Elnur Aslanov
 | Bu məqalənin bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. |
 | Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin. |
| Elnur Aslanov | |||||||
|---|---|---|---|---|---|---|---|
| Elnur Kazım oğlu Aslanov | |||||||
 | |||||||
|
|||||||
| Sələfi | vəzifə təsis edilib | ||||||
| Şəxsi məlumatlar | |||||||
| Partiya | |||||||
| Təhsili | |||||||
| Doğum tarixi | 15 yanvar 1977 | ||||||
| Doğum yeri | Bakı şəhəri | ||||||
| Atası | Kazım Aslanov | ||||||
| Anası | Rəbiyyət Aslanova | ||||||
| Elmi fəaliyyəti | |||||||
| Elmi dərəcəsi | fəlsəfə dоktоru | ||||||
Elnur Kazım oğlu Aslanov — 2007-2014-cü illərdə Azərbaycan Respublikası Prezidentinin Administrasiyasının Siyasi Təhlil və İnformasiya Təminatı şöbəsinin müdiri, 2014-2016-cı illərdə Azərbaycan Respublikası Rabitə və Yüksək Texnologiyalar Nazirliyinin Elektron İdarəçiliyin İnkişafı şöbəsinin müdiri, siyasi elmlər üzrə fəlsəfə doktoru (Ph.D).
Harvard Business School məzunu, bir sıra İT və İnternet layihələrinin sahibi və müəllifi.
Hazırda biznes ilə məşğuldur.
İki kitab müəllifidir.
Həyatı və fəaliyyəti[redaktə | əsas redaktə]
Aslanov Elnur Kazım oğlu 15 yanvar 1977-ci ildə Bakı şəhərində anadan olmuşdur. Bakı Dövlət Universitetini və Azərbaycan Universitetini bitirmişdir. Fəlsəfə doktoru və MA elmi dərəcələri var.
1997-2001-ci illərdə Yeni Azərbaycan Partiyası Mərkəzi Aparatının Beynəlxalq Əlaqələr və Siyasi Partiyalarla İş şöbəsində təlimatçı, baş referent, 2001-2005-ci illərdə Azərbaycan Respublikası Prezidentinin İcra Aparatının İctimai-siyasi şöbəsinin İnformasiya İşinin Təşkili və Analitik Təhlil sektorunda referent, böyük məsləhətçi vəzifəsində 2005-2007-ci illərdə isə Azərbaycan Respublikası Prezidentinin İcra Aparatı rəhbərinin köməkçisi vəzifəsində işləmişdir.
Azərbaycan Respublikası Prezidentinin 19 dekabr 2007-ci il tarixli Sərəncamı ilə Azərbaycan Respublikası Prezidentinin Administrasiyasının Siyasi təhlil və İnformasiya Təminatı şöbəsinin müdiri təyin edilmiş, 17 mart 2014-cü ildə vəzifəsindən azad edilmişdir[1].
E.Aslanov 2 aprel 2014-cü ildə Rabitə və Yüksək Texnologiyalar Nazirliyinin Strateji planlaşdırma, elmi potensial və investisiya şöbəsinin müdiri vəzifəsinə təyin edilmişdir.[2]
14 avqust 2014-cü il tarixində Rabitə və Yüksək Texnologiyalar Nazirliyinin Elektron İdarəçiliyin İnkişafı şöbəsinə müdir vəzifəsinə təyin edilmişdir.
2016-ci ildə ABŞ-da Harvard Business School-da təhsilini davam etdirmək məqsədilə dövlət işindən uzaqlaşıb. Hazırda biznes fəaliyyəti ilə məşğuldur.
Elnur Aslanov bir sıra İnternet layihələrinin müəllifi və sahibidir.
İki kitab müəllifidir: "Modernləşmə və Milli İnkişaf" (Bakı, 2015) və "Qloballaşma və Milli İnkişaf Strategiyası" (Baki, 2006).
"Azərbaycanda araşdırma və beyin mərkəzləri : yaranması, inkişafı və perspektivləri" kitabının elmi redaktoru.
Yeni Azərbaycan Partiyasının üzvü, I dərəcə dövlət müşaviridir.
Azərbaycan Respublikası Milli Məclisinin deputatı, parlamentin İnsan Hüquqları Komitəsinin sədri Rəbiyyət Aslanovanın oğludur.
Evlidir, bir oğlu var.
Elnur Aslanov mütəmadi olaraq müxtəlif internet saytlarında məqalələr ilə cıxış edir .
İstinadlar[redaktə | əsas redaktə]
 | Bu məqalədəki istinadlar müvafiq istinad şablonları ilə göstərilməlidir. |
- ↑ Elnur Aslanov Prezident Administrasiyasından çıxarıldı
- ↑ Elnur Aslanov Rabitə və Yüksək Texnologiyalar Nazirliyində şöbə rəisi vəzifəsinə təyin olunub
Xarici keçidlər[redaktə | əsas redaktə]
- Xaqani Səfəroğlu (10.04.2012). "Prezident Administrasiyasında kimlər işləyir? - Karyera tanıtımı - II HİSSƏ" (azərb.). modern.az. İstifadə tarixi: 2015-05-27.
- Waving The Banner Of Azerbaijan's New Oil Boom
- Advice For Armenia On Resolving The Karabakh Dispute
- Справедливый путь к идеальному миру
- Azerbaycan ve Türkiye ilişkilerinin geleceği
