Elnur Əhmədov

Vikipediya, açıq ensiklopediya
Keçid et: naviqasiya, axtar
ELNUR ƏHMƏDOV
Elnur Əhmədov.jpg
Ümumi məlumatları
Tam adı Elnur Oruc oğlu Əhmədov
Doğum tarixi 1977(1977-Şablondakı doğum və ya ölüm tarixində texniki yanlışlıq var!-00)
Peşəsi Aktyor

Əhmədov Elnur Oruc oğlu - azərbaycanlı musiqiçi, kamança ifaçısı, Azərbaycanın əməkdar artisti (2007).

Həyatı[redaktə | əsas redaktə]

E.Əhmədov 1994-cü ildə A.Zeynallı adına Bakı Musiqi texnikumunu, 1998 və 2000-ci illərdə isə Bakı Musiqi Akademiyasının xalq çalğı alətləri şöbəsini (kamança) müvafiq olaraq bakalavr və magistr dərəcəsi üzrə bitirmişdir.

Əmək fəaliyyətinə 2001-ci ildə Azərbaycan Dövlət Akademik Opera və Balet teatrının simfonik orkestrində başlamışdır. Hazırda yüksək dərəcəli orkestr artistidir. "Leyli və Məcnun" və "Aşıq Qərib" operalarında solistləri yüksək professionallıqla müşaiət edir.

E.Əhmədov mahir bir kaman ustası kimi həm də bir çox görkəmli sənətçilər – Mənsum İbrahimov, Aygün Bayramova, Gülyaz Məmmədova və b. ilə birgə muğam üçlüyünün tərkibində çıxış edir.

Gənc olmasına baxmayaraq, artıq neçə illərdir ki, Azərbaycan Milli konservatoriyası və Milli Konservatoriyanın tərkibindəki Musiqi kollecində müəllim kimi çalışır.

E.Əhmədov milli musiqi və muğam sənətimizi dünyanın bir çox ölkələrində – ABŞ, İngiltərə, Fransa, Almaniya, İsveç, İsveçrə, Finlandiya, İran, Türkiyə və s. ləyaqətlə təmsil etmişdir.

2007-ci ildə Əməkdar Artist fəxri adına layiq görülmüşdür. 30 aprel 2014-cü ildə,[1] 6 may 2015-ci ildə[2], 6 may 2016-cı ildə[3]1 may 2017-ci ildə[4] Prezident Mükafatına layiq görülmüşdür.

Filmoqrafiya[redaktə | əsas redaktə]

  1. Güllələnmiş heykəllər (film, 2002)
  2. Məşədi İbad-94 (film, 2005)
  3. Biz qayıdacağıq (film, 2007)

İstinadlar[redaktə | əsas redaktə]