Evdə tək (film, 1990)

Vikipediya, azad ensiklopediya
Jump to navigation Jump to search
Evdə tək
ing. Home Alone
Evdə tək (film, 1990).jpg
Janr Komediya
Rejissor Kris Kolumbus
Prodüser Con Hyuz
Ssenari müəllifi Con Hyuz
Baş rollarda Makaley Kalkin
Co Peşi
Deniel Ştern
Operator Culio Makat
Bəstəkar Con Vilyams
İstehsalçı Hughes Entertainment
İlk baxış tarixi 16 noyabr 1990
Rəng rəngli
Müddət 102 dəqiqə
Büdcə $18 milyon
Gəlir $476.7 milyon
Ölkə ABŞ ABŞ
Dil ingilis dili
İl 1990
Sonrakı film Evdə tək 2: Nyu-York sərgüzəştləri (film, 1992)
IMDb ID 0099785
Vikianbarın loqosu Vikianbarda əlaqəli mediafayllar

"Evdə tək" — 1990-cı ildə çəkilmiş ABŞ istehsalı Milad filmi. Prodüseri Con Hyuz və rejissoru Kris Kolumbus olan filmin baş rollarında Makaley Kalkin, Co Peşi, Deniel Ştern, Con HerdKetrin O'Hara çıxış edir. Filmdə hadisələr ailəsi tərəfindən unudulub tək qalan və evini Harri və Marv (Peşi və Ştern) adlı 2 soyğunçudan müdafiə etməli olan 8 yaşlı Kevinin (Kalkin) ətrafında cərəyan edir. Film 1990-cı ilin fevral-may aylarında İllinoys ştatının müxtəlif yerlərində çəkilmişdir. İlk öncə filmi Warner Bros. şirkəti istehsal etməli olsa da, prodüser Hyuz şirkət tərəfindən ayrılan 10 milyon dollarlıq limiti keçdiyinə görə filmin istehsalını 20th Century Fox həyata keçirir.

Film 10 noyabr 1990-cı ildə Çikaqoda, 16 noyabr 1990-cı ildə bütün Amerikada nümayişə çıxmışdır. 476.7 milyon ümumi gəlir ilə film 2011-ci ilədək ən çox gəlir gətirən komediya filmi statusunu daşımışdır. Bundan əlavə müxtəlif nominasiyalarda 2 Qızıl Qlobus və 2 Oskar mükafatı əldə edən film daha sonra Evdə tək 2: Nyu-York sərgüzəştləri filmi ilə davam edən uzunmüddətli və uğurlu franşizanın əsasını qoymuşdur.

Məzmun[redaktə | mənbəni redaktə et]

Piter və Keytin evində toplaşan MakKallister ailəsi Milad bayramınıFransa paytaxtı Parisdə keçirməyə hazırlaşır. Bu iki valideynin ən kiçik uşağı Kevin böyük qardaş və bacıları — Baz, Ceff, Meqan və Linni tərəfindən ələ salınır və şam yeməyi zamanı Bazla dalaşdığı üçün çardaqda yatmağa göndərilir, yatandan əvvəl isə Keytə ailəsinin olmamasını arzu etdiyini bildirir. Gecə vaxtı məhəllədə işıqlar sönür və zəngli saatların hamısı sıfırlanır. Gec ayılan MakKallister ailəsi tələsik halda hava limanına yola düşür.

Qarışıqlıq nəticəsində Kevin geridə unudulur və yuxudan ayılanda evi boş görür, bununla da yatdıqdan əvvəl dilədiyi arzunun reallaşdığını zənn edir. Əvvəl "azadlığının" dadını çıxaran Kevin daha sonra şayiələrə görə seriyalı qatil olduğu deyilən qonşu Marleyi görür və bu onu qorxudur.

Bu ərəfədə isə Harri və Marv adında və ləqəbi "yaş quldurlar" olan iki quldur qonşuluqdakı evləri soymaq üçün nəzərdən keçirir. İkilinin özünəməxsus imzası var, belə ki, Marv evdən çıxandan əvvəl su kranlarını açıq qoyur, beləcə evi su basır.

Keyt oğlunu evdə qoyduğunu təyyarədə öyrənir və Parisdə eniş etdiyi an yenidən Çikaqoya qayıtmağa çalışır. Amma Çikaqoya ən yaxın uçuş 2 gün sonra olduğu üçün bunu edə bilmir. Sonda Amerikaya digər bir uçuş tapan Keyt burda polka qrupu başçısı Qus Polinski ilə tanlş olur. Milokiyə gedən Qus Keytə onu da evə aparmağı təklif edir və Keyt bunu qəbul edir.

Milad ərəfəsində Kevin qonşuluqdakı Santa Klaus obrazının yanına gedir və ondan ailəsinin evə qayıtmasını xahiş edir. Daha sonra Harri və Marvın onun evini soymağa hazırlaşdığını öyrənir və həmin gecə kilsədə qonşu Marley ilə qarşılaşır. Marley ona haqqında olan şayiələrin doğru olmadığını və kilsəyə xorda oxuyan nəvəsini görməyə gəldiyini bildirir, belə ki, oğlu ilə arası yaxşı olmayan Marley nəvəsini yalnız kilsədə görür. Kevin Marleyə oğlu ilə əlaqə qurmağı təklif edir.

Evə qayıdan Kevin oğruların qarşısına çıxmağı qərara alır və evi tələlərlə doldurur. İki oğru cürbəcür zədələr aldıqdan sonra Kevin polisi çağırır evdən qaçır. Oğruları qonşu evə cəlb etməyə çalışan Kevin burda ikilinin əlinə keçir. Harri və Marv Kevindən necə qisas alacaqları ilə bağlı plan qurarkən qonşu Marley onları qar kürəyi ilə yerə sərir. Polis hadisə yerinə çatır və oğrulara bildirir ki, onların "imza"sı polislərə ikilinin soyduğu evlərin siyahısını tərtib etməkdə yardımçı olub.

Milad günü yuxudan ayılan Kevin arzusunun gerçək olmadığını görür. Amma növbəti an Keyt maşından düşür və evə gəlib Kevinə qovuşur. Gözlənilmədən ailənin digər üzvləri də evə həmin anda çatır, belə ki, onlar Çikaqoya daha tez uçuş tapmışdılar. Filmin sonunda Kevin pəncərədən baxır və qoca Marleyin oğlu ilə barışdığını görür.

Rollarda[redaktə | mənbəni redaktə et]

Aktyor Rol Mövqeyi
Makaley Kalkin Kevin MakKallister Piter və Keytin oğlu
Co Peşi Harri Lima Evi soymağa çalışan oğru
Deniel Ştern Marv Merkants Evi soymağa çalışan oğru
Con Herd Piter MakKallister Kevinin atası
Roberts Blessem Marley Kevinin qonşusu
Ketrin O'Hara Keyt MakKallister Kevinin anası
Ancela Qothals Linni MakKallister Kevinin bacısı
Devin Retrey Baz MakKallister Kevinin qardaşı
Qerri Bamman Frank MakKallister Kevinin dayısı
Hillari Volf Meqan MakKallister Kevinin bacısı

İstinadlar[redaktə | mənbəni redaktə et]