Fövqəltəbii (teleserial, 2005)

Vikipediya, azad ensiklopediya
Jump to navigation Jump to search
Fövqəltəbii
Supernatural
Supernatural 2005 logo.svg
Prodüser Erik Kripke McG
Devid Nutter
Robert Sinqer
Kim Manners (2005–09)
Sera Qambel (2010–12)
Ceremi Karver,
Rollarda Censen Ekls
Cared Padaleki
Mişa Kollins
Şüar Kabuslar, ruhlar və iblislər...... Başqa?
Bəstəkar Cay Kruska
Kristofer Lennetrz
İstehsalçı ölkəABŞ ABŞ
İl2005
StudiyaKripke Enterprises
Wonderland Sound and Vision
(1-8 mövsümlər)
Warner Bros. Television
Dilİngiliscə
İlk çıxış tarixi13 sentyabr 2005-indiyədək
JanrFövqəltəbii
dram
fentezi
qorxu
NövüTeleserial
Mövsüm sayı15
Seriya sayı309
Seriya vaxtı40-43 dəqiqə
Davametmə müddəti2005-indiyədək
TelekanalThe WB (20052006)
The CW (2006–indiyədək)
ID 0460681
FormatDolby Digital 5.1
Xarici keçidlər
Rəsmi sayt

Fövqəltəbii (ing. Supernatural) — ABŞ istehsalı olan qorxu,döyüş, fantaziyadram janrlı serialdır. Əvvəlcə Amerikanın The WB, daha sonra da The CW kanalında yayımlandı. Əsas rolları Censen Ekls (Din Vinçester) və Cared Padaleki (Sem Vinçester) ifa edirlər. Serial Warner Bros Television Network tərəfindən 13 sentyabr 2005-ci ildə Kanada/Vankuverdə çəkilməyə başlayıb.[1][2][3] Serialın 2-ci fəsli 28 sentyabr 2006-cı ildə 3-sü isə 4 yanvar 2007-ci ildə yayımlanmağa başlayıb.[4][4] Lakin "Amerika tətilinin yazıçılar gidiyası"nın uğuru buna mane olub.[5] Bu bitdikdən sonra 4-cü mövsüm 18 sentyabr 2008-ci ildə başladı.[6][7] Əsas qəhrəmanlar Cared Padaleki bu ara vaxtı "Qlamur qızlar" serialında Din Forester rolunu oynadı.[8] Və bu serialın 63 seriyasında iştirak etdi.[9] Censen Ekls isə "Smallville" serialının 22 seriyasına çəkildi.[10]

Məzmun[redaktə | əsas redaktə]

Analarının fövqəltəbii vəziyyətdə ölümündən sonra uşaqlar ataları ilə başqa yerə köçürlər. Ataları Con onları ovçu olaraq böyüdür və o cür qüvvələrə qarşı mübarizə aparır.

İllər keçir. Kiçik oğlu Sem artıq onlarla yaşamaqdan boyun qaçırır və evdən qaçaraq yeni həyata kollecə başlayır və Cessika adında qızla tanış olaraq sevgili olur.

Lakin bir neçə il sonra böyük qardaşı Din Semi tapır və atalarının yoxa çıxdığını deyir. Atasını tapmaq üçün Sem Din ilə gedir və axtarışlara başlayırlar. Atalarını tapmasalarda başqa bir şey aşkar olur. Körpü kənarında insanları öldürən ruh. Onun keçmişini araşdıran qardaşlar məsələnin üstünü açırlar və insanların ölümünə səbəb olan ruhu yox etməyə müvəffəq olurlar.

İşləri qurtardıqdan sonra Sem geri qayıdır. Cessika ilə yaşadığı evə gəlir və yatağa uzanır. Bu vaxt üzünə qan damlamağa başlayır. Gözünü açanda isə dəhşətli bir şey görür... Eyniylə anası kimi Cessika da tavana yapışıb və qarnından qan damlayır. Din nəyinsə düz getmədiyini düşünür və geri qayıdır. Bu vaxt qardaşının sevgilisini o vəziyyətdə görən kimi dərhal qardaşını evdən çıxartmağa çalışır. Bu vaxt isə tavan yanmağa başlayır. Və ev partlamadan öncə onlar evdən çıxa bilirlər.

Sevgilisinin ölümü Semə çox pis təsir edir və o qardaşıyla birgə yaşamağa və bu fövqəltəbii qüvvələrə qarşı mübarizə aparmaqla yanaşı atasını da tapmağa qərar verir.

İndi qardaşları olduqca çətin, qorxulu və təhlükəli günlər gözləyir.

Mövsümlər[redaktə | əsas redaktə]

Serial 2005-ci ildən yayımlanmağa başlayıb. Ümumilikdə hər mövsüm 22-23 (3-cü mövsüm 16 seria) seriadan ibarətdir.[11]

Birinci mövsüm[redaktə | əsas redaktə]

1-ci mövsümün açılış görüntüsü

Din Semin evinə gələrək atalarının yoxa çıxdığını deyir və onun tapılması üçün Semdən ona kömək etməsini istəyir. Sem istəksiz də olsa qardaşı ilə gedir. Bu vaxt isə sevgilisi Cessika anaları kimi tavanda fövqəltəbii vəziyyətdə yanaraq ölür. Bu hadisədən sonra Sem artıq qardaşı ilə birgə həmin mənfi qüvvələrə qarşı mübarizə aparmağa başlayır. Ölkəni gəzərək bu cür halları araşdıran və onlarla mübarizə aparan qardaşlar bir çox hallarda özləri də hədəf olurlar. Lakin bütün təhlükələrə baxmayaraq mübarizəni davam etdirirlər. Atalarını tapmağa müvəffəq olan qardaşlar analarını və Cessikanı, eləcə də bu kimi halların əsas səbəbkarının sarı gözlü iblis (Azazel) olduğunu öyrənirlər. Hər şeyi öldürə bilən Kolt adlı silahla birgə onun izinə düşən Vinçesterlar mövsümün sonunda ataları ilə birgə iblis tərəfindən avtomobil qəzasına düşürülərək ağır yaralanırlar.[12]

İkinci mövsüm[redaktə | əsas redaktə]

Bu mövsüm qəzadan sonra Vinçestrrlərin xəstəxanada gözlərini açması ilə başlayır. Amma, Din tamamilə fərqlidir. Ruhu bədənindən ayrılaraq arada qalıb, bədəni isə koma vəziyyətindədir. Atası onu xilas etmək üçün iblislə sövdələşir. Kolt və öz həyatını oğlu üçün fəda edir. Lakin ölməzdən əvvəl Dinə Sem ilə bağlı bəzi xəbərdarlıqlar edir. Semi xilas etməsini, edə biməsə öldürməsini tapşırır. Məhz bundan sonra 2-ci mövsüm iblisin Sem ilə bağlı planları ilə keçir. Anasının öldüyü gecə Sem iblisin qanı ilə zəhərlənib. Buna görə də bir sıra xüsusi qüvvələrə sahibdir. Bu hadisə Sem 6 aylıq olduğu vaxt baş verib. İblisin Sem kimi uşaqların aşkar edilməsi və onları öz tərəfinə çəkmək kimi planları var. Bu uşaqlar vaxtı gələndə bir-birləri ilə döyüşür və ən güclüsü, hansı ki sağ qalacaq, iblisin planladığı ordunun başına keçəcək. Cek adlı başqa, Sem kimi olan uşaq Semi arxadan bıçaqlayır və Sem Dinin qollarında ölür. Semin ölümündən sonra Din iblislə razılığa gəlir. Qardaşının həyatı müqavilində öz həyatı. Sem geri qayıdır, lakin Dinin 1 illik ömrü qalmışdı. Mövsümün finalında Din iblisi öldürməyə nail olur. Lakin "Şeytan Qapısı ( cəhənnəmə açılan keçid)" açıldığından yüzlərlə iblis dünyaya keçir.

