Elxan Məmmədli

Vikipediya, azad ensiklopediya
Jump to navigation Jump to search
Elxan Məmmədli
Elxan Məmmədli.jpg
Doğum tarixi 1 yanvar 1946
Doğum yeri Gürcüstan, Bolnisi, Faxralı
Fəaliyyəti şair

Elxan Məmmədli (1 yanvar 1946(1946-01-01), Gürcüstan) — filologiya elmləri namizədi, "Əməkdar mədəniyyət işçisi" (2008), Azərbaycan Aşıqlar Birliyi İdarə heyətinin və Azərbaycan Jurnalistlər birliyinin üzvü.

Həyatı[redaktə | əsas redaktə]

Elxan Hüseynqulu oğlu Məmmədli 1 yanvar 1946-cı ildə Borçalı mahalının Bolnisi rayonunun Faxralı kəndində anadan olmuşdur.[1]

1971-ci ildə Azərbaycan Dövlət Universitetinin filologiya fakültəsini bitirmişdir.

Əmək fəaliyyətinə fəhləlikdən başlayan Elxan Məmmədli bir müddət pedaqoji fəaliyyətlə məşğul olduqdan sonra,

1976-1979-cu illərdə Pedaqoji Elmlər İnstitutunda elmi işçi işləmişdir.

1979-cu ildən etibarən müsabiqə yolu ilə Nizami adına Ədəbiyyat İnstitutunun Folklor şöbəsinə kiçik elmi işçi vəzifəsinə qəbul edilmişdir.

1994-cü ilə kimi Ədəbiyyat İnstitutunun Folklor şöbəsində çalışan E.Məmmədli böyük elmi işçi kimi həmin ildən Folklor Elmi-Mədəni Mərkəzinə köçürülmüşdür.

1998-ci ildə "Azərbaycan aşıq yaradıcılığında təcnis" mövzusunda namizədlik dissertasiyasını müdafiə etmiş və filolodiya elmləri namizədi alimlik dərəcəsi almışdır.[2]

1999-cu ildən AMEA-nın Folklor İnstitutunda "Aşıq yaradıcılığı" şöbəsinin müdiridir.

1969-2009-cu illər ərzində Azərbaycan radio və televiziyasında "Bulaq", "Ustadnamə", "Sazın-sözün sehrində", "Gözəlləmə" və "Sarıtel" verilişlərinin müəllifi və aparıcısı olmuşdur.

O, 1 monoqrafiya, 10-dan çox toplama-tərtib kitabını nəşr etdirmiş, 30-dan çox kitabın redaktoru, rəyçisi olmuşdur.

2008-ci ildə "Əməkdar mədəniyyət işçisi" fəxri adına layiq görülmüşdür.

Azərbaycan Aşıqlar Birliyi İdarə heyətinin və Azərbaycan Jurnalistlər birliyinin üzvüdür.

Elxan Məmmədlinin anadan olmasının 60 illiyi ilə əlaqədar Vüsal Abiyev "Elxan Məmmədli - 60" kitabını yazmışdır.

Əsərləri[redaktə | əsas redaktə]

  • "Azərbaycan aşıq yaradıcılığında təcnis" (namizədlik dissertasiyası), 1998-ci il.
  • "Təcnis sənətkarlığı" (monoqrafiya), Bakı, "NaftA-Press", 1998.
  • "Bir dənəm" (şeirlər), Bakı-2006.

İstinadlar[redaktə | əsas redaktə]

  1. Vüsal Abiyev, "Elxan Məmmədli - 60", Bakı, Nurlan, 2006.
  2. Mahmud Allahmanlı. "FOLKLORLAŞAN FOLKLORŞÜNAS" (azərb.). "Ozan dünyası". azab.az (2015).