Elxan Hüseynov

Vikipediya, azad ensiklopediya
Jump to navigation Jump to search
Elxan Hüseynov
azərb. Elxan Bahadur oğlu Hüseynov
Elxan Hüseynov.JPG
Doğum tarixi 1 yanvar 1948 (1948-01-01) (72 yaş)
Doğum yeri Gəncə
Azərbaycan Azərbaycan SSR
SSRİ SSRİ
Vətəndaşlığı SSRİ SSRİ
Azərbaycan Azərbaycan
Uşağı 2
Atası Bahadur Hüseynov
Milliyyəti azərbaycanlı
İxtisası mexanika-riyaziyyat
Təhsili Azərbaycan Dövlət Universiteti
Fəaliyyəti kinematoqraf
Mükafatları "Tərəqqi" medalı "Şöhrət" ordeni (Azərbaycan)

Elxan Bahadur oğlu HüseynovSumqayıt Dövlət Universitetinin rektoru (06.03.2014-cü ildən[1]), Rusiya və Azərbaycan Ali Təhsil Müəssisələri Assosiasiyasının Azərbaycan tərəfdən həmsədri, professor.

Həyatı[redaktə | əsas redaktə]

Elxan Bahadur oğlu Hüseynov 1 yanvar 1948-ci ildə Gəncə şəhərində anadan olmuşdur[2].

1966-cı ildə Gəncə şəhər 18 saylı orta məktəbi bitirmişdir.

1966-1967-ci illərdə Azərbaycan dəmir yolu Gəncə şəhəri Vaqon deposunda defektoskopist vəzifəsində çalışmışdır.

1967-1970-ci illərdə Yüngül Sənaye Nazirliyinin Elmi-Tədqiqat laboratoriyasında laborant,

1970-1971-ci illərdə Azərbaycan LKGİ Oktyabr rayon komitəsində təlimatçı,

1971-1973-cü illərdə Azərbaycan Dövlət Universitetində Komsomol komitəsi katibinin müavini vəzifələrində çalışmışdır.

1973-cü ildə Azərbaycan Dövlət Universitetinin Mexanika-riyaziyyat fakültəsini bitirmişdir[2].

1973-1974-cü illərdə ordu sıralarında xidmət keçmiş,

1974-1978-ci illərdə Yerli Sənaye Texnologiya texnikumunda komsomol komitəsinin katibi, Azərbaycan LKGİ Bakı şəhər komitəsində təlimatçı, Azərbaycan KP Oktyabr Rayon Komitəsində təlimatçı vəzifələrində çalışmışdır.

1978-1991-ci illərdə Azərbaycan Dövlət Universitetinin Partiya Komitəsi Katibinin müavini olmuş,

1991-1995-ci illərdə Bakı Dövlət Universitetində elmi-pedaqoji fəaliyyətlə məşğul olmuşdur.

1995-1999-cu illərdə BDU-nun beynəlxalq əlaqələr üzrə prorektoru,

1999-2002-ci illərdə BDU-nun birinci prorektoru-tədris işləri üzrə prorektoru vəzifələrində çalışmışdır.

2002-2010-cu illərdə Azərbaycan Respublikasından kənarda diplomatik fəaliyyətdə olmuşdur.

2010-2011-ci illərdə BDU-nun Beynəlxalq əlaqələr üzrə prorektoru vəzifəsində çalışmışdır.

2013-2014-cü illərdə Azərbaycan Respublikası Təhsil Nazirinin müşaviri, Sumqayıt Dövlət Universitetinin Tədris işləri üzrə prorektoru vəzifələrində çalışmışdır.

2014-cü ildən Sumqayıt Dövlət Universitetinin rektoru vəzifəsində çalışır.

Ailəlidir, iki övladı, 5 nəvəsi var.

Elmi və pedaqoji fəaliyyəti[redaktə | əsas redaktə]

1980-1991-ci illərdə Azərbaycan Dövlət Universitetinin Fəlsəfə kafedrasında baş müəllim, dosent əvəzi vəzifələrində çalışmışdır.

1985-ci ildə Azərbaycan Dövlət Universitetində namizədlik dissertasiyasını müdafiə etmişdir.

1991-1995-ci illərdə Bakı Dövlət Universitetinin fəlsəfə kafedrasında dosent vəzifəsində çalışmışdır.

1994-cü ildə dosent, 2017-ci ildə professor elmi adını almışdır.

-  Ali məktəb mühitində sosial-mənəvi münasibətlərin inkişaf faktorları,

-  yeni təfəkkür və sosial aktivlik,

-  şəxsiyyətin özünüdərki və azadlığının qarşılıqlı əlaqələri barədə,

-  milli özünüdərk: mahiyyəti və məzmunu,

-  milli özünüdərkin formalaşmasında dinamika və ziddiyyətlər,

-  fəlsəfədə yadlaşma problemi,

-  sinergetik paradiqma: ipostasiyaları və metodoloji prinsipləri kimi problemlərə həsr olunmuş elmi əsərlərin müəllifidir.

Diplomatik fəaliyyəti[redaktə | əsas redaktə]

8 avqust 2002-ci ildə Elxan Hüseynova Azərbaycan Respublikasının Fövqəladə və Səlahiyyətli Səfiri dərəcəsi verilmişdir[3].

8 avqust 2002-ci ildən[4] 15 yanvar 2010-cu ilə qədər[5] Azərbaycan Respublikasının Türkmənistandakı fövqəladə və səlahiyyətli səfiri vəzifəsində fəaliyyət göstərmişdir.

Mükafatları[redaktə | əsas redaktə]

İstinadlar[redaktə | əsas redaktə]

  1. E.B. Hüseynovun Sumqayıt Dövlət Universitetinin rektoru təyin edilməsi haqqında Azərbaycan Respublikasının Prezidentinin 6 mart 2014-cü il tarixli, 313 nömrəli Sərəncamı. e-qanun.az, 06.03.2014
  2. 1 2 3 "Rəhbərlik:Rektor:Hüseynov Elxan Bahadur oğlu". Sumqayıt Dövlət Universitetinin Rəsmi internet portalı (azərb.). sdu.az. 2014. İstifadə tarixi: 2014-11-05.
  3. "E. B. Hüseynova Azərbaycan Respublikasının Fövqəladə və Səlahiyyətli Səfiri dərəcəsinin verilməsi haqqında" Azərbaycan Respublikası Prezidentinin 8 avqust 2002-ci il tarixli, 748 nömrəli Fərmanı  (azərb.)
  4. "E. B. Hüseynovun Azərbaycan Respublikasının Türkmənistanda Fövqəladə və səlahiyyətli Səfiri təyin edilməsi haqqında" Azərbaycan Respublikası Prezidentinin 8 avqust 2002-ci il tarixli, 749 nömrəli Fərmanı  (azərb.)
  5. "E.B.Hüseynovun Azərbaycan Respublikasının Türkmənistanda fövqəladə və səlahiyyətli səfiri vəzifəsindən geri çağırılması haqqında" Azərbaycan Respublikası Prezidentinin 15 yanvar 2010-cu il tarixli, 686 nömrəli Sərəncamı  (azərb.)
  6. "Məmmədəmin Rəsulzadə adına Bakı Dövlət Universiteti müəllimlərinin təltif edilməsi haqqında" Azərbaycan Respublikası Prezidentinin 11 fevral 2000-ci il tarixli, 279 nömrəli Fərmanı. e-qanun.az  (azərb.)

Xarici keçidlər[redaktə | əsas redaktə]