Üçüncü mövsüm[redaktə | əsas redaktə]

Bu mövsüm Dinin iblislə olan razılığını pozmağa çalışmağı ilə keçir. Sem əvvəlcə necə qayıtdığını bilmir. Daha sonra məsələni Dindən öyrənir. Dinin isə yalnız 1 ili qalıb. Vəziyyəti dəyişmək üçün iki qardaş çıxış yolu axtarmağa başlayırlar. Bu zaman Sem Rubi adlı bir iblislə tanış olur və həmin iblis ona Din ilə bağlı kömək edə biləcəyini deyir. Bütün fürsətləri yoxlamağa məcbur olan Sem onun təklifini qəbul edir. Rubi onun üçün insanlığını tam olaraq itirməmiş bir ruh kimidir. Bu da Semin ona inamını daha da artırır. Nəhayət Sem və Rubi Dinin sövdələşdiyi Lilit adlı iblisi tapırlar. Lakin bu sövdələşmənin vaxtı artıq dolub. Artıq Rubinin Din üçün heç nə edə bilməyəcəyi məlum olur. Dinin artıq axırı çatıb. Lilit Semi öldürməyə çalışır, lakin gücünün ona heç bir təsir etmədiyini görəndə qorxaraq qaçır. Vaxtı dolan Din isə cəhənnəm itləri tərəfindən parçalanaraq cəhənnəmə göndərilməsilə mövsüm başa çatır.

Dördüncü mövsüm[redaktə | əsas redaktə]

4-cü mövsümün açılış görüntüsü

Din Kastiel adlı bir mələk sayəsində cəhənnəmdən qayıdır. Sem öz qüvvələrinə və Rubinin onu iblis qanı ilə zəhərləməsinə görə yolunu itirir. Mələklər Dinə onun 66 möhürü qırmasını və qiyamətə mane olacaq adam olduğunu deyirlər. İlk möhürü Din qırmışdı. Qiyamətə də ilk möhürü qıran adam mane ola bilər. Bu arada məlum olur ki, Lüsifer azadlığa çıxmaq üçün çalışır. Sem Lilitin həbs edildiyi monastra onu öldürərək son möhürü qırmaq üçün gedir. Bu arada, Din mələklər tərəfindən təhlükəsiz yerə aparılır. Sonradan mələklərin möhürlərin qırılmasını istədikləri, Lüsifer azad olduğu halda isə Dinin onu dayandırmasını və beləcə də cənnətin yerə enməsini istədikləri məlum olur. Lilitin ölümünün son möhürü olduğunu öyrənən Din qardaşını saxlamaq üçün Kastielin köməyilə mələklərin həbsindən azad olur. Semi dayandırmaq üçün getsə də Sem Liliti öldürür. Rubinin lap əvvəldən xain olduğu ortaya çıxanda isə Din Semin köməyilə Rubini öldürür. 66-cı möhür Lilitin ölümüylə qırılır və Lüsifer bunun sayəsində azad olur.

Beşinci mövsüm[redaktə | əsas redaktə]

İlk seriada Lüsifer azad olur, Din və Sem Lilitin öldüyü otaqda bağlı qalırlar. Amma necə olursa təyyarədə peyda olurlar və təyyarə yerə çırpılaraq parçalanır. Lakin Vinçesterlərə heç nə olmur. Kastiel baş mələklər tərəfindən öldürülür. Ancaq sonra yenidən geri qayıdır. Bundan sonra Kastiel üsyan edir və mələkləri öldürməyə başlayır. Zaxaria Dinə Mixail adlı mələyin onun bədəninə girəcəyini deyir. Lakin Din buna razı olmur. Sem və Din artıq birlikdə deyillər. Sem bir barda barmenlik etməklə məşğuldur. Din isə Kastiellə birlikdə vaxtını çox yaxşı keçirir. Dinin Kastiel üçün dediyi bütün sözlər "Fövqəltəbii" fanatlarının təəccübünə səbəb olur.

5-ci mövsümün 3-cü seriasında Lüsifer Semi tapır və onun bədəninə malik olmaq istəyir. Sem bu təklifi qəbul etmir. Dərhal qardaşına zəng edərək yenidən birləşməyi təklif edir. Din isə bu təklifə o qədər də əhəmiyyət verməyərək telefonu söndürür. Zaxaria Dini 5 il sonraya göndərir və Din orada Semin Lüsiferin təklifini qəbul etdiyini görür. Gələcəkdən qayıdan kimi, Din Semə zəng edərək birləşmə haqqındakı təklifini qəbul etdiyini bildirir.

5-ci seriada isə qardaşlar məşhur insanların cildinə girən meşə tanrısı ilə döyüşərək onu öldürürlər. Bundan sonra onlar insanların qəribə vəziyyətdə öldüyü bir kəndə gedirlər və bunların səbəbkarının Cessi adında balaca bir oğlan olduğunu öyrənirlər. Bunu araşdırmaq üçün qardaşlar uşağın anasının yanına gedərək oğlanın yarıinsan-yarıiblis olduğunu öyrənirlər. Kastiel uşağı öldürmək üçün onun evinə gedir. Lakin uşaq onu balaca oyuncağa çevirir. Sem və Din uşağı razı salmağa çalışır, lakin uşaq yoxa çıxır. 8-ci seriada isə qardaşlar Qabriel tərəfindən televiziya dünyasına həbs edilir, hansı ki, onları hətta Kastiel də xilas edə bilməz.

9-cu seriada "Fövqəltəbii kitab seriasının" fanatı olan Bekinin hazırladığı fanat görüşünə yazıçı Cukidən(4-cü mövsüm 18-ci seriada peğəmbər olduğu məlum olmuşdu) telefonunu alaraq Din və Semi çağırır. Lüsiferi öldürəcəyi düşünülən koltun Krovli adlı bir şeytanda olduğu aşkarlanır.

10-cu seriada kolt Krovlidən alınır və Lüsiferi öldürmək planlanır, Amma işlər plandakı kimi getmir. Belə ki, cəhənnəm itləri tərəfindən Co yaralanır. Cəhənnəm itləri tutulur, ancaq Din və Semin qaçıb Lüsiferi öldürməsi üçün Co və Ellen özlərini fəda edərək bombanı partladırlar. Lüsiferi tapan Sem onunla danışmağa başlayır və heç vaxt bədəninə girməsinə imkan verməyəcəyini bildirir. Din Lüsiferi jolt ilə başından vursa da o, ölmür. Lüsifer özünün kolt ilə öldürülə bilməyən 5 varlıqdan biri olduğunu deyir (digərləri: Tanrı, Qabriel, Rafael və Mixail).

