Elşad Mirbəşir oğlu

Vikipediya, azad ensiklopediya
(Elşad Mirbəşir səhifəsindən istiqamətləndirilmişdir)
Jump to navigation Jump to search
Elşad Mirbəşir oğlu
Elşad Mirbəşir.JPG
Doğum tarixi 27 iyul 1977(1977-07-27) (42 yaş)
Doğum yeri Topalhəsənli, Göygöl rayonu
Vətəndaşlığı Azərbaycan Azərbaycan
Milliyyəti azərbaycanlı
Təhsili Bakı Dövlət Universiteti
Fəaliyyəti politoloq
Tanınır Siyasi elmlər doktoru, alim
Mükafatları "Azərbaycan Xalq Cümhuriyyətinin 100 illiyi (1918-2018)" yubiley medalı

Elşad Mirbəşir oğlu (27 iyul 1977(1977-07-27), Topalhəsənli, Xanlar rayonu) — Azərbaycan Respublikası Milli Məclisinin deputatı,[1] Sosial Tədqiqatlar Mərkəzinin İdarə Heyətinin üzvü, sədr müavini[2], siyasi elmlər doktoru, alim, politoloq, 2007-ci ilin sentyabrından Azərbaycan Respublikasının Prezidenti yanında Dövlət İdarəçilik Akademiyasının “Politologiya və siyasi idarəetmə” kafedrasında dosent.

Həyatı[redaktə | əsas redaktə]

Elşad Mirbəşir 27 iyul 1977-ci ildə Göygöl (Xanlar) rayonunun, Topalhəsənli kəndində müəllim ailəsində anadan olub. 1984-cü ildə Göygöl şəhəri Səməd Vurğun adına 3 saylı orta məktəbin I sinfinə getmiş, 1994-cü ildə həmin məktəbi bitirmişdir.

Təhsili, elmi dərəcəsi və elmi adları[redaktə | əsas redaktə]

  • 1994-1998-ci illərdə Bakı Dövlət Universitetinin Sosial elmlər və psixologiya fakültəsini fərqlənmə diplomu ilə bitirmidir.
  • 1998-2000-ci illərdə Sosial elmlər və psixologiya fakültəsinin politologiya ixtisası üzrə magistratura təhsilini fərqlənmə diplomu ilə bitirmişdir.
  • 2002-2005-ci illərdə Politologiya və sosiologiya kafedrasında dissertant olmuşdur.
  • 10 iyun 2005-ci ildə Azərbaycan Respublikasının Prezidenti yanında Dövlət İdarəçilik Akademiyasında “Siyasi münaqişələrin həllində üçüncü tərəfin iştirakı” mövzusunda dissertasiya işini müdafiə edərək Azərbaycan Respublikasının Prezidenti yanında Ali Attestasiya Komissiyasının 14 iyul 2006-cı il tarixli qərarı ilə siyasi elmlər namizədi alimlik dərəcəsinə layiq görülmüşdür.
  • 2008-ci ildə Azərbaycan Respublikasının Prezidenti yanında Dövlət İdarəçilik Akademiyasının "Politologiya və siyasi idarəetmə kafedrasına elmlər doktoru proqramı üzrə doktorant qəbul olunmuşdur.
  • 2011-ci ildə Vyana Diplomatik Akademiyasında (Avstriya) elmi-tədqiqat işləri ilə məşğul olmuş və mühazirələr oxumuşdur.
  • 2018-ci ildə “Müasir siyasi münaqişələrin nəzəri aspektləri və həlli texnologiyaları” mövzusunda doktorluq dissertasiyasını uğurla müdafiə etmiş və Siyasi elmlər doktoru elmi dərəcəsi almışdır. [3]

Əmək fəaliyyəti[redaktə | əsas redaktə]

  • 2002-2013-cü illərdə Bakı Dövlət Universitetinin Politologiya və sosiologiya kafedrasında müəllim kimi çalışmışdır.
  • 2007-ci ilin sentyabrından Azərbaycan Respublikasının Prezidenti yanında Dövlət İdarəçilik Akademiyasının “Politologiya və siyasi idarəetmə” kafedrasında dosent vəzifəsində çalışır. [4]
  • 2016-2019-cu illərdə AMEA-nın Hüquq və İnsan Haqları İnstitutunun Azərbaycan Respublikası Prezidentinin sərancamlarının icrası üzrə analitik şöbənin və Beynəlxalq Münasibətlər və İnsan Hüquqları şöbəsinin müdiri vəzifəsində çalışıb.
  • AMEA Hüquq və İnsan Haqları İnstitutunda Yeni Azərbaycan Partiyası təşkilatının sədri vəzifəsində çalışmışdır.
  • Prezident İlham Əliyevin 29 noyabr 2019-cu il tarixli sərəncamı ilə Sosial Tədqiqatlar Mərkəzinin İdarə Heyətinin üzvü təyin olunmuş, daha sonra isə Mərkəzin sədr müavini seçilmişdir.
  • Azərbaycan Dövlət Televiziyasının şərhçisi və «Dünya bu gün» siyasi-analitik verilişinin aparıcısıdır.
  • Yerli və beynəlxalq mediaya müsahibələrində bölgədə və dünyada baş verən hadisələri milli maraqlarımız kantekstindən şərh edir.
  • Bundan başqa, Yeni Azərbaycan qəzetinin siyasət şöbəsinin redaktorudur, “Yeni Azərbaycan” analitik qrupunun rəhbəri və Yeni Azərbaycan Partiyasının üzvüdür.
  • 3 elmi monoqrafiyanın, 50-dən artıq elmi məqalənin, bir neçə tədris proqramının müəllifidir.
  • Alman, rus və türk dillərində sərbəst danışır.
  • Ehtiyatda olan zabitdir.

Ailəsi[redaktə | əsas redaktə]

Elşad Mirbəşir evlidir, iki övladı var.

Tədqiqat sahəsi[redaktə | əsas redaktə]

  • Siyasi münaqişələr: mahiyyəti, quruluşu və həlli mexanizmləri.
  • Müasir hərbi-siyasi münaqişələr

Seçilmiş əsərləri[redaktə | əsas redaktə]

  • Heydər Əliyevin müəyyənləşdirdiyi strategiya Azərbaycanıın ərazi bütövlüyünü bərpa edəcək!
  • Heydər Əliyev Azərbaycan Respublikasında yeni siyasi idarəetmənin banisidir.
  • Azərbaycanın mövcudluq və inkişaf dialektikasindan irəli gələn tələblər.
  • Etnosiyasi münaqişələrə müasir baxışlar.
  • Siyasi münaqişələrin həllində hərbi güc amili.
  • Siyasi münaqişələrin həllində vasitəçilik xidmətləri.
  • Müasir müharibələr silahlı münaqişənin bir növü kimi.
  • Müasir beynəlxalq münaqişələrin meydana gəlməsi, inkişafı həlli.
  • Danışıqlar siyasi münaqişələrin tənzimlənməsi vasitəsi kimi.
  • Siyasi münaqişələrin həllinin dinc və zorakı vasitələri.
  • Müasir beynəlxalq münasibətlər və terrorizm.
  • Böyük İpək Yolu: Azərbaycan Respublikasının strateji maraqları kontekstində.

Kitabları[redaktə | əsas redaktə]

  • Siyasi münaqilər: mahiyyəti, quruluşu, həlli.

Mükafatları[redaktə | əsas redaktə]

  • 2019-cu ildə Prezident İlham Əliyevin Sərəncamı ilə "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif edilmişdir.[5]

İstinadlar[redaktə | əsas redaktə]