Eyvaz Hüseynov

Eyvaz Hüseynov
Eyvaz Hüseynov
Xocavənd Rayon İcra Hakimiyyətinin başçısı
	Vəzifədədir
	2 iyul 1992-ci ildən
Əvvəlki	Vəzifə təsis edildi.
Şəxsi məlumatlar
Doğum tarixi	15 fevral 1959 (67 yaş)
Doğum yeri	Muğanlı, Martuni rayonu, Azərbaycan SSR, SSRİ;
Partiya	Yeni Azərbaycan Partiyası;
Təhsili	Azərbaycan Texniki Universiteti,; Azərbaycan Respublikasının Prezidenti yanında Dövlət İdarəçilik Akademiyası;
Fəaliyyəti	dövlət xadimi
Hərbi xidmət
Döyüşlər	Birinci Qarabağ müharibəsi ; Aprel döyüşləri ; İkinci Qarabağ müharibəsi
Təltifləri

Eyvaz Mövsüm oğlu Hüseynov (15 fevral 1959, Muğanlı, Martuni rayonu) — Azərbayacan Respublikası Xocavənd Rayon İcra Hakimiyyətinin başçısı, Birinci Qarabağ müharibəsi veteranı,^[1] Aprel döyüşləri iştirakçısı, İkinci Qarabağ müharibəsi iştirakçısı.

Həyatı və təhsili

Eyvaz Hüseynov 15 fevral 1959-cu ildə Azərbaycan Respublikası Xocavənd (keçmiş Martuni) rayonunun Muğanlı kəndində anadan olmuşdur. 1976-cı ildə Xocavənd rayon Kuropatkin kənd tam orta məktəbini bitirmişdir. 1976-cı ildə Çingiz İldırım adına Azərbaycan Politexnik İnstitutuna daxil olmuş, 1981-ci ildə həmin institutun "Elektron hesablayıcı maşınları" fakültəsini bitirərək, mühəndis –sistemotexnik ixtisasına yiyələnmişdir^[1].

Ailəsi

Ailəlidir, 3 övladı var.

Fəaliyyəti

Əmək fəaliyyəti

1981-ci ildə Bakı radio zavodunda mühəndis, 1988-ci ildə Xocavənd rayonu Muğanlı kənd "Səməd Vurğun" adına kolxozda Baş mühasib, 1990-cı ildə Muğanlı kənd Xalq Deputatları Soveti İcraiyyə Komitəsinin sədri vəzifələrində işləmişdir. 2 iyul 1992-ci il tarixdə Xocavənd Rayon İcra Hakimiyyətinin başçısı vəzifəsinə təyin edilmişdir. Birinci Qarabağ müharibəsi veteranıdır. 1988-ci ildə Xocavənd özünümüdafiə dəstəsini yaratmış, həmin dəstənin komandiri olmuşdur. Torpaqların müdafiəsi uğrunda erməni separatçılarına qarşı aparılan döyüşlərdə dəfələrlə yaralanmışdır. Xocavənd istiqanətində aparılan bir çox döyüş əməliyyatlarına rəhbərlik etmişdir. 2016-cı il Aprel döyüşlərində və İkinci Qarabağ müharibəsində iştirak etmişdir. Azərbaycan Respublikasının nüfuzlu kütləvi informasiya vasitələrində, ictimai siyasi mövzuda araşdırma xarakterli məqalələri dərc olunmuşdur^[2].

Təltifləri

Azərbaycan Respublikası Prezidentinin 14 fevral 2019-cu il tarixli Sərəncamı ilə Azərbaycan Respublikasının ictimai-siyasi həyatında fəal iştirakına görə 2-ci dərəcəli "Vətənə xidmətə görə" ordeni ilə təltif edilmişdir^[3].
"Azərbaycan Xalq Cümhuriyyətinin 100 illiyi (1918–2018)" Azərbaycan Respublikasının yubiley medalı ilə təltif olunmuşdur^[4].

Filmoqrafiya

Ruhum qarabağlıdır (film, 2012)

İstinadlar

1 2 ""Ruhum Qarabağlıdır" filmi təqdim olundu" (az.). qafqazinfo.az. 21 fevral 2022 tarixində arxivləşdirilib. İstifadə tarixi: 12 fevral 2022.
↑ "Qaradağlı faciəsi "Soyqırım. Qaradağlı" filminin təqdim olunması ilə yad edilmişdir". idp.gov.az. 16 noyabr 2020 tarixində arxivləşdirilib. İstifadə tarixi: 12 fevral 2022.
↑ "E.M.Hüseynovun 2-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı" (az.). president.az. 21 fevral 2022 tarixində arxivləşdirilib. İstifadə tarixi: 12 fevral 2022.
↑ "Eyvaz Hüseynov "Vətənə xidmətə görə" ordeni ilə təltif edilib" (az.). report.az. 21 fevral 2022 tarixində arxivləşdirilib. İstifadə tarixi: 12 fevral 2022.

Xarici keçidlər

Qarabağ veteranı – icra başçısı

[istinad123-1] 1 2 ""Ruhum Qarabağlıdır" filmi təqdim olundu" (az.). qafqazinfo.az. 21 fevral 2022 tarixində arxivləşdirilib. İstifadə tarixi: 12 fevral 2022.

[2] "Qaradağlı faciəsi "Soyqırım. Qaradağlı" filminin təqdim olunması ilə yad edilmişdir". idp.gov.az. 16 noyabr 2020 tarixində arxivləşdirilib. İstifadə tarixi: 12 fevral 2022.

[3] "E.M.Hüseynovun 2-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı" (az.). president.az. 21 fevral 2022 tarixində arxivləşdirilib. İstifadə tarixi: 12 fevral 2022.

[4] "Eyvaz Hüseynov "Vətənə xidmətə görə" ordeni ilə təltif edilib" (az.). report.az. 21 fevral 2022 tarixində arxivləşdirilib. İstifadə tarixi: 12 fevral 2022.

[1]

[2]

[3]

[4]