11-ci seriada Sem və Din ruhi xəstəxanaya gedirlər. Orada bir ovçu ilə tanış olurlar və onunla birgə Rayt adlı məxluqun ovuna çıxırlar. Rayt toxunuşu ilə yoluxduran və güzgü vasitəsilə görünən məxluqdur. Lakin Sem və Din də bu xəstəliyə yoluxur. sonradan Raytın xəstəxanada həkim olduğu məlum olur. O Semi otağa bağlayaraq öldürməyə çalışdığı vaxt Din özünü çatdırır və Raytın əlindəki iynəni qıraraq onu bıçaqlayır və beləliklə də Rayt ölür.

12-ci seriada Sem necəsə 17 yaşlı bir gəncin bədədninə girmiş olur. Sonra, 3 gəncin cadugər olduğu məlum olur. Gənclərdən biri ayin keçirərək şeytan çağırır. Qardaşlar şeytandan xilas olurlar və cadugərləri gənc olduqları üçün bağışlayırlar.

13-cü seriada Anna (mələk) Sem ilə görüşmək istəyir, lakin Kastiel imkan vermir. Çünki, Anna Semi öldürmək istəyir. Belə olan halda Anna 1978-ci ilə gedərək Meri və Conu (Vinçesterlərin valideynləri) öldürməyə çalışır. Sem və Din də Kastielin köməyi ilə onun arxasınca keçmişə gedirlər. Anna Merini öldürmək istədiyi vaxt Mixail Conun cildinə girərək onu öldürür. Sonra Mixail Dinlə söhbət edir. Daha sonra Con və Merinin yaddaşını silərək Sem və Dini gələcəyə geri göndərir.

14-cü seriada bir qəsəbədə qəribə hadisələr baş verir. Sonradan məlum olur ki, bunun arxasında "qara atlı" yəni "aclıq" dayanır. Din Semin şeytan qanı içməsinin qarşısını almaq üçün onu otaqda kilidləyir. "Aclığ"ın göndərdiyi iki iblis gələrək Semə təsir etməyə çalışır, lakin Sem hər ikisini öldürür və qanlarını içir. Sonradan Sem "aclığ"ı öldürərək Din və Kastieli xilas edir və həmçinin qardaşlar onun üzüyünü ələ keçirirlər Qəsəbədəki hadisələr dayanır. Sonra Kastiel və Din Semi Bobbinin təhlükəsiz otağına həbs edirlər ki, yenidən şeytan qanı içə bilməsin.

15-ci seriada 4 atlıdan biri (olüm) gəlir və şəhərdəki ölüləri dirildir. Ölülər bir neçə gündən sonra insanlara zərər verirlər. Sonradan isə Krovlinin köməyi ilə "ölüm"ü tapırlar. Lakin məlum olur ki, ölüm də Lüsiferin təsiri altındadı və o da bundan xilas olmaq istəyir. Ölüm Dinlə bir razılığa gəlir və üzüyünü ona verərək istifadəsini ona öyrədir. Din "ölüm"lə razılaşdığı kimi Semin Lüsiferə hə deməsini qəbul edir. Sem Lüsifeə hə desə də, hər şey planlaşdırdıqları kimi getmir. Sem zənn elədiyi kimi Lüsiferə qalib gələ bilmir, lakin onun tam hakimiyyətini də təmin etmir. Elçidən Lüsifer və Mixailin Laurensdə döyüşəcəyini öyrənirlər. Lüsifer və Maykl döyüşə başlayanda Din "İmpala" ilə gəlir və danışaraq onlara mane olmağa çalışır. Elə bu vaxt Kastiel Mixailin üstünə "müqəddəs yağ" ataraq onu uzaqlara göndərir. Bundan bərk qəzəblənən Lüsifer bir əl hərəkəti ilə Kastieli sonrasa Bobbi öldürür. Növbə Dinə çatdıqda isə Lüsifer Dini öldürməyə çalışdığı vaxt Sem "İmpala"dakı xatirələrini yadına salır və Lüsiferin hakimiyyətini ələ keçirir. "Dörd atlı"nın (müharibə, aclıq, xəstəlik və ölüm) üzüyündən istifadə edərək Lüsiferi yenidən zindana qıfıllamaq istədiyi bir vaxt Mixail gələrək onu saxlamaq istəyir, lakin özü də çuxura düşür və qapı bağlanır. Tanrı Kastielə baş mələk gücünü verir. Kastiel Din və Bobbini sağaltdıqdan sonra Dinə hər şeyin qurtardığını deyir və oradan ayrılır. Din bundan əvvəl artıq Semi xilas etməyə çalışmayacağına söz verdiyinə görə sakit həyat yaşamağa qərar verir. Bu arada elçi bütün hər şeyi romanına yazır. Lakin birdən-birə qəribə şəkildə yoxa çıxır. Din əvvəlki sevgilisinin (Liza) yanına gedir. Yarım ildən sonra Sem cəhənnəmdən qayıdır və pəncərədən onları görür və beləliklə 5-ci mövsüm başa çatır.

Altıncı mövsüm[redaktə | əsas redaktə]

6-cı mövsümün açılış görüntüsü

Bu mövsümün premyerası ABŞ-da 24 sentyabr 2010-cu ildə baş tutub.

İlk seriada Dini xəyali bir varlıq narahat edir. Sem geri qayıdaraq Dini xilas edir. Sem Dinə 1 ildir dünyada olduğunu bildirir. Din isə bu müddət ərzində sevgilisi Liza ilə yaşayırdı. Din Semə bir ildir onunla maraqlanmadığı üçün əsəbiləşir. Sem ona yeni ailəsi ilə ova çıxdığını deyir. Bu ailə isə babası Samuel və ana tərəfdən Kambellərdir. Hər kəs Samueli və Semi cəhənnəmdən xilas edənin kim olduğu ilə maraqlanır. Sem Dinə cinlərin ikisinin də dalınca düşdüyünü deyir. Din dərhal evə gedərək Liza və onun oğlunu Bobbinin yanına aparır. Qardaşlar cinlərin öhdəsindən gəlirlər. Sem Dinə onun yanında qalmalı olduğunu desə də, Din etiraz edir.

2-ci seriada Sem bəzi məsələləri araşdırır. Bəzi uşaqların yoxa çıxdığını öyrənir. Bir evi araşdırarkən ailəsi ölən bir uşaq tapır. Bu uşaq "Alfa"nın uşağıdır. Sem Dinə xəbər verir və onlar uşağı Kampbellərin yanında gizlədirlər. "Alfa" isə ora basqın edərək uşağı götürür və Kampbellərdən birini də öldürür. Din hər şeyə görə Samueli ittiham edir. Sonra Din Lizanın yanına gedir. Liza Dinin davranışlarından onun yenidən əvvəlki işinə qayıtmaq istədiyini başa düşərək onunla danışır. Din silahları və digər şeyləri hazırlayaraq yenidən ova qayıdır.

