Elnur Əliyev

Elnur Əliyev
Elnur Adil oğlu Əliyev
Doğum tarixi	16 avqust 1976(1976-08-16)
Doğum yeri	Füzuli, Azərbaycan
Vəfat tarixi	2 aprel 2016 (39 yaşında)
Vəfat yeri	Cəbrayıl, Azərbaycan
Vətəndaşlıq	Azərbaycan
Mənsubiyyəti	A.R. Silahlı Qüvvələri
Qoşun növü	A. R. Quru Qoşunları
Rütbə	Mayor
Təltifləri

Elnur Adil oğlu Əliyev (d. 16 avqust 1976; Füzuli - ö. 2 aprel 2016; Cəbrayıl, Azərbaycan) — Azərbaycan Silahlı Qüvvələrinin mayoru. 2016-cı ildə Aprel döyüşləri zamanı şəhid olub, ölümündən sonra "Vətənə xidmətə görə" ordeni (III dərəcəli) ilə təltif edilib.

Həyatı

Elnur Əliyev 1976-cı ilin 16 avqust günündə Füzuli rayonunun Dədəli kəndində anadan olub. Elnur Əliyev ailəli idi; Elvin və Elxan adında iki oğlu yadigar qalıb.

Hərbi xidməti

Mayor Elnur Əliyev 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid oldu.

Aprelin 3-ü isə Elnur Əliyev Füzuli rayonunda son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və mayor Əliyev uğrunda şəhid olduğu torpağa tapşırıldı.

Elnur Əliyev ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Vətənə xidmətə görə" ordeni (III dərəcəli) ilə təltif edildi.