Elektrik induksiyası

Elektrik induksiyası — elektrik sahәsini xarakterizә edәn vektor kәmiyyәt; müxtәlif tәbiәtli iki vektorun cәminә bәrabәrdir: elektrik sahәsinin intensivliyi ($E$) vә mühitin polyarlaşması ($P$). Qauss vahidlәr sistemindә     

$\mathbf {D} =\mathbf {E} +4\pi \mathbf {P}$

BS-dә

$\mathbf {D} =\varepsilon _{0}\mathbf {E} +\mathbf {P}$                    

burada $\varepsilon _{0}$ – elektrik sabiti vә ya vakuumun dielektrik nüfuzluğu adlanan ölçülü konstantdır.

Seqnetoelektrik xassәlәrә malik olmayan izotrop mühitdә zәif sahәlәrdә polyarlaşma vektoru sahәnin intensivliyi ilә düz mütәnasibdir. Qauss sistemindә

$P=\chi _{e}E$

burada $\chi _{e}$ – dielektrik qavrayıcılığı adlanan ölçüsüz sabit kәmiyyәtdir. Seqnetoelektriklәr üçün dielektrik qavrayıcılığı $E$-dәn asılı olduğuna görә $P$ vә $E$ arasındakı әlaqә qeyri-xәttidir.

$D=(1+4\pi \chi _{e})E=\varepsilon E$                

$\varepsilon =1+4\pi \chi _{e}$                           

kәmiyyәti maddәnin dielektrik nüfuzluğu adlanır.

BS-də

$P=\chi _{e}\varepsilon _{0}E$

$D=\varepsilon _{0}\varepsilon E$

$\varepsilon =1+\chi _{e}$

Elektrik induksiya vektorunun daxil edilmәsinin mәnası ondan ibarәtdir ki, istәnilәn qapalı sәthdәn keçәn $D$ vektoru seli (axını) $E$ vektoru seli kimi verilәn sәthlә mәhdudlanan hәcm daxilindәki bütün yüklәrlә deyil, yalnız sәrbәst yüklәrlә tәyin edilir. Bu, bağlı (polyarlaşmış) yüklәri nәzәrә almamağa imkan verir vә bir çox mәsәlәlәrin hәllini sadәlәşdirir.

Mənbə

Azərbaycan Milli Ensiklopediyası, VII CİLD