3-cü seriada Kastiel gələrək Vinçesterlərdən kömək istəyir. Rafael adlı mələk cənnəti idarə etmək istədiyi üçün Musa peyğəmbərin əsanı axtarır. Kastielin köhnə və yaxın dostu Baltazar insanların ruhları müqabilində cənnət əşyalarını verir. Bu əşyalardan biri də həmin əsadır. Baltazar üzündən bir çox insanlar ölür. Kastiel Rafael üçün evə girəndə Rafael onu öldürməyə çalışır, lakin Baltazar cənnətin bir əşyasıla Rafaeli öldürür.

4-cü seriada Krovli adlı şeytan Bobbinin ruhunu ələ keçirir. Bobbi isə çıxış yolu tapa bilir. Din Bobiyə zəng edərək ondan kömək istədiyi vaxt Bobbi özü ondan kömək istəyir. Bobbi dostu Rufusun köməyilə Krovlinin oğlunun bir əşyasını (üzüyünü) tapır və öğlanın ruhunu çağırır. Onun köməyilə Krovlinin sümüklərinin yerini öyrənir. Din və Sem Krovlinin sümüklərini Şotlandiyada bir qəbiristanlıqda tapırlar. Krovli sümüklərin müqabilində Bobbinin ruhunu geri qaytarır.

7-ci seriada Kastiel Semin ruhunun olmadığını və yalnız bədəninin geri qayıtdığını bildirir. Ruhunun isə cəhənnəmdə, Lüsiferin qəfəsində, Lüsifer və Mixaillə bir yerdə qaldığını deyir. Samuel və Kembellər "Alfa"nı tuturlar, Din və Sem onu sorğuya çəkirlər. "Alfa" oradan qaça bilir. Bu vaxt Krovlinin şeytanları "Alfa"nı ələ keçirərək gizlədirlər. Daha sonrasa Sem və Samueli dünyaya Krovlinin gətirdiyini və Samuelin də hər şeyi bildiyini öyrənirlər. Krovli "Alfa"dan Araf adlı məkanın yerini öyrənmək istəyir. Samuel isə artıq Krovlinin iti olub. Bir gün Din, Samuel və Sem söhbət edən vaxt Sem Samueli öldürməyə cəhd etsə də Din buna imkan vermir. Din onun getməsinə icazə verir. Belə olan halda qardaşlar Krovlidən Semin ruhunu almaq istəyirlər. Çünki cəhənnəm hazırda Krovlinin əlindədir. Daha sonrasa Kastiel gəlir və Krovliyə Semin ruhunu gətirib gətirməyəcəyini soruşur. Krovli gətirməyəcəyini dediyi vaxt Kastiel onun sümüklərini yandıraraq onu öldürür. Dörd atlıdan biri olan "ölüm" Din ilə ünsiyyətə keçərək ona mərc təklif edir. Əgər mərci udarsa Semin ruhunu geri gətirəcək. Bunun üçünsə 24 saatlığa "ölüm"ün yerinə keçməli və üzüyü 24 saat ərzində çıxartmamalıdır. Lakin vaxt hələ dolmamış Din (balaca qızı xilas etmək üçün) üzüyü çıxardır. Ölüm gələrək ona uduzduğunu bildirir, lakin yenə də Semin ruhunu geri gətirəcəyini deyir. Bu vaxt ərzində isə Semin ruhu cəhənnəmdə çox əzablar görüb, bədəninə qayıdarsa yaşamış olduğu əzablar onu öldürə bilər. Buna görədə "ölüm" xatırlamalı və xatırlamamalı şeylər arasında bir divar yaradır və ruhunu bədəninə salır. Sem oyananda ruhsuz olan vaxtlarını xatırlamır, heç Din də bu barədə bir söz demir. Əgər xatırlamağa başlasa ölümün qoyduğu divar dağılacaq və Sem cəhənnəmdə çəkdiyi əzablar yadına düşəcək. Sem gördüyü hər şəkildə və hər adamda öz ruhsuz vəziyyətini xatırlayır. Sem artıq cəhənnəmi xatırlamağa başlayır. Bu vaxt Arafdan bir varlıq çıxır. Bu bütün varlıqların anası sayılan Evadır. Sem, Din, Bobbi və Kastiel onu öldürmək üçün yola çıxırlar. Eva isə onların gələcəyini çoxdan bilir. Onlar maşına minən vaxt varlıqlar peyda olaraq onların silahlarını alırlar. Eva onlardan Krovlinin harada olduğunu soruşur. Din və Sem təəccüblənirlər. Çünki Krovli onların gözləri qarşısında ölmüşdü. Eva isə israrla onun ölmədiyini bildirir. Din cavab verməyəndə isə Eva onu monsterə çevirmək üçün dişləyir. Lakin heç nə olmur. Çünki Din simurqun külünü viski ilə içmişdi. Evanı öldürə bilən yeganə şey isə simurqun külüdür. Eva ölür. Hamı normal vəziyyətə qayıdır. Kastiel Dini, Semi və Bobbini evlərinə aparır və sonra yox olur. Daha sonra Krovli Kastielin yanına gəlir, çünki onlar əvvəldən əlbirdirlər. Kastiel Rafaelə necə qalib gələcəyini fikirləşdiyi bir vaxt Krovli onun yanına gələrək Arafdakı ruhları içinə çəkdiyi vaxt Tanrı ola biləcəyini deyir. Onların əlbirliyi isə bundan sonra başlayır. Din, Bobbi və Sem Kastielin Krovli ilə olan əlbirliyini öyrənir və ondan uzaqlaşırlar. Kastielin Arafı açmaması üçün hər şey etməyə hazırdırlar. Kastiel onlarla rastlaşmamaq üçün Semin beynindəki divarı dağıdır və Semin zehni paramparça olur. Beynində cəhənnəmi xatırlayan Sem ilə rastlaşır. Onu öldürür və cəhənnəmlə bağlı hər şey yadına düşür. Baltazar Din və Bobbiyə Kastielin Arafı harada açacağını deyir. Onlar da Kastielin Arafı açmaq üçün edəcəyi ayinə mane olmaq üçün Baltazarın dediyi yerə gedirlər. Kastiel Baltazarın ona xəyanət etdiyini bilərək onu öldürür. Sonra Krovliyə xəyanət edərək onu uzaqlaşdırır. Bir müddət sonra Krovli Rafael ilə birgə gəlir və Kastieldən Arafı açmaq üçün bakirə qanını alır. Rafael və Krovli ayini bitirsələr də heç nə baş vermir. Çünki Kastiel onlara it qanını verərək əsl qanı özündə saxlamışdı. Kastiel geri qayıdanda artıq mələk deyildi. O, yeni Tanrı olmuşdu. Krovli öləcəyini bildiyi üçün qaçır. Kastiel Rafaeli bağışlamır və yox edir. Daha sonra isə Din, Bobbi və Semə "Yeni Tanrınıza baş əyin. Yoxsa hamınızı məhv edərəm" deyir. Beləcə də 6-cı mövsüm başa çatır.

