Fikrət Əliyev (riyaziyyatçı)

Fikrət Əliyev
Fikrət Əliyev
Doğum tarixi	13 avqust 1949 (76 yaş)
Doğum yeri	Nüvədi, Meğri rayonu, Ermənistan SSR, SSRİ;
Elm sahəsi	informatika
Elmi dərəcəsi	fizika-riyaziyyat elmləri doktoru;
Elmi adları	professor,; akademik;
İş yeri	Bakı Dövlət Universiteti;
Təhsili	Bakı Dövlət Universitetinin Mexanika-riyaziyyat fakültəsi;
Mükafatları

Fikrət Əhmədəli oğlu Əliyev (13 avqust 1949, Nüvədi, Meğri rayonu) — Fizika-riyaziyyat elmləri doktoru, Professor, akademik.

Həyatı

13 avqust 1949-cu ildə Mehri rayonunun Nüvədi kəndində anadan olub.^[1]. F. Ə. Əliyev 1971-ci ildə Azərbaycan Dövlət Unversitetinin (indiki BDU) mexanika -riyaziyyat fakültəsini müvəffəqiyyətlə bitirərək aspiranturaya daxil olmuş, 1975-ci ildə Ukrayna EA-nın Riyaziyyat İnstitutunda (Kiyev) namizədlik dissertasiyasını müdafiə etmiş, 1990-cı ildə SSRİ EA-nın Ümumittifaq Sistem Analizi İnstitutunda (Moskva) fizika-riyaziyyat elmləri doktoru dərəcəsini almaq üçün doktorluq dissertasiyasını müdafiə etmişdir. 2000-ci ildən isə Azərbaycan Milli Elmlər Akademiyasının həqiqi üzvüdür. F. Ə. Əliyev 2007-ci ildən Türk Dünyası Riyaziyyat Cəmiyyətinin Vitse-Prezidentidir.

"History of Science" beynəlxalq elmi-nəzəri araşdırmalar jurnalının 3-cü sayından jurnalın "Fizika-riyaziyyat və texnika elmləri" üzrə redaksiya heyətinin üzvüdür.

Elmi fəaliyyəti

F. Ə. Əliyev 1975-ci ildən 1992-ci ilədək Azərbaycan EA Riyaziyyat və Mexanika İnstitutunda kiçik, baş elmi işçi, 1992–1993-cü illərdə İstanbul Texniki Universitetinin (Türkiyə) professoru olmuş, 1993-cü ildən indiyədək Bakı Dövlət Universitetinin nəzdində Tətbiqi Riyaziyyat ETİnin direktoru vəzifəsində calışır.

Türk Dünyası Riyaziyyat Cəmiyyətinin vitse prezidenti

F. Ə. Əliyev 1993-cü ildə Amerika Riyaziyyat Cəmiyyətinin, 1996-cı ildən Ümumdünya Kompüter Assosiasiyasının üzvüdür.

Applied and Computational Mathematics beynəlxalq jurnalın həm baş redaktoru

TWMS Journal Pure and Applied Mathematics beynəlxalq jurnalın baş redaktoru

Proceedings of Institute of Applied Mathematics jurnalın baş redaktoru

Təltif və mükafatları

F. Ə. Əliyev Azərbaycan elminin təbliğindəki xidmətlərinə görə "Tərəqqi" medalı ilə təltif olunub.
Rumıniya Respublikasının Riyaziyyat Cəmiyyətinin 100 illiyinə həsr olunmuş xatirə medalı ilə təltif olunub.
Qazaxstan Respublikasının Əl-Fərabi adına Milli Universitetin Yubiley medalı.

İstinadlar

↑ "Əliyev Fikrət Əhmədəli oğlu" (az.). science.gov.az. 2017. 12 aprel 2021 tarixində arxivləşdirilib. İstifadə tarixi: 20 mart 2017.

[1] "Əliyev Fikrət Əhmədəli oğlu" (az.). science.gov.az. 2017. 12 aprel 2021 tarixində arxivləşdirilib. İstifadə tarixi: 20 mart 2017.

[1]