Firdovsi Əliyev (alim)

Vikipediya, azad ensiklopediya
Jump to navigation Jump to search
Firdovsi Əliyev
Firdovsi Şamil oğlu Əliyev
Doğum tarixi
Doğum yeri Azərbaycan, Tovuz, Düz Qırıqlı k.
Vətəndaşlığı Azərbaycan Azərbaycan
Milliyyəti azərbaycanlı
Elm sahəsi geologiya-mineralogiya
Elmi dərəcəsi Professor
Elmi adı geologiya-mineralogiya elmləri doktoru
Alma-mater Azərbaycan Neft və Kimya İnstitu
Təhsili Azərbaycan Dövlət Neft Akademiyası

Firdovsi Əliyev (Tam adı:Firdovsi Şamil oğlu Əliyev; d.1937; Azərbaycan, Tovuz, Düzqırıxlı k.) — Geologiya-mineralogiya elmləri doktoru, professor.

Həyatı[redaktə | əsas redaktə]

Firdovsi Əliyev 1937-ci ildə Azərbaycanın Tovuz rayonunun Düzqırıxlı kəndində anadan olub. 1959-cu ildə dağ mühəndisi-hidrogeoloq ixtisası üzrə Azərbaycan Neft və Kimya İnstitunun geoloji-kəşfiyyat fakültəsini bitirib. 1959-2002-ci illərdə Azərbaycan Geologiya və Mineral Ehtiyatlar üzrə Dövlət Komitəsində işləmiş və kollektordan gidrogeoloji və mühəndis-geoloji partiyaların rəhbəri vəzifələrinə qədər yüksəlmişdir. 1988-2002-ci illərdə Dövlət Geoloji Komitəsinin hidrogeoloji və mühəndisi geologiya idarəsinin baş hidrogeoloqu işləmişdir. 1979-cu ildə "Suvarma şəraitlərində Şirvan düzünün qrunt sularının əmələgəlməsi qanunauyğunluğunun təhlili və rejimlərinin proqnozu" mövzusunda namizədlik, 1995-ci ildə "Texnogenez şəraitlərində Azərbaycan Respublikasının yeraltı sularının rejimlərinin əmələgəlmə qanunauyğunluğu" mövzusunda doktorluq dissertasiyaları müdafiə etmişdir.

Elmi fəaliyyəti[redaktə | əsas redaktə]

F.Ş.Əliyevin rəhbərliyi altında Azərbaycanın bütün ərazilərində hidrogeoloji və mühəndis-geoloji planalma işləri aparılmışdır. Şirin, mineral və termal sularının axtarışı və kəşfiyyatı, onların rejimlərinin öyrənilməsi ilə məşğul olmuşdur. Onun tərəfindən yeraltı suların çirklənməsi və tükənməsinin öyrənilməsi üzrə geoekoloji tədqiqatların aparılması layihəsi işlənib hazırlanmışdır. F.Ş.Əliyev Azərbaycanın şəhər, qəsəbə və kənd yaşayış məntəqələrinin ekiloji təmiz yeraltı sularla təchiz olunması problemi ilə məşğul olmuşdur. 1968-2002-ci illərdə ADNA-ın "Ümumi, tarixi geologiya və hidrogeologiya" kafedrasında müəllim, dosent professor kimi hidrogeologiya və ətraf mühitin qorunması üzrə dərs keçmiş F.Əliyev 170 elmi işin, o cümlədən 5 dərsliyin, 5 monoqrafiyanın müəllifidir. Hal-hazırda elmi kadrların hazırlanması ilə məşğuldur.

Mənbə[redaktə | əsas redaktə]

  • Azərbaycanın geoloq və geofizik alimləri, "Nafta-Press" nəşriyyatı, 2004