Yeddinci mövsüm[redaktə | əsas redaktə]

7-ci mövsümün açılış görüntüsü

Bu mövsümün premyerası 23 sentyabr 2011-ci ilə keçirilib.

İlk seria Kastielin "Mən yeni Allahınızam. İtaət etməsəniz öləcəksiniz" deməsilə başlayır. İlk itaət edən isə Bobbi olur. Bobbi Sem və Dinə də işarə edərək onların da əyilməsini deyir, lakin Kastiel onları dayandırır. "Əgər qorxduğunuz üçün edirsinizsə heç bir xeyri yoxdur" deyir və gedir. Semin başındakı "cəhənnəm divarı" dağıldığı üçün xülyalar görməyə başlamışdı. Bu arada Din üst hissəsi çökmüş İmpalanı düzəltməyə çalışırdı.

Kastiel Tanrı olaraq ilk işlərini görməyə başlayır. İlk öncə, ona itaət etməyənləri cəzalandırırdı. Bir kilsədə bir nəfərin "kimsə Allahın yerinə də danışmalıdır" dediyinə görə öldürür. Kilsədən çıxdığı vaxt Arafdan çəkdiyi ruhların yükü ağrı hiss etməsinə səbəb olur. Sonra, kilsənin pəncərəsinə baxdı və İsanı gördü. İsanın şəklini özünkü ilə dəyişdirərək getdi. Sonra, Krovlinin yanına gedərək "ruhların hara gedəcəyinə mən qərar verəcəyəm. Sənə nə verəcəyəmsə ona da qane olacaqsan" deyir və gedir. Birdən əlində yaralar yaranmağa başlayır. Güzgüyə baxanda üzündə də yaraların olduğunu görür. Qarnında ağrılar hiss etdiyinə görə paltarlarını çıxardır. Sanki, içindən bir şey çıxmaq istəyirdi. Qarnından "Kastiel!! Xəta!! Bizi burax!!" deyə qışqırıqlar gəlirdi.

Kastiel bunları yaşadığı vaxt, Din İmpalanı düzəltməyə çalışırdı. Sem isə, xülyalar görsə də Dinə "mən yaxşıyam" deyirdi. Dinin ağlına Kastieli dayandırmaq üçün bir idea gəldi və Krovlini çağırdı. O, Krovlidən Məhşərin 4 atlısından biri olan ölümün "bağlama" cadusunu istədi. Ertəsi gün Krovli onlara cadunu verdi. Cadu üçün yeganə şey isə təbii kristal idi. Əgər ildırım düz bucaqla quma düşərsə bu kristal əmələ gəlir. Belə bir kristalı hərracda alan bir adam taparaq onun evinə gedirlər. Cadunu etdilər və ölüm gəldi. Din və ölüm danışdığı vaxt Kastiel gəldi. Ölüm və Kastiel arasında mübahisələr başladı. Ölüm "mən Allahı tanıyıram sən isə o deyilsən. Sadəcə, dəyişiklik keçirtmiş mələksən" dedi. Kastiel "işlərim qurtarandan sonra özümü düzəldəcəyəm" dedi. "Elə düşünürsən, çünki bunun ruhlara görə olduğunu fikirləşirsən. Arafda ruhlardan əlavə başqa şeylər də var idi. Və sən hamısını içinə çəkdin." Din "nə kimi şeylər" dedi. Ölüm "Allah hər şeydən əvvəl Leviafanları yaratdı. Onların dünyanı yox edə biləcəklərini dedi. Ona gərə də onları Arafa sürgün elədi. Allahın Arafı nə üçün yaratdığını düşünürsən?" Kastiel "onlar mənim nəzarətimdədir. Mən daha yaxşı bir Allaham. Onun bağladığı qapıları açıram." dedi. Ölüm "sən sadəcə balaca bir əsgərsən" dedi. Kastiel isə " Bəs sən onda nəsən? Həşarat?" Ölüm "bəlkə də, səni öldürəcək şəxs!" Bu vaxt Din araya girdi və ölümə onu öldürməsini dedi. Ölüm əlini qaldırmaq istədiyi vaxt kastiel cadunu yox etdi. "İçimdə kimlərinsə əzablar çəkəcəyinə dair hiss var" dedi və yox oldu.

"Ölüm" Dinə onu hər şeyin başladığı yerə aparmasını və içindəkiləri Arafa boşaltmasını təmin etməsini, özü isə cadunu yenə edəcəyini dedi. Kastiel özünü itirirdi. Onların yanına gəldi və kömək istədi. Laboratoriyaya getdilər. Lazım olan bakirə qanı koridorun solunda idi. Sem onu götürmək üçün getdi və bu vaxt Lüsiferi gördü. Öz-özünə "yox bu xülyadı" dedi. Lüsifer isə "yaxşı istisnadı. Amma səhvdir" dedi. Sem "bu mümkün deyil" dedi. O isə, "əsl mümkün olmayan şey oradan qaçmaqdır. Bu mənim yaxşı işgəncəmdir. gözündəki pərdəni götürdüm. ona görə də burda olduğunu düşünürsən. Əslində hələ də mənimlə birgə qəfəsdəsən"dedi.

Onlar danışan vaxt Din və Bobbi Arafı açmaq üçün ayini icra edirdilər. Araf açıldı və Kastiel içindəki ruhları ora boşaltdı. Oradan çıxan vaxt Kastiel onları itələyərək qaçmalarını dedi. Din nəyin baş vardiyini soruşdu. Kastiel isə, "Leviafanlar" deyərək qışqırdı. Çox güclü olduqlarını və içindən çıxmadıqlarını dedi.

Din və Bobbi qaçmağa başladıqları vaxt Kastiel "artıq gecdi" dedi. Din "nə olub Kas?" deyə soruşdu. O isə "Kastiel öldü. Artıq gücü biz alırıq. Çox əyləncəli olacaq" dedi və ilk seria qurtardı.

