Edvard Smit

Vikipediya, açıq ensiklopediya
Jump to navigation Jump to search
Edvard Smit
ing. Edward John Smith
EJ Smith.jpg
Doğum tarixi: 27 yanvar 1853(1853-01-27)
Doğum yeri: Stok-on-Trent, İngiltərə
Vəfat tarixi: 15 aprel 1912 (62 yaşında)
Vəfat yeri: Atlantik okeanı
Milliyyəti: ingilis
Fəaliyyəti: gəmi kapitanı

Edvard Smit (ing. Edward John Smith, 27 yanvar 185015 aprel 1912) — Titanik gəmisinin kapitanı.

Həyatı[redaktə | əsas redaktə]

Edvard Smit İngiltərənin Stok-on-Trent şəhərində 1853-cü il 27 yanvar tarixində, Edvard Con Smit və Katerina Hankokun ailəsində dünyaya gəlmişdir. 13 yaşına qədər Etruria ingilis məktəbində təhsil almışdır. Daha sonra isə təhsilini Liverpul şəhərində yerləşən dənizçilik akademiyasında davam etdirmişdir. Edvard Smitin ilk gəmiçilik təcrübəsi A Qibson şirkətinə məxsus olan Senator Veberdə başlamışdır.

Karyerası[redaktə | əsas redaktə]

Edvard Smit 1880-cı ilin mart ayında Uayt Star Layn şirkətinin Seltik gəmisində dördüncü zabiti olaraq işə başladı. O, AvstraliyaNyu-York arasında fəaliyyət göstərən gəmidə uzun müddət işləmişdir. 1887-ci ildə Edvard Smit Uayt Star Layn şirkətinə məxsus gəmilərin birinə ilk dəfə olaraq kapitan təyin olundu. SS Resbulika adlanan gəmidə bir müddət işləmişdir.

Edvard Smit Uayt Star Layn şirkətinə məxsus 17 gəmidə kapitanlıq etdikdən sonra Titanik gəmisinə kapitan təyin olundu. Uayt Star Layn ən böyük gəmisinə kapitan təyin edərkən, geniş seçim aparmamışdır. Edvard Smit həmin dövrdə təkcə Uayt Star Layn şirkətinin deyil, həm də bütün İngiltərədə ən məşhur kapitanlardan biri hesab olunurdu.

Titanik[redaktə | əsas redaktə]

Titanikin batmasında kapitanın hansısa günahının olub-olmaması bu gündə tam məlum deyil. Müxtəlif iddialara əsasən gəminin aysberqlə toqquşması və toqquşmadan sonra sürətlə batmasında Smit tərəfindən qəbul olunan bəzi yalnış qərarlarında rolu olmuşdur. Bəzi mənbələrdə isə Titanikin batmasına səbəb kimi göstərilir ki, " Gəminin içində olan yüksək vəzifəli sərnişinlərdən birinə qarşı olan hər hansısa siyasi səbəbdən dolayı gəmi səfərə çıxmazdan əvvəl içəridən biri texniki nasazlıq yaratmızdır, çünki "batmaz gəmi" adlanan xüsusi meteriallardan hazırlanan bu gəmi necə oldu ki, bir buz parçasına qurban getdi".

Ölümü[redaktə | əsas redaktə]

Edvard Smit Titanik batan zaman ölmüşdür. Onun hansı şəraitdə ölməsi barədə müxtəlif fikirlər vardır. Robert Balardın fikrinə görə Smit Titanik filmində olduğu kimi, körpü istiqamətində irəliləmiş və burada son əmrlərini vermək üçün gözləmişdir. Gəminin batmasından sonra isə Atlantik okeanının buzlu sularında itkin düşmüşdür.

Digər bir iddia da isə kapitanın şəxsi silahı ilə intihar etdiyi göstərilir. Gəminin batmasından xilas olan şəxslər, sonralar danışdıqları xatirələrində Edvard Smitin valideynlərindən ayrı düşmüş kiçik yaşlı bir qızı qayığa qədər ötürdüyünü görmüşlərdir. Bir çox hadisə şahidləri Smitin son anlarında belə özünü təmkinli və soyuqqanlı apardığını bildirmişdir.