Eskulap (qrup)

Vikipediya, azad ensiklopediya
Jump to navigation Jump to search
Eskulap
Üslub rok
Fəaliyyət illəri 19661972
Ölkə Azərbaycan Sovet Sosialist Respublikası Azərbaycan SSR
Heyət Eldar Bağırov (vokal)
Murad Vəzirov (vokal)
Vais Səmədov (vokal)
Əli Babayev (pianino)
Cəbrayıl Məstanov (solo gitara)
Abbas Vəlibəyov (bass gitara)
Emin Seyidəliyev (zərb aləti)
Mehdi Əliyev (saksofon)
Fuad Vəlibəyov (orqan)

EskulapAzərbaycan rok qrupu.

Tarixi[redaktə | əsas redaktə]

Rafiq Babayev "Eskulap” qrupunu 1966-cı ildə Azərbaycan Tibb Universitetini tələbələrindən təşkil edib.[1] Qrup fəaliyyəti dövründə eyni tərkiblə çıxış edib: Eldar Bağırov (vokal), Murad Vəzirov (vokal), Vaiz Səmədov (vokal), Əli Babayev (piano), Cəbrayıl Məstanov (solo gitara), Abbas Vəlibəyov (bass gitara), Emin Seyidəliyev (zərb aləti), Mehdi Əliyev (saksofon), Fuad Vəlibəyov (orqan).[1] "Eskulap" müasir mahnı yaradıcılığından məharətlə istifadə etdiyi üçün öz ətrafına xeyli pərəstişkar toplaya bilir.[1] Qrupun repertuarında həm xalq mahnıları, həm də xarici mahnılar var idi.[1]

1966-cı ildə Azərbaycan Dövlət Rus Dram Teatrında keçirilən festivalda Vaiz Səmədov vokalçılar arasında birinci yerə layiq görülür.[1] 1970-ci ildə Azərbaycan Dövlət Universitetinin 51 illiyi münasibətilə təşkil olunan rok festivalında "Eskulap" 2-ci yeri "Eksperiment OK" qrupu ilə bölüşür.[1] 1971-ci ildə "Qızıl Payız” festivalının laureatı olan qrup üzvləri diplom və medalla təltif edilir.[1] Keçirilən bir çox festivallarda iştirak edən "Eskulap” 1972-ci ildən fəaliyyətini dayandırır.[1]

İstinadlar[redaktə | əsas redaktə]

  1. 1 2 3 4 5 6 7 8 "Azərbaycanda rokun yaranması". bakuinfo.az. APA. İstifadə tarixi: 13 January 2016.