İlk seria IMDb-dən 10 baldan 9 bal alıb. http://www.imdb.com/title/tt1995102/

2-ci seria Dinin Semi axtarması ilə başlayır. Sem artıq reallıqla xülyanı ayıra bilmir. Lüsiferi real, Din və Bobbini isə xülya hesab edir. Leviafanlar isə bir xəstəxanadakı həkimlərin bədənlərinə giriblər. Bobbinin yaxın dostlarından biri o xəstəxanada həkim-leviafan qonşu yataqdakı qadını necə yediyini görərək Bobbiyə zəng vuraraq xəbər verir. Sem isə heç yerdə yoxdur. Bobbi xəstəxanaya onları yoxlamağa gedir. Sem xülyada Dinlə birgə Bobbinin yanına getdiyini görür. Həqiqi Din isə onu axtarır. Sem xülyadakı Din ilə birgə bir anbara girir və Din gedir. Əvəzinə isə Lüsifer gəlir. Artıq Sem özünü idarə edə bilmir və silahı beyninə yaxınlaşdırır. Elə bu vaxt Din gəlir və Sem silahı ona doğru çevirir. Din Semin əlindəki yaranı sıxaraq "yadına düşür bu necə kəsilmişdi? O kəsiləndə və tikiləndə də mən yanındaydım. Budur real digərləri isə xülyadır" deyir. Sem yaraya baxır və yavaş-yavaş Lüsiferin xülyası yox olur. Bobbi Dinə zəng edərək gəlmələrini xahiş edir. Onlar Bobbinin evinə gedirlər. Lakin, evin yandığını görürlər. Birdən leviafanlar peyda olur. Dinin ayağı qırılır. Sem isə başından bir zərbə alır. Din maşını leviafanın üstünə salaraq öldüyünü fikirləşir. Lakin onun qanı yenidən bədəninə qayıdır və sağalır. Təcili yardım qardaşları xəstəxanaya aparmağa tələsir, lakin təcili yardımın getdiyi xəstəxana leviafanlarla doludur. Din təcili yardım işçisinə onları başqa xəstəxanaya aparmalarını xahiş etsə də, ona qulaq asan olmur. Elə buradaca 2-ci seria bitir.

İkinci seria IMDb-dən 8.7 bal alıb. http://www.imdb.com/title/tt1995113/

3-cü seriada Din gözlərini leviafanlarla dolu xəstəxanada açır. Oranın təhlükəli olduğunu bilir. Bu vaxt Bobbi gəlir. Din ona "sən ölmüşdün axı" deyir, o, isə "hələ yox" deyir. Sonra Bobbi Semi tapır. Arxa qapıdan Semi və Dini təcili yardım maşınına aparır və oradan uzaqlaşırlar. Onlar Rufusun istifadə etmış olduğu köhnə evə gedirlər. Sem nə vaxt Lüsiferin səsini eşitsə dərhal əlindəki yaranı sıxır. Belə ki, bu zaman Lüsiferin xəyaləti yoxa çıxır. Sonra Sem qəzet tapır. Bu barədə isə Dinə heç nə demir. Din yatanda isə oxuyur. Qəzetdə oxuduğu xəbər cinayətlə bağlı idi. Bu cinayətləri Kitsune adlı məxluq törədir. Sem 1998-ci ildə bunlardan birini tutmuşdu. Sonradan bu məxluqun Semin keçmiş tanışı Emi olduğu məlum olur. Din Semin olmadığını görərək dərhal onu axtarmağa başlayır. Sem isə Emini tam da cinayət başında tutur. Sem onun əlindəki bıçağı onun öz ürəyinə yaxınlaşdırır və bunları niyə etdiyini soruşur. O isə, yalnız ölülərlə bəsləndiyini deyir. Sem isə, niyə bəs canlıları da öldürdüyünü soruşur. Emi ordan qaça bilir. Sem onun dalınca düşməyi dayandırır və evə gedir. İçəri girən kimi Din Semin üzünə bir yumruq vuraraq "onu öldürməliyidin" deyir. Sem isə edə bilməyəcəyini deyir, səbəbi isə, balaca olduğu vaxt onların evinə gedəndə Eminin anası onu öldürəcəkdi. Emi isə, mane olmaq üçün öz anasını öldürdü. Din onu sakitləşdirmək üçün "yaxşı" deyir. Lakin, ertəsi gün Eminin dalınca gedir və onu öldürür. Eminin oğlu o anı görür. Din uşağa "heç indiyədək kimisə öldürmüsən?" deyə sual verir. Balaca isə "yox" deyir. Din "Lap yaxşı. Yoxsa sənin də dalınca gələrəm." Uşaq isə "öldürəcəyim yeganə adam sən olacaqsan" deyir və seria başa çatır.

Üçüncü seria IMDb-dən 8.4 bal alıb. http://www.imdb.com/title/tt1995118/

Bütün mövsüm ərzində Kastielin ölümü Din üçün böyük əzab olur. Leviafanları öldürməyə çalışsalar da buna nail ola bilmədilər. Mövsümün ortalarında Bobbi leviafanlar tərəfindən öldürülür. Sem isə cəhənnəmlə bağlı xatirələrinə görə havalanmaq dərəcəsinə çatır. 17-ci seriada Din Semi qurtarmağa çalışdığı vaxt dəftərin arasından düşən kağıza yazılmış ünvana gedir. Birdən qarşısında Kastiel peyda olur, lakin yaddaşı yerində deyil. Çox çəkmir ki, Kastiel əvvəki vəziyyətinə qayıdır. Daha sonra Bobbi ruh kimi peyda olur. Tanrının sözlərinin yazılmış olduğu bir kağızla leviafanları məhv edirlər. Lakin, Riçard Roman-leviafanların başçısı öləndə Kastiel və Din onun yaxınlığında olduğu üçün onlar da onunla birgə Purqatoriyə gedirlər. Din xilas olmaq barədə fikirləşdiyi vaxt birdən "Kas" deyə qışqırır, ancaq tək olduğunu görür. Beləcə, bu mövsüm də başa çatır.

Səkkizinci mövsüm[redaktə | əsas redaktə]

Dinin bir ili Arafda, 2-ci sinif mələk Kastiel və vampir Benni ilə keçdikdən sonra onun insan olma ehtimallarını araşdıraraq oradan qaça bilirlər. Din və Sem yenidən birləşirlər. Sem ona bu vaxta qədər onu xilas etməyə çalışmadığını və Amelia adında bir qadına aşiq olduğunu deyir. Daha sonra Kastiel də Arafdan qaçır. Bu qaçışı Naomi adında mələk təşkik edir və o, Vinçesterlərin əməllərini öyrənmək istəyir. Sonrakı serialarda Conun atası Henri keçmişdən gələrək Sem və Din ilə tanış olur. Henrinin qəribə varlıqları araşdıran bir qurupa üzv olduğunu və bunu da oğluna miras qoymağa çalışdığını, lakin iblis tərəfindən mane olunduğu məlum olur. Sem və Din qeyri-adi varlıqlar haqqında bir qutuya sahibdirlər. Bu qutunun içində isə sirli məlumatlara gedən yolun açarı var. Ancaq, bu qutunu Abbadon (cəhənnəm mələyi) istəyir. Lakin, Din onu aldadaraq güllə ilə onu vurur. Başını kəsərək torpağa basdırırlar. Kevin isə cəhənnəmin qapısının bağlanmasının yolunu tapır, lakin bunun üçün 3 testdən keçmək lazımdır.[13]

Birinci test cəhənnəm itinin qanında çimməkdir. Testlərdən keçməyi Din öz öhdəsinə götürür. Lakin, Sem təsadüfən cəhənnəm itini öldürür və qanı da Semin üstünə axır. Bundan sonra digər testlərdən də Sem keçmək məcburiyyətində qalır.[14]

İkinci test günahsız ruhu cəhənnəmdən cənnətə keçirtməkdir. Vinçesterlər Bobbinin ruhunun cəhənnəmdə olduğunu öyrənən kimi Sem əzrailin köməyilə Purqatoridən cəhənnəmə gedir. Lakin, Krovli əzraili öldürür və onlar da geri qayıda bilmirlər. Din bunu öyrənən kimi Bennidən kömək istəyir və onu öldürür. Benni Arafa gedərək Semə yolu göstərir. Bobbinin ruhunu cənnətə göndərirlər. Benni özü isə geri qayıtmaq istəmir və Arafda qalır.

