Firudin Hüseynov (energetik)

Firudin Hüseynov
Firudin Həmzə oğlu Hüseynov
Doğum tarixi	17 iyul 1918(1918-07-17)
Doğum yeri	Yelizavetpol, Yelizavetpol quberniyası, AXC
Vəfat tarixi	1984
Vəfat yeri	Bakı, Azərbaycan SSR, SSRİ
Uşağı	Solmaz xanım
Elm sahəsi	energetika
Elmi dərəcələri	professor (1966), texnika elmləri doktoru
İş yerləri	Azərbaycan Sənaye İnstitutu (1947–1957), AMEA Fizika İnstitutu (1957–)
Təhsili	Azərbaycan Sənaye İnstitutu (–1942)
Üzvlüyü	AMEA
Mükafatları

Firudin Həmzə oğlu Hüseynov (17 iyul 1918, Yelizavetpol – 1984, Bakı) — AMEA-nın müxbir üzvü (1980), professor (1966), texnika üzrə elmlər doktoru (1965).

Həyatı

Firudin Hüseynov 1918-ci il iyulun 17-də Gəncə şəhərində anadan olmuşdur. 1936-cı ildə Bakı Energetika Texnikumunu və 1942-ci ildə Azərbaycan Dövlət Neft və Sənaye Universiteti bitirmişdir.

Elmi fəaliyyəti

Firudin Hüseynov 1950-ci ildə texnika üzrə fəlsəfə doktoru, 1965-ci ildə texnika üzrə elmlər doktoru elmi dərəcələrini, 1966-cı ildə porofessor elmi adını almış, 1980-ci ildə AMEA-nın müxbir üzvü seçilmişdir.

Firudin Hüseynov 6 monoqrafiya və 300-dən artıq elmi əsərin müəllfidir. Onun rəhbər­liyi altın­da 40 nəfər fəlsəfə və elmlər doktorluğu dissertasiyası müdafiə edilmişdir.

Əmək fəaliyyəti

Firudin Hüseynov 1947-ci ildən ASİ-də assistent, dosent, professor, 1957-ci ildən Azərbaycan Elmi Tədqiqat Energetika İnstitutunda elektrik sistemləri laboratoriyasının müdiri vəzifələrində çalışmışdır.

Firudin Hüseynov ilk dəfə müasir mürəkkəb sistemlərin ekvivalentləşdirilməsi metodunun əsasını işləyib, Azərbaycanın energetika sahəsində müxtəlif elmi araşdırmalar aparıb.

Vəfatı

Firudin Hüseynov 1984-cü ildə Bakıda vəfat etmişdir.

Təltifləri

Firudin Hüseynov "Qafqazın müdafiəsinə görə", "Rəşadətli əməyə görə", "Əməkdə fərqlənməyə görə" medalları ilə təltif olunmuşdur.