Entrapment sindromu
| Entrapment sindromu | |
|---|---|
| XBT-10 | I77.1 |
| MeSH | D000083082 |
Entrapment sindromu və ya dizaltı arteriyasının kompression sindromu (ing. popliteal artery entrapment syndrome (PAES)), baldırın qan təchizatının dizaltı arteriyanın (lat. arteria poplitea) ətraf toxuma, xüsusilə əzələ toxumaları ilə bitişməsi nəticəsində sıxılması və ya kompressiyası nəticəsində pozulması. Bu cür davamlı sıxılma və ya kompressiyonlar müvafiq arteriyanın divarının zədələnməsinə, tromblaşmasına, mənfəz daralmasına gətirib çıxara bilir. Əsas simptomları işemiya əlamətlərindən: müvafiq nahiyyədə ağrı, avazıma ibarətdir.
Entrapment sindromun adətən cavanlarda rast gəlinir və hər iki tərəfdə müşahidə olunur. Sakit vəziyyətdə əlamətsiz olduğundan müəyyən etmək o qədər də asan olmur. Sakit vəziyyətdə (lat. a. pedicus dorsalis) üzərində belə normal nəbzi əlləmək mümkündür. Sadə müayinə üsulu dopler/dopleks ultrasəs müayinəsi zamanı (gərginlik altında: topuq oynağı nahiyyəsindən bükülmə və açılma hərəkətləri icra etməklə) dizaltında nəbzin itməsinin müəyyən edilməsidir. Dəqiq diqanostikası üçün maqnit rezonans tomoqrafiya (gərginlik altında: topuq oynağı nahiyyəsindən bükülmə və açılma hərəkətləri icra etməklə) müayinəsi labüddür.
Xəstəliyin müalicəsi cərrahi yolla olub, dizaltı arteriyanın ətraf əzələlərlə bitişmələrdən azad edilməsindən (preparasiyasından) və yaxud dizin arxa səthindəki ikibaşlı baldır əzələsinin (lat. m. gastrocnemius) kompressiyaya səbəb olan strukturlarının kəsilib götürülməsindən ibarətdir.