Fikrət Adıgözəlli

Vikipediya, azad ensiklopediya
Jump to navigation Jump to search
Fikrət Adıgözəlli
Fikrət Adıgözəlli.jpg
Doğum tarixi (60 yaş)
Vətəndaşlığı Azərbaycan Azərbaycan
Milliyyəti Azərbaycanlı
İxtisası jurnalist
Təhsili Azərbaycan Dövlət Universiteti
Fəaliyyəti Televiziya jurnalisti
Fəaliyyət illəri 1983 — h.h.
Tanınır İdman verilişlərinin şərhçisi və aparıcısı

Fikrət Adıgözəlli Əməkdar jurnalist[1], idman verilişlərinin şərhçisi və aparıcısı.

Həyatı[redaktə | mənbəni redaktə et]

Fikrət İlyas oğlu Adıgözəlli 10 may 1961-cı ildə anadan olub. 1978-ci ildə Azərbaycan Dövlət Universitetinin jurnalistika fakültəsinə daxil olub və 1983-cü ildə oranı fərqlənmə diplomu ilə bitirib. Hələ tələbə olduğu vaxt “Araz” radiosunda verilişlər hazırlayıb. Universiteti bitirdikdən sonra, 29 avqust 1983-cü ildə Teleradio Verilişləri Komitəsinə işə götürülüb. Televiziyada ştat üzrə boş yer idman redaksiyasında olduğu üçün orada kiçik redaktor kimi işə başlayıb. İlk vaxtlar idman redaksiyasında müvəqqəti işləyəcəyini və gələcəkdə başqa redaksiyada boş yer olan kimi yerini dəyişəcəyini düşünüb. Lakin bir müddət sonra hamı onu idman jurnalisiti kimi tanıdığından başqa redaksiyaya keçmək fikrindən daşınaraq idman redaksiyasında qalıb və orada şöbə müdiri vəzifəsinə qədər yüksəlib. Bu günə qədər idman verilişlərinin aparıcısı və şərhçisi kimi fəaliyyət göstrərir [2].

AzTVİdman TV-dən başqa “İdman”, “Bakı”, “Kommunist”, “Azərbaycan gəncləri” qəzetlərində də çalışıb[1].

Jurnalistika fəaliyyəti[redaktə | mənbəni redaktə et]

Şərh etdiyi ilk futbol matçı 1987-ci il mayın 18-ində SSRİ çempionatının Kutaisidə keçirilən “Torpedo” (Kutaisi) - “Neftçi”(Bakı) qarşılaşması olub. Həmin oyunun canlı yayımında səs kəsildiyindən Fikrət Adıgozəlli oyunu Bakıdakı telestudiyadan 20 dəqiqə məcburi şərh etməli olub. Onun bu şərhi bəyənildiyindən bir həftə sonra – mayın 25-də keçiriləcək “Ararat” - “Neftçi” oyununu canlı şərh etmək ona həvalə edilib. Onun bu şərhi də çox bəyənilib. Bundan sonra futbol və digər idman oyunlarını mütəmadi olaraq şərh etməyə başlayıb [2].

Hazırda Teleradio Verilişləri Qapalı Səhmdar Cəmiyyətinin “İdman-Azərbaycan” kanalının şərhçisidir. “İdman icmalı” və “Olimp” proqramlarının müəllifi, kütləvi-tematik verilişlərin aparıcısıdır. İdmanın ən müxtəlif növləri üzrə beynəlxalq və respublika miqyaslı yarışlardan reportajlar aparır. Həmin yarışlardan Rusiyanın “NTV-sport” kanalı üçün də videomateriallar hazırlayır[1].

İdman jurnalisti kimi dünyanın 50-dək ölkəsində ezamiyyətdə olub, Türkiyə, ABŞ, Kanada, Yaponiya, Almaniya, İngiltərə, Finlandiya, Çexiya, İsrail, İtaliya, ÇXR, İspaniya və b. ölkələrdə Azərbaycan idmançılarının iştirakı ilə beynəlxalq yarışlardan, dünya və Avropa çempionatlarından, Olimpiya oyunlarından proqramlar, reportajlar hazırlayıb[1].

Özünəməxsus səs tembri və zəngin söz ehtiyatına malik səlis bədii-publisistik nitqi ilə seçilir.

Mükafatları[redaktə | mənbəni redaktə et]

  • Azərbaycan İdman Jurnalistləri Assosiasiyasının keçirdiyi rəy sorğularına əsasən müxtəlif nominasiyalar üzrə dəfələrlə qalib gəlib[1].


İstinadlar[redaktə | mənbəni redaktə et]

  1. 1 2 3 4 5 6 7 "Fikrət Adıgözəlli". azsport.az.
  2. 1 2 "AzTV-nin əfsanəvi idman şərhçisi Kulisə danışır". kulis.az.