Eynulla Cəbrayılov

Vikipediya, azad ensiklopediya
Jump to navigation Jump to search
Eynulla Cəbrayılov
Eynulla Eynulla oğlu Cəbrayılov
Eynulla Cəbrayılov.jpg
Eynulla Eynulla oğlu Cəbrayılov
Sənətçi məlumatları
Doğum tarixi 8 aprel 1935(1935-04-08)
Doğum yeri Kürdəmir, Azərbaycan SSR, SSRİ
Vəfat tarixi 14 sentyabr 1992(1992-09-14) (57 yaşında)
Vəfat yeri Kürdəmir, Azərbaycan
Vətəndaşlığı
Peşəsi Xanəndə

Musiqi aləti vokal

Eynulla Eynulla oğlu Cəbrayılov (8 aprel 1935 - 14 sentyabr 1992) — xanəndə.

Həyatı[redaktə | əsas redaktə]

E.Cəbrayılov 1952-ci ildən ömrünün sonuna kimi Kürdəmir rayonu Mədəniyyət İdarəsində çalışmış, eyni zamanda, respublikanın musiqi həyatında yaxından iştirak etmişdir. 1956 və 1957-ci illərdə Azərbaycan gənclərinin birinci və ikinci festivallarının laureatı olmuşdur.

Yaradıcılığı[redaktə | əsas redaktə]

Şirvan musiqi mühitində yetişən Eynulla Cəbrayılov bu bölgənin ustad sənətkarlarının ənənələrindən bəhrələnir, muğam və aşıq sənətinin sirlərinə yiyələnir. O, ifaçılığında bu iki sənətin xüsusiyyətlərini qovuşdurmağa nail olur.

Gənc yaşlarından peşəkar xanəndə kimi respublikada tanınan E.Cəbrayılovun Aşıq Şakir və nəfəs alətləri ifaçısı Həsrət Hüseynovla birgə çıxışları xüsusilə əlamətdar olmuşdur. E.Cəbrayılov aşıq havalarını (“Nazlana-nazlana”, “Bala nərgiz”, “Kimə yalvarım” və s.) böyük şövqlə oxuyan xanəndə kimi məşhurlaşmışdır. Bu havalar bu gün xanəndələrin repertuarında kök salmışdır.

E.Cəbrayılov geniş diapazonlu, rəngarəng tembrli güclü səsə malik xanəndə olmuşdur. Onun ifasında “Rast”, “Segah-Zabul”, “Mirzə Hüseyn Segahı”, “Çahargah” və başqa muğamlar AzRT Fondunda saxlanılır.

İstinadlar[redaktə | əsas redaktə]