Elnur Məmmədov (aktyor)

Vikipediya, açıq ensiklopediya
Jump to navigation Jump to search
Elnur Məmmədov
Elnur Mehralı oğlu Məmmədov
Elnur Məmmədov.jpg
Doğum tarixi 8 avqust 1976(1976-08-08) (42 yaş)
Doğum yeri Ermənistan SSR
Uşağı Mənsurə və Leyla
Atası Mehralı
Anası Küsət
Vətəndaşlığı Azərbaycanll
Peşələri Aktyor, truppa müdiri
Fəaliyyət illəri 1994
azdrama.az

Elnur Məmmədov — Aktyor, Truppa müdiri.

Həyatı[redaktə | əsas redaktə]

Elnur Məmmədov 1976 - cı ildə Ermənistan (Qərbi Azərbaycan, İrəvan) SSRİ-də anadan olub. 1994-1998-ci illərdə Azərbaycan Dövlət Mədəniyyət və İncəsənət Universitetinin "Dram və kino aktyoru" fakültəsində təhsil almışdır.

1996-1998-ci illərdə o, İrəvan Dövlət Azərbaycan Dram Teatrında aktyor vəzifəsində çalışmışdır. Burada o, Ş.Başbəyovun "Dəmir qadın" əsərində Alimcan, İ.Vəliyevin "Abasqulu Şadlinski"sində Komsomol, V.Əliyevin "Madam Badam"ında Dursunəli, Ağacəfər ağa, Ş.Cəbrayılovun "Sehrli alma"sında Ağanəzər kimi obrazlar yaratmışdır.

Mədəniyyət və İncəsənət İnstitutunda təhsil aldığı illər ərzində E.Məmmədov teatrın repertuarında olan bir neçə tamaşalarda kütləvi səhnələrdə çıxış etmiş, bir çox tamaşalarda müxtəlif rollarda oynamışdır.

V.Rozovun "Şadlıq sorağında" əsərində Nikolay, N.Hikmətin "Kəllə" dramında Hoqqabaz, polis, B.Vahabzadənin "Dar ağacı"nda Ərəb zabiti, V.Şekspirin "Hamlet" faciəsində Marsel, C.Cabbarlının "Ulduz yaxud Ədirnə Fəthi" adlı tarixi dramında Ərəb, Elçinin "Poçt şöbəsində xəyal"ında Poçt işçisi kimi irili-xırdalı maraqlı obrazlar yaratmışdır. 2005-ci il fevral ayından Akademik Milli Dram Teatrında truppa müdiri vəzifəsində işləyir.

Göstərdiyi xidmətlərə görə 2015 –ci ildə Mədəniyyət və Turizim Nazirliyinin təsis etdiyi “Fəxri Mədəniyyət işçisi” döş nişanı ilə təltif olunub.

Filmoqrafiya[redaktə | əsas redaktə]

  1. Qeybdən gələn səs (film, 2002)
  2. Yeni həyat (2005)
  3. Gürzə (serial, )
  4. Mart hadisələri... Və yaxud "Qara oyunlar")

Həmçinin bax[redaktə | əsas redaktə]