Erməni ilansoğanı

Erməni ilansoğanı
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Birləpəlilər Dəstə: Qulançarçiçəklilər Fəsilə: Qulançarkimilər Yarımfəsilə: Zümrüdçiçəyikimilər Cins: İlansoğanı Növ: Erməni ilansoğanı
Beynəlxalq elmi adı
Muscari armeniacum H.J.Veitch, 1872
Şəkil axtarışı ITIS   503891 NCBI   156613 EOL   1003992

Erməni ilansoğanı (lat. Muscari armeniacum) — bitkilər aləminin qulançarçiçəklilər dəstəsinin qulançarkimilər fəsiləsinin i̇lansoğanı cinsinə aid bitki növü. IUCN Qırmızı Siyahısına görə növün kateqoriyası və statusu "Təhlükəli həddə yaxın olanlar" kateqoriyasına aiddir – NT. Azərbaycanın nadir, prioritet endemik növüdür. Regional İUCN Statusu-NT.

Botaniki xarakteristikası

Çoxillik ot bitkisidir. Soğanaqları xırda, 1 sm diametrində, tutqun pulcuqlu, yumurtavaridir. Gövdə tək, 10 sm hündürlükdə, yarpaqlar 2-3, bəzən 4, xətvari, 3-5 mm enindədir. Salxım qısa, orta uzunluqda (1,5) sm, yumurtavari, çox və az dərəcədə sıxdır. Meyvəverən çiçəklərin saplağı qısa, 2 dəfə çiçəkyanlığından qısadır. Çiçəkyanlığı 3-4 mm uzunluğunda, parlaq-mavi və ya tünd-göy rənglidir. Erkəkcik aydın olmayan ikisıralıdır, qısa, uzunsov-oval tozcuqludur. Yumurtalıq dairəvi, sütuncuğa bərabər və ya çox az uzundur. Çiçəkləmə və meyvə əmələgətirmə dövrümay ayına əsadüf edir. Mezokriptofit, duzadavamlıdır. Soğanaqla çoxalır.

Yayılması

Lənkəranın dağlıq hissəsi (Lerik rayonu, Orand kəndi yaxınlığında, dəniz səviyyəsindən 1700 m hündürlükdədir).

Sayı və tendensiyası

Populyasiyanın yegane lokaliteti olan Hirkan Milli Prakında qorunmasına baxmayaraq ətraf mühitin dəyişilməsindən asılıllığı azalma tendensiyasına səbəb olur.

Məhdudlaşdırıcı amillər

Hal-hazırda populyasiyanın qorunmasına və sabitliyinə baxmayaraq əhali tərəfindən yığılması təhlükə yarada bilər.

Mühafizə tədbirləri

Mühafizəsi üçün xüsusi tədbirlər görülmür. Yayılma yerlərində antropogen təsiri azaltmaq məqsədi ilə heç bir tədbir görülmür. Yasaqlıqların təşkili, bərpasının təmin edilməsi, yeni yayılma yerlərinin axtarılması təklif olunur.

Sinonimləri

Heterotipik sinonimləri

• Bellevalia aperta (Freyn & Conrath) Grossh.
• Botryanthus micranthus Baker
• Botryanthus szovitsianus Baker
• Muscari alexandrae A.P.Khokhr.
• Muscari apertum Freyn & Conrath
• Muscari argaei T.Moore & Mast.
• Muscari argaei f. album Tubergen
• Muscari colchicum Grossh.
• Muscari concinnum Baker
• Muscari conicum Baker
• Muscari cyaneoviolaceum Turrill
• Muscari elegantulum Schchian
• Muscari maweanum Baker
• Muscari micranthum Baker
• Muscari pauperulum Stapf
• Muscari pendulum Trautv.
• Muscari polyanthum Boiss.
• Muscari pyramidatum Velen.
• Muscari schliemannii Freyn & Asch.
• Muscari sosnowskyi Schchian
• Muscari szovitsianum Baker
• Muscari woronowii Tron & Losinsk.
• Pseudomuscari apertum (Freyn & Conrath) Garbari