Üçüncü test isə bir iblisi yaxşılaşdırmaq yəni insana çevirməkdir. Vinçesterlər başını kəsdikləri Abaddonu götürürlər. Lakin o, əllərindən qaçır. Sonra isə Krovlini tuturlar. Onu insana çevirməyə az qalmış Naomi "əgər testlər qurtarsa Sem öləcək" deyir və Din Semə mane olur. Bu arada cənnətin qapısını bağlamağa çalışan Kastiel Metatron tərəfindən aldadılıb. Metatronun məqsədi isə qapını bağlamaq yox bütün mələkləri qovmaqdır. Məqsədinə də nail olur. Bu arada Din Semə çatır və onu fikrindən daşındırır. Cəhənnəmin qapısı bağlanmır. Cadunun tamamlanmasından sonra bütün mələklər cənnətdən dünyaya düşür. Və elə bu yerdə 8-ci mövsüm başa çatır.

Doqquzuncu mövsüm[redaktə | əsas redaktə]

Mələklərin yerə düşməsindən əlavə, Semin də testlərə görə yaşadığı narahatlıqlar Dini lap çıxılmaz vəziyyətə salıb. Xilas olmaq üçün Kastielə dua edir, lakin cavab gəlmədiyini görəndə bütün mələklərə dua edir. Mələklər isə hər şeyin günahını Kastieldə görürlər. Onu tapmaq üçünsə Dinin duasından istifadə edirlər. Cəhənnəmin kralı olan Krovlini yoxlamaq üçün maşına gedən Din bir mələyin hücümüna məruz qalır. Bu vaxt ona Ezekiel adlı mələk kömək edir. Daha sonra Din ilə razılaşan Ezekiel Semin bədəninə girir ki, onu sağaltsın. Bu arada Kastiel artıq insandır, daha mələk deyil. Mələklər isə onu axtarırlar. Mələklər də dünyada boş dayanmayıblar. Bir liderləri olan mələklər özlərinə insan bədənləri taparaq Kastielin ölüsünü istəyirlər. Kastieli sonra bir mələk tələyə salır və öldürür. Lakin, Ezekielin müdaxiləsindən sonra o, yenidən həyata qayıdır. Kastiel sığınacağa gətirilir, lakin mələklər heç cür əl çəkməyəndə Ezekiel onun getməsi təklifini ortaya qoyur. Din bunu istəməsə də məcbur razılaşır. Əgər razılaşmasa Ezekiel Semin bədənindən çıxacaq və Sem öləcək. Kastiel cənnəti idarə etmək istəyən mələklər tərəfindən qaçırdılır. Lakin, bir mələyi öldürür və yenidən mələk olur. Həmçinin o, mələklərdən əsl Ezekielin öldüyünü öyrənir və bunu Dinə çatdırır.

Bu arada Metatron Ezekiel deyə bilinən, lakin əsl adı Qadriel olan həmin mələklə razılığa gəlir. Belə ki, cənnəti birlikdə xilas etməlidirlər. Qadriel əslində cənnət baxcasının qoruyucusudur. Lüsiferin cənnətə girməsinə icazə verdiyinə görə cənnətdəki zindana atılmış mələkdir. Metatron cənnətin xilası üçün fədakarlıq edərək bəzi adamları öldürməyin lazım olduğunu deyərək öldürülməli olan adamların adlarını siyahı şəklində Qadrielə verir.

Din Kevindən insanı ələ keçirən mələyi bir müddət uzaqlaşdıran möhür tapmasını istəyir. Lakin, Qadriel bunları eşidir və özünü Sem kimi aparır. Daha sonra Kevini taparaq onu öldürür. Çünki Matatronun verdiyi siyahıda Kevinin də adı var idi. Sonradan Din və Kastiel Krovlinin köməyi ilə Semi Qadrieldən azad edirlər. Kastielin köməyi ilə Sem tamamən sağalıb özünə gəlir.

Mövsümün sonuncu seriasında Metatron mələkləri öz tərəfinə çəkməyi bacarır. Dinlə aralarında olan döyüşdə Dini məğlub edərək bıçaqla onu ağır yaralayır. Kastiel tərəfindən mələk lövhəsinin sındırılmasından sonra Metatron zəifləyir və öz iş otağına - Kastielin yanına gəlir. Aralarında olan söhbət müddətində Kastiel onun əsl məqsədini üzə çıxarır və səsini Metatronun xəbəri olmadan "mələk radiosu" vasitəsilə digər bütün mələklərə çatdırır. Bu söhbəti eşidən, dolayısıyla Metatronun əsl məqsədini anlayan mələklər birləşərək ona qarşı çıxırlar və onu həbsə atırlar. Dinin yarası ağır olduğundan tezliklə ölür. Sem, Krouli ilə razılığa gələrək öz ruhunu qardaşının həyata qaytarılması müqabilində qurban verməyi qərara alır və Kroulini çağırmaq məqsədilə işə başlayır. Bu zaman Krouli özü Dinin meyitinin yanına gəlir. Uzun bir monoloqdan sonra silahı Dinin əlinə qoyur və bildirir ki, bundan sonra Din də onun hiss elədiklərini hiss edəcək, onun kimi olacaq. Bir neçə saniyə sonra Din gözlərini açır, amma artıq o da bir şeytandır. Elə buradaca 9-cu mövsüm başa çatır.

Onuncu mövsüm[redaktə | əsas redaktə]

Onuncu mövsümdə Kainin izi ilə yenidən dirilən Din, artıq şeytandır və Kroili ilə birgədir. Sem isə hələdə onu axtarır. Bir müddətdən sonra Din artıq Kroilinin əmrlərinə tabe olmaqdan boyun qaçırır və digər şeytanların yanında onu təhqir edəndən sonra, Kroili Semə Dinin yerini bildirir. Uzun mübarizədən sonra Sem Dini Kastielin köməyi ilə yenidən insana çevirməyi bacarır.

