Elşən Abbasov
| Elşən Abbasov | |
|---|---|
| Elşən Talıb oğlu Abbasov | |
| Doğum tarixi | 29 avqust 1978 (44 yaş) |
| Doğum yeri | |
| Vətəndaşlığı | |
| Milliyyəti | Azərbaycanlı |
| Təhsili | |
Elşən Talıb oğlu Abbasov (29 avqust 1978, Nəsimi rayonu) — Azərbaycan Reqbi Federasiyasının prezidenti; Gəncə İdman Klubunun vitse-prezidenti.
Həyatı[redaktə | mənbəni redaktə et]
Elşən Abbasov 1978-ci ildə Bakı şəhəri, Nəsimi rayonunda ziyalı ailəsində anadan olmuşdur. 1982-ci ildə Daxili İşlər Nazirliyinin nəzdində fəaliyyət göstərən 1 nömrəli mərkəzi uşaq baxçasında tərbiyə alıb.
2000-ci ildə ali məktəbi bitirdikdən sonra Azərbaycanın ordu sıralarında hərbi xidmətə çağrılıb. Hərbi xidmətini həmin dövrdə Azərbaycan Respublikası Milli Təhlükəsizlik Nazirliyinin nəzdində olan Sərhəd Qoşunlarının N saylı hərbi hissəsində xidmət edib.
Təhsili[redaktə | mənbəni redaktə et]
1984-1995-ci illərdə Nəsimi rayonu 159 saylı beynəlmiləl orta məktəbinin rus bölməsində tam orta təhsil alıb. Oxuduğu müddətdə dərslərinə səylə yanaşmaqla bərabər, məktəbin ictimai işlərində fəal iştirak edib.
1995-2000-ci illərdə Naxçıvan Universitetinin "Avtonəqliyyat" fakultəsində bakalavr təhsili alıb.
2011-ci ildə ikinci ali təhsil almaq üçün Azərbaycan Respublikasının Prezidenti yanında Dövlət İdarəçilik Akademiyasının qiyabi şöbəsinə qəbul olub və 2014-cü ildə akademiyanın Politologiya fakultəsini bitirməklə bakalavr dərəcəsi alıb.
Həmin ildə Dövlət İdarəçilik Akademiyasının xətti ilə Rusiya Federasiyası Prezidenti yanında Dövlət Xidməti və Xalq Təsərrüfatı Akadademiyasının Beynəlxalq Hüquq fakultəsinin magistraturasının qiyabi şöbəsinə qəbul olub və 2017-ci ildə magistr pilləsinə yüksəlib.
Ailəsi[redaktə | mənbəni redaktə et]
Ailəlidir, iki övladı var.
Fəaliyyəti[redaktə | mənbəni redaktə et]
Əmək fəaliyyəti[redaktə | mənbəni redaktə et]
Ali təhsili ilə paralel olaraq əmək fəaliyyətinə başlayıb. 1998-ci ildə Türkiyənin İxlas Xəbər Agentliyi və TGRT televiziya kanalının Azərbaycan nümayəndəliyində xüsusi ictimai-siyasi bölmə üzrə baş operator və 1999-cu ildə isə nümayəndəliyin sədr müavini vəzifəsində çalışıb.
2005-ci ildə yenidən İxlas Xəbər Agentliyi və TGRT-nin Azərbaycanda nümayəndəliyində fəaliyyətini davam etdirib. 2006-cı ildən başlayaraq kiçik sahibkarlıq fəaliyətinə başlayıb.
Hal-hazırda həmçinin kiçik sahibkarlıq fəaliyəti ilə məşğuldur.
İctimai fəaliyyəti[redaktə | mənbəni redaktə et]
İdmanın kikboksinq növü ilə məşğul olduğu dövrdə Azərbaycan yığma komandasının üzvü olub və müxtəlif yarışların qalib və mükafatçısı olub.
5 noyabr 2019-cu ildən Gəncə İdman Klubunun vitse-prezidenti, 2020-ci ildən Azərbaycan Reqbi Federasiyasının prezidentidir.
2020-ci il Azərbaycanda parlament seçkilərində 40 saylı Kəpəz ikinci (Gəncə) seçki dairəsindən deputatlığa namizəd olub.
Həmçinin bax[redaktə | mənbəni redaktə et]
Mənbə[redaktə | mənbəni redaktə et]
Xarici keçidlər[redaktə | mənbəni redaktə et]
- Elşən Abbasov: Hədəfimiz güclü potensiala malik reqbiçilər yetişdirməkdir
- Federasiyasiyanın Prezidenti Elşən Abbasov "Zəfər" Beynəlxalq İdman Mükafatına layiq görülüb Arxivləşdirilib 2021-05-25 at the Wayback Machine
- Elşən Abbasov: "Böyük məmnuniyyət hissi ilə cənab Prezidentin bu çağırışına qoşuluruq"
- Reqbinin inkişafı üçün Kəpəz Futbol klubunun stadionuna baxış keçirilib