Eiza Qonzalez Reyna (isp.Eiza González Reyna;30 yanvar1990[1][2], Heroyka-Kaborka[d], Sonora)[3] — Meksikalı aktrisa və müğənni. Meksika televiziya melodramı Lola, érase una vez-də Lola Valenti rolunu canlandıraraq ilk fəaliyyətini etmişdir. Bundan əlavə Klara Molinanın Nickelodeon gənc dramı Sueña conmigo-dakı bar rolu oynamışdır.[4] Qonzalez, From Dusk till Dawn: The Series (2014–2016) adlı Amerika istehsalı qorxu serialında Santaniko Pandemonium rolu ilə daha da uğur əldə etmişdir. Aksiyon filmi Balaca Sürücü (2017), kiberpunk aksiyon filmi Alita: Döyüş Mələyində (2019) Nyssiana və Forsajın yan istehsalı olan Forsaj: Hobbs və Şau-da Madam M rolları ilə tanınır.[5]
Mexiko, Meksikada anadan olan[6] Qonzalez keçmiş model Qlenda Reyna və Karlos Qonzalezin tək qızıdır. Atası on iki yaşında olarkən motorskilet qəzasında ölmüşdür. Eiza atasının ölümünün karyerasına ciddi təsir etdiyi bildirmişdir.[7] Yulen adındakı qardaşı Eizadan on iki yaş böyükdür. Eiza Mexikoda yerləşən iki özəl iki dilli məktəb olan Edron Akademiyasına və Amerika Məktəb Vəqfinə yazılmışdır.[8][9] 16 yaşında ikən gənc televiziya melodramı "Lola…Érase una vez"in baş rolunda yer almadan əvvəl Televisa-nın aktrisalıq məktəbi Centro de Educación Artística-da üç illik kursun iki ilini bitirmişdir.
2013 avqust ayından etibarən Qonzalez Los-Ancelesdə yaşayır[10][11] 2015 sentyabr ayında atasının ölümü səbəbi ilə 15 yaşından 20 yaşına qədər depresiya və zorlayıcı həddən artıq yemək ilə mübarizə apardığını açıqlamışdır.[12][13]
Vikianbarda əlaqəli mediafayllar