Rovena adlı cadugar peydə olur və onun Kroulinin anası olduğu məlum olur. Din isə önda olan və hamını öldürmək istəyi, gücü yaradan izdən xilas olmağa çalışır. Sem qardaşına özünü idarə etməyə çalışmağı məsləhət görür lakin bu o qədərdə işə yaramır. Dinin vəziyyəti gettikcə pisləşir. Sonradan Lənətlilərin Kitabı adlı kitab Çarlı tərəfindən tapılır. Orada isə o izdən xilas olmağın yolu yazılıb. Din belə olan halda Ölüm-dən kömək istəyir. O isə ondan xilasın demək olar ki qeyri mümkün olduğunu deyir. Çünki ondan yaxa qurtarmağın yeganə yolu o izi başqasına verməkdir. Əgər ayrıca olaraq iz çıxarılarsa bu Zülmət-in oyanmasına səbəb olar, kimki tanrı tərəfindən yox edilərək qəfəsə salınıb. Buna baxmayaraq Ölüm Dini dünyadan uzağa göndərə biləcəyini açıqlayır. Beləcə Din heç kim üçün təhlükə yarada bilməyəcək. Lakin bu prosesin ola bilməsi üçün Din qardaşı Semi hər şeyi məhv edə bilən xüsusi balta ilə öldürməlidir. Əvvəlcə razılaşmasada sonradan qardaşlar bunun yeganə çıxış olduğu qənayətinə gəlirlər. Dinin Semi öldürməli olduğu son anda Din baltanı ölümə vuraraq onu öldürür. Rovena isə Kastiel və Kroilin təhditi ilə izi çıxartmaq üçün cadunu tamamladıqdan sonra Kastielə cadu edir və Kroilini öldürməyi deyərək aradan çıxır. Kastiel Kroilə hücüm edir. Bu vaxt isə ildırım ilə Dinin izi yox olur. Bu isə Zülmət-in oyanışına səbəb olur.

Mövsüm Zülmət-i oyadan qara qüvvələrin qardaşlar maşında olarkən onları mühasirə etməsi ilə başa çatır.

Rollarda[redaktə | əsas redaktə]

Ad Rol
Censen Ekls Din Vinçester
Cared Padaleki Sem Vinçester
Mişa Kollins Kastiel

Serialda tez-tez istifadə olunanlar[redaktə | əsas redaktə]

Kolt[redaktə | əsas redaktə]

Kolt və 13 orijinal mərmi Samuel Kolt tərəfindən 1935-ci ildə hazırlanıb. Bu silah 5 qüvvədən başqa (Lüsifer, Mixail, Qabriel, Rafael və Tanrı) bütün fövqəltəbii varlıqları öldürmə gücünə sahibdır. Eyni zamanda, "Şeytan qapısı"nın da açarıdır. Orijinal mərmilərin 6-sını Deniel Elkins istifadə edib. Silah sonradan vampirlərin əlinə keçsə də, Con Vinçester onu geri alıb. Lakin, 2-ci mövsümdə qəzadan sonra Dinin həyatını xilas etmək üçün iblislə razılığa gələrək silahı ona verib. Din, mövsümün sonunda Azazeli bu silahla öldürür. Güllələrin sayı 1-2 ədəd qalanda qardaşlar Bobbinin köməyi ilə silah üçün güllələr hazırlamağa çox cəhd etsələr də, bacarmırlar. Yalnız sonradan Rubinin köməyi ilə bunu bacarırlar. 3-cü mövsümdə Bela adlı oğru onu oğurlayır. Onu Lilitə verdiyini desə də, əslində silah Krovli adlı iblisdədir. Din və Sem Lüsiferi öldürmək üçün silahı tapsalar da sonradan məlum olur ki, bu silah dünyada olan 5 qüvvəni öldürə bilməz. Təəssüf ki, bunlardan biri də, məhz Lüsiferdir.

İmpala[redaktə | əsas redaktə]

1967-ci il modeli Şevrole İmpala hər seriada tez-tez görünür. Dinə atası tərəfindən verilib. 2-ci mövsümün sonunda qəzada yararsız hala düşsə də, Din onu təmir edərək yenidən işlək vəziyyətə gətirib. Din maşınını çox bəyənir, hətta bəzən ona "əzizim" də deyir. Əvvəllər heç kəsə verməsə də sonradan ürəksiz də olsa qardaşına sürməyə verir.

Rubinin bıçağı[redaktə | əsas redaktə]

Bu bıçaq orta sinif şeytanları öldürə bilir. Rubi adlı bir şeytanın bıçağıdır. 3-cü mövsümdə Din Rubini tələyə salaraq bıçağı ondan alır.

Müqəddəs su[redaktə | əsas redaktə]

Suya xaç salıb, müəyyən duanı oxuyaraq suyu müqəddəsləşdirirlər. Bu su şeytanları öldürməsə də, bərk əzab verir. 1-ci sinif (ən yüksək sinif) şeytanlara təsir etmir.

Ölü adamın qanı[redaktə | əsas redaktə]

Bu, vampirlərə dəhşətli əzab verən zəhərdir. Keçib gedir, lakin bundan təsirlənən vampir bir müddət özünə gələ bilmir.

Duz[redaktə | əsas redaktə]

Saf olmayan heç nə duzun olduğu yerdən keçə bilməz. Ona görə də, nə vaxt ki, kabuslardan, şeytanlardan və cəhənnəm itlərindən qaçanda ətraflarına duz tökürlər.

Mələk bıçağı[redaktə | əsas redaktə]

Mələkləri, həmçinin şeytan və digər məxluqları öldürə bilən silahdır. Bu bıçaqdan 4, 5 və 6-cı mövsümlərdə mələklər istifadə edirdilər. Lakin 6-cı mövsümdə Meq bu silahdan cəhənnəm itlərinə qarşı istifadə etmişdi.

Şeytan hücrəsi[redaktə | əsas redaktə]

İçinə girən şeytanı həbs edir. Daha çox boyalar, tabaşir istifadə etməklə yaradılır.

Müqəddəs yağ[redaktə | əsas redaktə]

Əgər bir mələyin ətrafına tökülərsə və yandırılarsa heç bir mələk halqadan kənara çıxa bilməz, yoxsa ölər.

Krovlinin tapancası[redaktə | əsas redaktə]

Cəhənnəmin kralı olan Krovli yaxşılaşmadan əvvəl (ruhu insan ruhu olmazdan əvvəl) mələk bıçaqlarını əridib xüsusi mərmilər hazırlayaraq, mələkləri öldürə bilən silah əldə etdi.

Kitablar[redaktə | əsas redaktə]

  • Fövqəltəbii: Birdə heç vaxt — R.A Dekandido tərəfindən yazılmış bu kitab 2010-cu ilin martında satışa çıxarılıb.
  • Fövqəltəbii: Cadugərlərin kanyonu — Ceff Mariotte tərəfindən yazılmış bu kitab 2010-cu ilin iyulunda işıq üzü görüb.
  • Fövqəltəbii: Sümük açarı (Müəllif: Keyt R.A Dekandido)
  • Fövqəltəbii: Əjdahanın ürəyi (Müəllif: Keyt R.A Dekandido)
  • Fövqəltəbii: Müqəddəs olmayan səbəb (Müəllif: Coy Skrebir)
  • Fövqəltəbii: Oğulların müharibəsi (Müəllif: Rebeka Desertin)
  • Fövqəltəbii: Con Vinçestrın gündəliyi (Müəllif: Aleks İrvin)
  • Fövqəltəbii: Canavarlar, ruhlar, şeytanlar və qulyabanilərin kitabı (Müəllif: Aleks İrvin)

Cizgi romanları[redaktə | əsas redaktə]

  • Fövqəltəbii: Yaranış (Müəllif: Piter Conson)
  • Fövqəltəbii: Oğulun yüksəlişi (Müəllif: Piter Conson)

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Fövqəltəbii (teleserial, 2005) ilə əlaqəli mediafayllar var.