Ehsan Zahidov
| Ehsan Zahidov | |
|---|---|
| Ehsan Əflan oğlu Zahidov | |
| 1 fevral 2017 – 10 iyul 2023 | |
| 2010 – 1 fevral 2017 | |
| Şəxsi məlumatlar | |
| Doğum tarixi | 1 iyun 1963 (61 yaş) |
| Doğum yeri | |
| Milliyyəti | azərbaycanlı |
| Vətəndaşlığı |
 SSRİ→ Azərbaycan |
| Təhsili |
|
| İxtisası | jurnalist, hüquqşünas |
| Rütbəsi |
 Polis polkovniki (ehtiyatda) |
|
|
|
| Təltifləri |
    |
Ehsan Əflan oğlu Zahidov (1 iyun 1963, Şamaxı) — Azərbaycan Respublikası DİN-in Mətbuat xidmətinin rəisi (2017–2023), ehtiyatda olan polis polkovniki.
Həyatı
[redaktə | mənbəni redaktə et]Zahidov Ehsan Əflan oğlu 1963-cü il iyun ayının 1-də Şamaxı rayonunda anadan olub. 1970–1980-ci illərdə orta təhsilini Qaradağ rayonu Səngəçal qəsəbəsindəki 222 nömrəli məktəbdə almışdır. 1982–1989-cu illərdə Azərbaycan Dövlət Universitetinin (indiki BDU) jurnalistika ixtisası üzrə ali təhsil almışdır. Ailəlidir, 3 qızı və 1 oğlu var.
Fəaliyyəti
[redaktə | mənbəni redaktə et]1983–1985-ci illərdə Macarıstan Respublikasında hərbi xidmətdə olmuşdur. Qarabağ müharibəsi veteranıdır. 1990–1991-ci illərdə Təbiəti Mühafizə Komitəsinin "Fəryad" qəzetində müxbir kimi fəaliyyət göstərmişdir. 1992-ci ildən etibarən daxili işlər orqanlarında çalışır. 1993–1997-ci illərdə Daxili İşlər Nazirliyinin Polis Akademiyasında hüquqşünas ixtisası üzrə təhsil almışdır. Ehsan Zahidov uzun müddət Daxili İşlər Nazirliyinin Mətbuat Xidmətinin KİV və İctimaiyyətlə Əlaqələr şöbəsinə rəhbərlik edib. 2010-cu ildə Daxili İşlər Naziri Ramil Usubovun müvafiq əmri ilə polis polkovnik-leytenantı Ehsan Zahidov Daxili İşlər Nazirliyinin Mətbuat xidmətinin rəis müavini vəzifəsinə təyinat alıb. 2017-ci il fevral ayının 1-də Daxili İşlər Naziri, general-polkovnik Ramil Usubov müvafiq əmrinə əsasən, Daxili İşlər Nazirliyinin Mətbuat Xidmətinin rəisi müavini, polis polkovniki Ehsan Zahidov tutduğu vəzifədən azad edilərək Mətbuat xidmətinin rəisi təyin edilib. 10 iyul 2023-cü ildə Daxili İşlər Nazirliyinin Mətbuat xidmətinin rəisi polis polkovniki Ehsan Zahidov xidmətdə olmanın son yaş həddi ilə əlaqədar təqaüdə göndərilib.[1]
Təltifləri
[redaktə | mənbəni redaktə et]2005-ci ildə Daxili İşlər Naziri, general-polkovnik Ramil Usubovun əmri ilə "Əla" xidmətlərinə görə döş nişanı ilə təltif edilib.
(2007) — "Daxili işlər orqanlarında qüsursuz xidmətə görə" III dərəcəli medalı
(2007) — "Daxili işlər orqanlarında qüsursuz xidmətə görə" II dərəcəli medalı
(2012) — "Daxili işlər orqanlarında qüsursuz xidmətə görə" I dərəcəli medalı
(2018) — "Vətən uğrunda" medalı[2]
.svg){kind=small}
İstinadlar
[redaktə | mənbəni redaktə et]- ↑ "Ehsan Zahidov təqaüdə göndərilib". 2023-07-12 tarixində arxivləşdirilib. İstifadə tarixi: 2023-07-12.
- ↑ "Azərbaycan Respublikası Daxili İşlər Nazirliyinin əməkdaşlarının təltif edilməsi haqqında Azərbaycan Respublikasının Prezidentinin Sərəncamı". 2023-01-04 tarixində arxivləşdirilib. İstifadə tarixi: 2023-07-12.
- 1 iyunda doğulanlar
- 1963-cü ildə doğulanlar
- Yaşayan insanlar
- Şamaxıda doğulanlar
- Bakı Dövlət Universitetinin məzunları
- Azərbaycan Respublikası Daxili İşlər Nazirliyi Polis Akademiyasının məzunları
- Azərbaycan polis polkovnikləri
- "Vətən uğrunda" medalı ilə təltif edilənlər
- "Daxili işlər orqanlarında qüsursuz xidmətə görə" 1-ci dərəcəli medalı ilə təltif edilənlər
- "Daxili işlər orqanlarında qüsursuz xidmətə görə" 2-ci dərəcəli medalı ilə təltif edilənlər
- "Daxili işlər orqanlarında qüsursuz xidmətə görə" 3-cü dərəcəli medalı ilə təltif edilənlər
- Əlifba sırasına görə vəzifəli şəxslər