Ennio Morrikone

Vikipediya, azad ensiklopediya
Naviqasiyaya keçin Axtarışa keçin
Ennio Morrikone
it. Ennio Morricone
Ümumi məlumatlar
Ləqəbləri Dan Savio, Leo Nichols
Doğum tarixi 10 noyabr 1928(1928-11-10)[1][2][…]
Doğum yeri
Vəfat tarixi 6 iyul 2020(2020-07-06)[3][4][…] (91 yaşında)
Vəfat yeri
Vəfat səbəbi Bud sümüyünün sınıqları[7]
Uşaqları 4
Musiqiçi məlumatları
Fəaliyyəti dirijor, pianoçu, film bəstəkarı, aranjimançı, bəstəkar, truba ifaçısı[d], musiqiçi, musiqi prodüseri
Fəaliyyət illəri 1946–2020
Janr film musiqisi[d]
Musiqi alətləri piano, truba[8]
Albom şirkəti Virgin Records
Təhsili
  • Müqəddəs Çeçiliya Milli Akademiyası[d]
Mükafatları Gold Medal of the Italian Order of Merit for Culture and Art "Fəxri legion" ordeni kavaleri 4-cü dərəcəli "Doğan günəş" ordeni "İtaliya qarşısında xidmətlərə görə" ordeninin Böyük Cəngavər Xaçı
Ən yaxşı musiqiyə görə "Oskar" mükafatı "Qremmi" mükafatı Avstriya kraliçasının incəsənət xidmətlərinə görə mükafatı
İmzanın şəkli
enniomorricone.org
Vikianbarın loqosu Vikianbarda əlaqəli mediafayllar

Ennio Morrikone (it. Ennio Morricone; 10 noyabr 1928[1][2][…], Roma, İtaliya krallığı[5]6 iyul 2020[3][4][…], Roma, İtaliya[6]) — dünya şöhrətli İtaliyan bəstəkarı, aranjimançı və dirijor. Kino və televiziya verilişləri üçün bəstələdiyi çoxsaylı musiqilərlə məşhurlaşmışdır. "İtaliya Respublikasına xidmətinə görə" ordeninin böyük zabitidir. Kinematoqrafiyada görkəmli nailiyyətlərinə görə 2007 və 2016-cı ilin "Oskar mükafatı" laureatı olmuşdur. Bundan başqa bəstəkar 1 dəfə Qremmi mükafatı, 6 dəfə Britaniya Kino və Televiziya Sənətləri Akademiyası mükafatı (BAFTA), 3 dəfə də "Qızıl qlobus mükafatı" almışdır. Film üçün ən yaxşı musiqi "David di Donatello" İtaliya milli kinopremiyasının səkkizqat laureatı olmuşdur.Sercio Leon tərəfindən çəkilmiş "Bir neçə dollar çox" (1965), "Yaxşı, pis və qəddar" (1966), "Bir dəfə vəhşi qərbdə" (1968), "Mənim adım hec kimdir" (1973) filmlərinə yaratdığı musiqiyə görə Ennio bütün dünyada məşhurlaşdı.

Həyatı[redaktə | mənbəni redaktə et]

Ennio Morrikone 10 noyabr 1928-ci ildə Romada, peşəkar caz trubaçalan Mario Morrikone və evdar xanim Libera Ridolfinin ailəsində anadan olmuşdur. Ailədə 5 uşaqdan böyüyü o idi. Morrikone 9 yaşı olduqda, Romada Müqəddəs Çeçiliya konservatoriyasına daxil olmuşdur. Bu konservatoriyada o ümumilikdə 11 il təhsil almış və 3 diploma yiyələnmişdir — 1946-cı ildə truba sinfi üzrə,1952-ci ildə orkestr(fanfar) sinfi üzrə və 1953-cü ildə isə kompozisiya sinfi üzrə. Morrikonenin 16 yaşı olduqda, o, əvvəl atasının ifa etdiyi, Alberto Flamininin ansamblında ikinci turba yerini aldı. Ennio ansambl ilə birlikdə pul qazanmaq üçün Romanın gecə klublarında və otellərində ifa edirdi. Bir il sonra Morrikone teatra düzəlir. Burada o, bir il musiqiçi kimi, daha sonra üç il bəstəkar kimi fəaliyyət göstərir. 1950-ci ildə o, radio üçün tanınmış bəstəkarların mahnılarını aranjıman etməyə başladı. Radio və konsertlər üçün musiqi düzəlişləri ilə Morrikone 1960-cı ilə qədər məşğul olur, lakin 1960-cı ildə teleşoular üçün musiqi aranjıman etməyə başlayır.

Filmlərə musiqi yazmağa Morrikone 1961-ci ildən, yəni 33 yaşı olanda başlayır. Daha çox tanınması keçmiş sinif yoldaşı, rejissor Sercio Leonun filmləri üzərində işlərindən sonra başladı.Rejissor və bəstəkarın Leon — Morrikone iş birliyini çox vaxt Eyzenşteyn-Prokofyev, Xiçkok-Xerrmann, Miyadzaki-Dzyo Xisaisi və Fellini-Rota kimi tanınmış duetlərlə müqayisə edirlər. Sonralar Morrikone musiqisini Bernardo Bertoluççi, Pyer Paolo Pazolini, Dario Ardcento və bir çoxları öz filmleri üçün sifariş etməyi arzuladılar. 1964-cü ildən Morrikone "RSA" səsyazma kompaniyasında işlədi. Burada o Canni Morandi, Mario Lanza, Miranda Martino kimi məşhur musiqiçilər üçün yüzlərlə mahnı aranjıman etdi.

Avropada məşhurlaşan Morrikone hollivud kinematoqrafiyasına işə dəvət olundu. ABŞ-də Morrikone tanınmış rejissorlar Con Burmen, Volfqanq Petersen, Barri Levinson, Terrens Malik, Roman Polanski, Oliver Stoun, Brayan De Palma, Mayk Nikols, Con Karpenter və başqalarının filmlərinə musiqi yazdı.

Ennio Morrikone və onun dostu və sevimli trubaçı əməkdaşı Mauro Maur - Forum Studios

Ailəsi[redaktə | mənbəni redaktə et]

Ennio Morrikone ailəlidir dörd övladı var:

  • Andrea — dirijor, bəstəkar;
  • Marko — müəllif hüquqları cəmiyyətində işləyir;
  • Alessandro — cərrah;
  • Covanni — Universal kompaniyasında işləyir.

Filmoqrafiya[redaktə | mənbəni redaktə et]

  1. Dekameron (film, 1971) / Il Decamerone
  2. Yeni kinoteatr "Paradiso" (film, 1988) / Nuovo Cinema Paradiso
  3. 1900-ün əfsanəsi (film, 1998) / La leggenda del pianista sull’oceano
  4. Malena (film, 2000) / Malèna
  5. Şərəfsiz əclaflar (film, 2009) / Inglourious Basterds

Mənbə[redaktə | mənbəni redaktə et]

  • Федоров А. В. Волшебные мелодии Эннио Морриконе // Видео магазин. — 1996. — № 13. — С. 11, 26.
  • Шаблинская О. Композитор Эннио Морриконе: "Я дважды отказал Тарантино"

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]