Faiq Şükürbəyli

Vikipediya, azad ensiklopediya
Jump to navigation Jump to search
Faiq Şükürbəyli
Faiq Xasay oğlu Qurbanov
Faiq Şükürbəyli.JPG
Doğum tarixi 28 aprel 1957 (1957-04-28) (62 yaş)
Doğum yeri Şükürbəyli, Füzuli rayonu, Azərbaycan SSR, SSRİ
Vətəndaşlığı SSRİ SSRİAzərbaycan Azərbaycan
Təhsili

Faiq Şükürbəyli; Faiq Xasay oğlu Qurbanov (28 aprel, 1957)—Folklorşünas, jurnalist.

Həyatı[redaktə | əsas redaktə]

Qurbanov Faiq Xasay oğlu 28 aprel 1957-ci ildə Füzuli rayonunun Şükürbəyli kəndində anadan olmuşdur. 1971-ci ildə Şükürbəyli kənd natamam orta məktəbini bitirərək Şuşa Pedaqoji Məktəbinə daxil olmuş və 1975-ci ildə oranı müvəffəq qiymətlərlə başa vurmuşdur. Təyinatla Ucar rayonunun Yuxarı Şilyan kənd orta məktəbində müəllim işləmiş, 1976-1978-ci illərdə Sovet Ordusu sıralarında hərbi xidmət keçmişdir.

Hərbi xidmətini başa vurduqdan sonra doğma Vətəninə qayıdan Faiq Şükürbəyli 1978-1980-ci illərdə Füzuli rayonunun Araz Yağlıvənd kənd orta məktəbində müəllim, 1980-1993-cü illərdə isə Şükürbəyli kənd orta məktəbində hərbi rəhbər və tarix müəllimi işləmişdir. 1983-cü ildə Bakıda Jurnalist Sənətkarlığı İnstitutunu, 1993-cü ildə Bakı Dövlət Universitetinin tarix fakültəsini, sonra isə Azərbaycan Milli Elmlər Akademiyası Nizami adına Ədəbiyyat Institutunun folklor şöbəsinin aspiranturasını bitirmiş, "Azərbaycan şifahi xalq ədəbiyyatının regional xüsusiyyətləri" mövzusunda namizədlik dissertasiyasını müdafiə edərək filologiya elmləri namizədi alimlik dərəcəsi almışdır.

Faiq Şükürbəyli 1969-cu ildən dövri mətbuatda çıxış etmişdir. Onun saysız-hesabsız məqalələri respublikamızın bir sıra qəzet və jurnallarında dərc olunmuşdur. "Ərgünəş" almanaxında şerləri çap edilmişdir. Bir neçə qəzetlə əməkdaşlıq etmiş və müxbir işləmişdir. Dövri mətbuatda uzun müddətli səmərəli fəaliyyətinə, aktual mövzularda yazdığı məqalələrə və qazandığı nailiyyətlərə görə "Kamil sənətkar" diplomuna layiq görülmüşdür.

Faiq Şükürbəyli həm də folklorşünasdır. Onun folklor sahəsində çoxlu sayda incələmələri vardır. Bu sahədə xeyli elmi məqalələrin müəllifi olan Faiq Şükürbəyli eyni zamanda bir neçə kitabın tərtibçisi, yaxud toplayıcısıdır. "Əfsanələr", "Lələ yaranmışam daşdan mən", "Qarabağ folkloru antologiyası" kitablarında onun da imzası vardır. Onun şifahi xalq ədəbiyyatına aid topladığı materiallar bir qayda olaraq respublika radiosunun "Bulaq" verilişində səsləndirilir.

Qarabağ müharibəsində şəhid olan soydaşlarımızın ömür yolundan bəhs edən kitabların müəllifidir: "İstiqlal şəhidləri", "Ərgünəş fəryadı", "Dağlar, oğul amanatı", "Ərgünəşin ər oğulları", "Dağ vüqarlı insan".

Respublikanın tanınmış publisist-jurnalistlərindən biri olan Faiq Şükürbəyli hazırda Azərbaycan Dövlət Neft Akademiyasında çalışır.

Ailəlidir, övladı var.

Mükafatları[redaktə | əsas redaktə]

Əsərləri[redaktə | əsas redaktə]

  • Bayatı ustası Lələ,
  • Şükürbəli və Şükürbəylilər. Bakı: "Zərdabi LTD", 2012, 320 səh.
  • Hüşün - Bozdağın ətəyində yaşıl ada/F. Şükürbəyli ; red. N. Şükürbəyli. - 2013.
  • Bum kəndi - tarixdə olduğu kimi. I kitab. - 2015.

Tərtib etdiyi kitablar[redaktə | əsas redaktə]

  1. Qarabulaq (Füzuli) folkloru antologiyası. I kitab. - 2010.

Filmoqrafiya[redaktə | əsas redaktə]