Fərid Əhmədov (şəhid)

Vikipediya, açıq ensiklopediya
Jump to navigation Jump to search
Fərid Əhmədov
Fərid Güloğlan oğlu Əhmədov
Fotoqrafiya
Doğum tarixi 19 yanvar 1986(1986-01-19)
Doğum yeri Cəlilabad
Flag of the Azerbaijan Soviet Socialist Republic.svg Azərbaycan SSR
Vəfat tarixi 4 sentyabr 2010 (24 yaşında)
Vəfat yeri Çiləbürt kəndi yaxınlığı, Tərtər, Flag of Azerbaijan.svg Azərbaycan
Vəfat səbəbi şəhid olmuşdur
Atası Güloğlan Əhmədov
Anası Nərgiz xanım
Vətəndaşlıq Flag of Azerbaijan.svg Azərbaycan
Milliyyəti azərbaycanlı
Fəaliyyəti hərbçi
Mükafatları "İgidliyə görə" medalı

Fərid Əhmədov (tam adı: Fərid Güloğlan oğlu Əhmədov; d. 19 yanvar 1986-ci il, Cəlilabad rayonu, Azərbaycan SSR, SSRİ - ö. 4 sentyabr 2010, Çiləbürt kəndi yaxınlığı, Tərtər) — Azərbaycan zabiti, "İgidliyə görə" medalı ilə təltif edilib (ölümündən sonra).

Həyatı[redaktə | əsas redaktə]

Fərid Əhmədov 1986-cı il yanvarın 19-da Cəlilabad rayonunda anadan olub. 2003-cü ildə Cəlilabad şəhərində Nizami adına 1 saylı orta məktəbi bitirib. Həmin il Heydər Əliyev adına Azərbaycan Ali Hərbi Məktəbi daxil olub. 2007-ci ildə oranı leytenant rütbəsi ilə bitirib. 2007-2008-ci illərdə Təlim-Tədris Mərkəzində təkmilləşdirmə kursu keçib. 2008-2009-cu illərdə Gəncədə zabit kimi hərbi xidmət keçib.

2010-cu il sentyabrın 3-dən 4-nə keçən gecə Tərtərin Çiləbürt kəndi yaxınlığındakı döyüşdə şəhid olub. Birbaşa döyüş xəttində həlak olduğu üçün Fərid Əhmədovun meyiti düşmən tərəfdə qalıb və yalnız noyabrın 6-da Ermənistan və Azərbaycan tərəflərinin razılaşmaları nəticəsində qaytarılıb.

Prezidentin sərəncamı[redaktə | əsas redaktə]

2010-cu il noyabrın 7-də Prezident İlham Əliyev baş leytenant Fərid Gülağa oğlu Əhmədovun "İgidliyə görə" medalı ilə təltif edilməsi (ölümündən sonra) haqqında sərəncam imzalayıb. Sərəncama əsasən, şəhid Fərid Əhmədov bu medala hərbi borcunu həyatı təhlükə altında yerinə yetirərkən igidlik göstərdiyinə görə layiq görülüb[1].

Xatirəsi[redaktə | əsas redaktə]

2014-cü ilin yanvar ayında şəhid Fərid Əhmədovun ömür yoluna həsr olunmuş "Hay ver mənə, leytenant" filminin təqdimat mərasimi keçirilib.[2][3]

Həmçinin bax[redaktə | əsas redaktə]

İstinadlar[redaktə | əsas redaktə]

  1. Düşmənə sinə gərmiş qəhrəmanın döyüş qabağı son sözü — news.day.az saytı
  2. "Şəhid zabit Fərid Əhmədovla bağlı filmin təqdimatı oldu" (az). Xəzər Xəbər. xezerxeber.com. 2014. http://www.xezerxeber.com/gundem/83146/sehid-zabit-ferid-ehmedovla-bagli-filmin-teqdimati-oldu. İstifadə tarixi: 2014-09-08.
  3. Asimqızı, A. “Hay ver mənə, leytenant”: Milli Qəhrəman Fərid Əhmədovun xatirəsinə həsr edilmiş film təqdim olundu: [Beynəlxalq Mətbuat Mərkəzində] //Üç nöqtə.- 2014.- 22 yanvar.- S.13.

Xarici keçidlər[redaktə | əsas redaktə]