Elton Con
| Elton Con | |
|---|---|
| ing. Sir Elton Hercules John | |
 | |
| Sənətçi məlumatları | |
| Doğum adı | Reginald Kenneth Dwight |
| Doğum tarixi | 25 mart 1947 |
| Doğum yeri | London, Böyük Britaniya |
| Vətəndaşlığı | |
| Peşəsi | Müğənni |
| Üslub | rok, pop-rok, Glam rock, soft-rok[d], R&B |
| Ləqəbi | Elton John |
| Musiqi aləti | piano və vokal |
| Səs tembri | bariton və tenor |
| Fəaliyyət illəri | 1964–indiyə kimi |
| Albom şirkəti | Mercury Records[d] |
| eltonjohn.com | |
 Vikianbarda əlaqəli mediafayllar | |
Elton Con (ing. Sir Elton Hercules John və ya doğum adıyla ing. Reginald Kenneth Dwight) — ingilis pop/rok müğənnisi, bəstəkar, pianoçu.
Dünyanın ən məşhur musiqiçilərindən biri olan Elton Conun XX əsrin 70-ci illərindən bu günə qədər bütün dünyada 450 milyondan çox albomu satılıb. Onun sinqllarının nüsxələri 190 milyondan artıq nüsxəylə yayılıb. Eltonun Şahzadə Diananın xatirəsinə yenidən yazdığı hit mahnısı "Candle in the Wind" hələ də ABŞ və Britaniya çartları tarixində ən çox satılmış mahnı olaraq qalmağa davam edir. Con bu günə kimi, musiqidəki uğurlarına görə 5 dəfə Qremmi mükafatına, o cümlədən, "Yaşayan Əfsanə" mükafatına layiq görülüb. Kinolar üçün yazdığı mahnılar sayəsində namizəd olduğu üç Oskarın birini qazanıb. Rolling Stone jurnalının 2004-cü ildə hazırladığı siyahıda Elton, musiqidə ən çox iz qoymuş 50 sənətkardan biri seçildi.[1] Geniş xeyriyyə fəaliyyəti olan Conun həm musiqidəki, həm də xeyriyyə sahəsindəki fəaliyyətlərinə görə, 1998-ci ildə Kraliça ikinci Elizabeth ona cəngavərlik titulu verdi. Musiqiçinin adı eyni zamanda həm Şöhrət xiyabanı (Hollivud), həm də Bəstəkarlar xiyabanında əbədiləşdirilib.
Elton Con 1980-ci ildən QİÇS-lə mübarizə kampaniyasına qoşulub. O, 1992-ci ildə QİÇS-lə mübarizə proqramını maliyyələşdirən Elton John AIDS Foundation təşkilatını yaradıb.[2]
İstinadlar[redaktə | əsas redaktə]
Xarici keçidlər[redaktə | əsas redaktə]
 | Musiqiçi ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
