andrade Nevil da Kosta
1934-cü il London
1934-cü il London
Doğum tarixi:27 dekabr 1887(1887-12-27)
Doğum yeri: İngiltərə, London
Vəfatı: 6 iyun 1971 (83 yaşında)
Vətəndaşlıq: Flag of England.svg İngiltərə
Milliyyəti: ingilis
Elm sahəsi: fizika
Elmi dərəcəsi: professor
Təhsili: London Universiteti (1907)
Tanınır:ingilis fiziki, professor

Edvard Andradeingilis fiziki

Həyatı[redaktə | əsas redaktə]

London Kral Cəmiyyətinin üzvü (1935). London Universitetini bitirmişdir (1907). Vulviç Artilleriya Kollecinin (1920– 28) və London Universitetinin (1928–50) professoru, Kral Universitetinin və Devi-Faradey laboratoriyasının direktoru (1950–52) olmuşdur.

Fəaliyyəti[redaktə | əsas redaktə]

Elmi işləri mayelər fizikasına, metallar fizikasına, spektro skopiyaya, atom fizikasına, akustikaya, fizika tarixinə aiddir. Mayenin özlüklüyünün temperaturdan asılılıq düsturunu almış və ərimə nöqtəsində mayenin özlüklüyünün atom çəkisinin, sıxlığın və temperaturun funksiyası olduğunu göstərən düstur vermişdir. Metalların sürüncəkliyini tədqiq edərək sürüncəklik qanununu irəli sürmüşdür. Metalların monokristallarını almaq üsulunu tapmışdır. Metalların səthinin vəziyyətinin onların xassələrinə təsirini sübut etmişdir. 1914-cü ildə E.Rezerfordla birlikdə izotopların rentgen spektrlərinin eyni olduğunu isbat etmiş və bununla da elementin izotoplarının sıra nömrələrinin eyni olduğunu təsdiqləmişdir. Həmin ildə A. və E.Rezerford qamma-şüalarının difraksiyasını aşkar etmiş və bununla onların elektromaqnit təbiəti isbat olunmuşdur. [1]

İstinadlar[redaktə | əsas redaktə]

  1. Edvard Andrade // Azərbaycan Milli Ensiklopediyası  : [25 cilddə] / baş red. M. K. Kərimov. — Bakı: “Azərbaycan Milli Ensiklopediyası” Elmi Mərkəzi, 2009. — I  cild. — Səhifələrin sayı:  608. — Səh.: 491. — 10 000 nüsx. — ISBN 978-9952-441-02-4.