F/A-XX NGAD

F/A-XX NGAD
İstismarçılar	ABŞ Hərbi Hava Qüvvələri

NGAD (Next Generation Air Dominance) - ABŞ-də altıncı nəsil döyüş aviasiyasına aid edilən ən son qırıcının yaradılması proqramı. 6-cı nəsil qırıcının özü hal-hazırda F/A-XX olaraq təyin edilmişdir.

Perspektivli Amerika qırıcısının ilk uçuşu 2030-cu ildə olacaq. Eyni zamanda, F/A-XX-nin son versiyası 2035-ci ilə qədər ABŞ aviasiya donanmasında görünməlidir. Bu vaxta qədər yüzlərlə beşinci nəsil F-22 qırıcıları ABŞ Hərbi Hava Qüvvələri və Hərbi Dəniz Qüvvələrindən çıxarılacaq. F/A-XX döyüş radiusunun təqribən 1450 km olacağı ehtimal edilir, bu da F-35 qırıcısının radiusundan xeyli aşağıdır. F/A-XX modifikasiyalarından biri qırıcının aviadaşıyıcı əsaslı versiyası olacaq. F/A-XX-nin döyüş lazerləri, həmçinin hipersəs raketləri ilə təchiz edilməsi planlaşdırılır, qırıcı həmçinin süni intellekt (AI) sistemi ilə idarə olunacaq.

Altıncı nəsil qırıcının 10-12 min metr yüksəklikdə maksimal uçuş sürəti saatda 2,3 min km olaraq təyin edilmişdir. Bununla əlaqədar, ABŞ perspektivli qırıcıdan həm də ələ keçirici kimi istifadə ediləcəyini bildirir. Üstəlik, NGAD proqramının bu qırıcının pilotsuz versiyasının yaradılmasını nəzərdə tutan bölməsi var, burada süni intellekt təkcə silahları deyil, həm də uçuşun bütün mərhələlərini, o cümlədən havadan və ya yer səthindən hücum edən düşmən raketlərindən uzaqlaşmaq üçün lazım olan prosesləri idarə edəcək. ABŞ ordusunun rəhbərliyi 2035-ci ilə qədər 250-yə qədər altıncı nəsil qırıcını qoşunlara təhvil verilməsini gözləyir.